ମନୋରଞ୍ଜନ
19 May 2023
By The Sakala
ସାନ୍ଦୁଲ ଜଳସେଚନ ପ୍ରକଳ୍ପର ସମୀକ୍ଷା କରିବା ସହ ମାର୍ଚ୍ଚ ସୁଦ୍ଧା କାମ ସାରିବାକୁ ପ୍ରତିଶ୍ରୁତି ଦେଲେ 5T ସଚିବ
କଳାହାଣ୍ଡି: ମାର୍ଚ୍ଚ ସୁଦ୍ଧା ସରିବ କଳାହାଣ୍ଡିର ସାନ୍ଦୁଲ ଜଳସେଚନ ପ୍ରକଳ୍ପ କାମ । ପ୍ରକଳ୍ପ ନିର୍ମାଣ ଅଗ୍ରଗତିର ସମୀକ୍ଷା କରିଛନ୍ତି 5T ସଚିବ ଭିକେ ପାଣ୍ଡିଆନ । ପ୍ରକଳ୍ପ ସାଇଟ୍ ବୁଲି ଦେଖିବା ସହ କାମର ତଦାରଖ କରିଛନ୍ତି । ତେବେ ମାର୍ଚ୍ଚ ସୁଦ୍ଧା ପ୍ରକଳ୍ପ କାମ ସରିବ ବୋଲି ସେ ପ୍ରତିଶ୍ରୁତି ଦେଇଛନ୍ତି । ସାନ୍ଦୁଲ ଜଳସେଚନ ପ୍ରକଳ୍ପ ହେଲେ ୫ ହଜାରରୁ ଅଧିକ ଅଧିକ ହେକ୍ଟର ଚାଷ ଜମି ଜଳସେଚିତ ହେବ । ନର୍ଲା, କେସିଙ୍ଗା, କର୍ଲାମୁଣ୍ଡା ଅଞ୍ଚଳର ବହୁ ଚାଷୀ ଉପକୃତ ହେବେ । ୧୨୫ କୋଟି ଟଙ୍କାର କାମ ଚାଲିଥିବା ବେଳେ ୧୩୦ କୋଟିର ସୌନ୍ଦର୍ଯ୍ୟକରଣ କାମ ଚାଲିବ । ଫଳରେ ଲୋକ ସହଜ ଓ ସୁବିଧାରେ ପାଣି ପାଇପାରିବେ ।
ଲୋକଙ୍କ ସହ ସିଧାସଳଖ କଥା ହେବା ସହ ସେମାନଙ୍କ ସମସ୍ୟା ବୁଝିଛନ୍ତି ସଚିବ । ମିଶନ ଶକ୍ତି ମାଆଙ୍କ ସହ କଥା ହେବା ସହ ସମସ୍ତେ ମିଳିମିଶି ଭଲ କାମ କରିବାକୁ ଆହ୍ବାନ ଦେଇଛନ୍ତି । ମାଆ ମାନଙ୍କ ଉନ୍ନତି ହେଲେ ପରିବାରର ଉନ୍ନତି ସହ ଓଡ଼ିଶାର ଉନ୍ନତି ହେବ ବୋଲି କହିଛନ୍ତି 5T ସଚିବ ଭିକେ ପାଣ୍ଡିଆନ ।
https://www.thesakala.in/latest-odisha-news/5t-secretary-reviewed-the-sandul-irrigation-project-in-kalahandi/article-21794
About The Author
