କର୍ପୋରେଟ୍‌ ଲଭ୍‌: ହୁଆଙ୍ଗ-ମସ୍କ-ବେଜୋସ୍‌-ବ୍ରିନ୍‌ ସମସ୍ତେ ପ୍ରେମ ପାଗଳ, ପରକ୍ରୀୟା ପ୍ରୀତି ଯୋଗୁ ହରାଉଛନ୍ତି ପଦ, ମାନ ଓ ସମ୍ମାନ

ୱାଶିଂଟନ୍‌: ବିଶ୍ୱର ସବୁଠାରୁ ଶକ୍ତିଶାଳୀ ଟେକ୍ କମ୍ପାନୀଗୁଡିକର ନେତୃବୃନ୍ଦଙ୍କ ବ୍ୟକ୍ତିଗତ ଜୀବନ ବେଶ ରୋମାନ୍ସରେ ଭରା। ହେଲେ ଏହା ଯେତେବେଳେ ପରକ୍ରୀୟା ପ୍ରୀତିର ରୂପ ନେଇଛି ସେତେବେଳେ ଏହା ସେମାନଙ୍କ ପାଇଁ ବିପଦ ଆଣିଛି। ଏନ୍‌ଭିଡିଆ ମୁଖ୍ୟ ଜେନସେନ ହୁଆଙ୍ଗ ଏହାର ସଦ୍ୟତମ ଉଦାହରଣ। ତାଙ୍କ ଏଭଳି ବ୍ୟାପାର ଯୋଗୁଁ ତାଙ୍କୁ କମ୍ପାନୀରୁ ଇସ୍ତଫା ଦେବାକୁ ପଡିଛି। କେବଳ ହୁଆଙ୍ଗ୍‌ କାହିଁକି ପୂର୍ବରୁ, ଆଇଟି ଜଗତର ଅନେକ ମୁଖିଆ ପରକ୍ରୀୟା ପ୍ରୀତି ଯୋଗୁ ନିଜର ପଦ, ମାନ ଓ ସମ୍ମାନ ହରାଇଛନ୍ତି। ଏପରିକି କମ୍ପାନୀ  ତଡ଼ା ମଧ୍ୟ ଖାଇଛନ୍ତି। ଟେସ୍‌ଲା ମୁଖ୍ୟ ଏଲନ୍‌ ମସ୍କଙ୍କଠାରୁ ଆରମ୍ଭ କରି ଜେଫ୍ ବେଜୋସ୍‌ ,ସର୍ଗୀ ବ୍ରିନ୍‌ ଏବଂ ଏରିକ ସ୍ମିଡ୍ ମଧ୍ୟ ଏହି ତାଲିକାରେ ଅଛନ୍ତି।

ଚୀନ୍ ଗୁପ୍ତଚର ଏବଂ କମ୍ପାନୀ କର୍ମଚାରୀଙ୍କ ସହ ପରକ୍ରୀୟା ପ୍ରୀତି ପାଇଁ ଏନଭିଡିଆର ସିଇଓ ଜେନସେନ ହୁଆଙ୍ଗ ଇସ୍ତଫା ଦେଇଛନ୍ତି। ହୁଆଙ୍ଗ ସିଙ୍ଗାପୁର-ଭିତ୍ତିକ ଡାଟା ସେଣ୍ଟର କମ୍ପାନୀ ମେଗା ସ୍ପିଡ୍‌ର ପୂର୍ବତନ କାର୍ଯ୍ୟନିର୍ବାହୀ ଆଲିସ୍ ହୁଆଙ୍ଗଙ୍କ ସହ ସମ୍ପର୍କ ସ୍ୱୀକାର କରିବା ପରେ ଏହି ଘଟଣା ବଡ଼ ରୂପ ନେଇଥିଲା। ରିପୋର୍ଟ ଅନୁଯାୟୀ, ଆମେରିକାର ଗୁପ୍ତଚର ସଂସ୍ଥାଗୁଡ଼ିକ ଏହି ସମ୍ପର୍କରେ ଜାଣିବା ପରେ ଆଲିସ୍ ହୁଆଙ୍ଗଙ୍କ ଚୀନ୍ ଗୁପ୍ତଚର ସଂସ୍ଥା ସହିତ ରହିଥିବା ସମ୍ପର୍କ ନେଇ ତଦନ୍ତ କରୁଛନ୍ତି। ଏହା ପରେ ହୁଆଙ୍ଗ ତାଙ୍କ ପରିବାର, କର୍ମଚାରୀ ଏବଂ ସେୟାରଧାରକଙ୍କୁ କ୍ଷମା ମାଗିଛନ୍ତି। ଏହା ପରେ, ଜେନସେନଙ୍କୁ ଇସ୍ତଫା ଦେବାକୁ ବାଧ୍ୟ କରାଯାଇଥିଲା।

ସେହିପରି ଆମାଜାନ୍‌ର ପ୍ରତିଷ୍ଠା ତଥା ସିଇଓ ଜେଫ ବେଜୋସଙ୍କ ପାଇଁ ପୂର୍ବତନ ଟିଭି ଆଙ୍କର ଲରେନ୍ ସାଞ୍ଚେଜ୍‌ଙ୍କ ସହ ଥିବା ସମ୍ପର୍କ ମହଙ୍ଗା ପଡିଛି। ଫୋବର୍ସ ଇଣ୍ଡିଆ ଅନୁଯାୟୀ, ଯେତେବେଳେ ବେଜୋସ୍ ଏବଂ ସାଞ୍ଚେଜ୍ ୨୦୧୯ ପୂର୍ବରୁ ଡେଟିଂ ଆରମ୍ଭ କରିଥିଲେ, ଉଭୟ ବିବାହିତ ଥିଲେ। ବେଜୋସ୍ ତାଙ୍କ ପତ୍ନୀ ମ୍ୟାକେଞ୍ଜି ସ୍କଟ୍‌ଙ୍କଠାରୁ ଛାଡପତ୍ର ଘୋଷଣା କରିବା ସମୟରେ ସେମାନଙ୍କ ସମ୍ପର୍କର ଖବର ପ୍ରକାଶ ପାଇଥିଲା। ଯେତେବେଳେ ସେମାନଙ୍କର ବ୍ୟକ୍ତିଗତ ବାର୍ତ୍ତା ଏବଂ ଫଟୋ ଗଣମାଧ୍ୟମରେ ଲିକ୍ ହୋଇଥିଲା, ସେତେବେଳେ ଏହି ସମ୍ପର୍କ ଅନ୍ତର୍ଜାତୀୟ ଖବର ପାଲଟିଥିଲା। 

୨୦୨୦ରେ  ରିପୋର୍ଟ ପ୍ରକାଶ ପାଇଥିଲା ଯେ ଏଲନ୍ ମସ୍କଙ୍କର ଗୁଗୁଲ୍ ସହ-ପ୍ରତିଷ୍ଠାତା ସେର୍ଗେ ବ୍ରିନ୍‌ଙ୍କ ତତ୍କାଳୀନ ପତ୍ନୀ ନିକୋଲ୍ ଶାନାହାନ୍ ଙ୍କ ସହିତ ସମ୍ପର୍କ ଥିଲା। ଏହି ରିପୋର୍ଟଗୁଡ଼ିକ ମସ୍କ ଏବଂ ବ୍ରିନ୍ ଙ୍କ ଦୀର୍ଘକାଳୀନ ବନ୍ଧୁତାକୁ ଖରାପ କରିଥିଲା। ମସ୍କ ସାର୍ବଜନୀନ ଭାବରେ ଅଭିଯୋଗଗୁଡ଼ିକୁ ଅସ୍ୱୀକାର କରିଥିଲେ ଏବଂ ସେଗୁଡ଼ିକୁ ମିଥ୍ୟା ବୋଲି କହିଥିଲେ। ତଥାପି, ଏହି ମାମଲା ଟେସଲା ଏବଂ ସ୍ପେସଏକ୍ସ ମୁଖ୍ୟଙ୍କୁ ଘେରି ରହିଥିବା ସବୁଠାରୁ ଚର୍ଚ୍ଚିତ ବିବାଦ ମଧ୍ୟରୁ ଗୋଟିଏ ହୋଇଗଲା। ତେବେ ପତ୍ନୀ ନିକୋଲ ଶାନାହାନଙ୍କୁ ମସ୍କଙ୍କ ସହ ସମ୍ପର୍କ ଖବରର ବହୁ ପୂର୍ବରୁ, ସେର୍ଗେ ବ୍ରିନ୍ ଙ୍କ ବ୍ୟକ୍ତିଗତ ଜୀବନ ପୂର୍ବରୁ ଗଣମାଧ୍ୟମର ଧ୍ୟାନ ଆକର୍ଷଣ କରିଥିଲା। ୨୦୧୩ର ବ୍ରିନ୍‌ କମ୍ପାନୀର ଜଣେ ମାର୍କେଟିଂ କାର୍ଯ୍ୟନିର୍ବାହୀ ଆମାଣ୍ଡା ରୋଜେନବର୍ଗଙ୍କ ସହିତ ସମ୍ପର୍କ ରଖିଥିଲେ। ଆମାଣ୍ଡା ଗୁଗୁଲ୍ ସହିତ ଜଡିତ ଏବଂ କମ୍ପାନୀର ଜଣେ ଜଣାଶୁଣା ବ୍ୟକ୍ତିତ୍ୱ ହୋଇଥିବାରୁ ଏହି ସମ୍ପର୍କ ବହୁତ ପ୍ରଶ୍ନ ଉଠାଇଥିଲା। ଏହାପରେ ପୂର୍ବତନ ଗୁଗୁଲ୍ ସିଇଓ ଏରିକ ସ୍ମିଡ୍‌ଙ୍କ ବ୍ୟକ୍ତିଗତ ସମ୍ପର୍କ ଗତ କିଛି ବର୍ଷ ମଧ୍ୟରେ ଅନେକ ଥର ଶିରୋନାମାରେ ରହିଛି।