ଜଟଣୀରେ ବୁଲିଲା ଖଣ୍ଡା, ଫୁଟିଲା ବୋମା; ଯୁବକଙ୍କୁ ବିଚ୍‌ ରାସ୍ତାରେ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ

The Sakala Picture
Published On

ଜଟଣୀ: ପୂର୍ବ ଶତ୍ରୁତା ଓ ଦାଦାବଟିକୁ କେନ୍ଦ୍ର କରି ଜଟଣୀ ଥାନା ଅନ୍ତର୍ଗତ ବେଣାପଞ୍ଜରୀ ଗ୍ରାମରେ ବୋମା ଫୁଟିବା ସହ ଖଣ୍ଡା ବୁଲିଛି। ଦୁର୍ବୃତ୍ତମାନେ ଜଣେ ଯୁବକଙ୍କୁ ବିଚ୍‌ ରାସ୍ତାରେ ଗୋଡ଼େଇ ଗୋଡ଼େଇ ଖଣ୍ଡାରେ ହାଣିଛନ୍ତି। ଗୁରୁତର ଯୁବକ ହେଲେ, ବେଣାପଞ୍ଜରୀ ମୁସଲିମ୍‌ ସାହିର ମହମ୍ମଦ ଅଖତର୍‌। ତାଙ୍କୁ ପ୍ରଥମେ ଜଟଣୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଘଟଣାସ୍ଥଳରେ ପୁଲିସ ପହଞ୍ଚି ଛାନଭିନ୍‌ ଆରମ୍ଭ କରିଛି। ସୂଚନାନୁଯାୟୀ, ଗତକାଲି ମହମ୍ମଦ […]

ଜଟଣୀ: ପୂର୍ବ ଶତ୍ରୁତା ଓ ଦାଦାବଟିକୁ କେନ୍ଦ୍ର କରି ଜଟଣୀ ଥାନା ଅନ୍ତର୍ଗତ ବେଣାପଞ୍ଜରୀ ଗ୍ରାମରେ ବୋମା ଫୁଟିବା ସହ ଖଣ୍ଡା ବୁଲିଛି। ଦୁର୍ବୃତ୍ତମାନେ ଜଣେ ଯୁବକଙ୍କୁ ବିଚ୍‌ ରାସ୍ତାରେ ଗୋଡ଼େଇ ଗୋଡ଼େଇ ଖଣ୍ଡାରେ ହାଣିଛନ୍ତି। ଗୁରୁତର ଯୁବକ ହେଲେ, ବେଣାପଞ୍ଜରୀ ମୁସଲିମ୍‌ ସାହିର ମହମ୍ମଦ ଅଖତର୍‌। ତାଙ୍କୁ ପ୍ରଥମେ ଜଟଣୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଘଟଣାସ୍ଥଳରେ ପୁଲିସ ପହଞ୍ଚି ଛାନଭିନ୍‌ ଆରମ୍ଭ କରିଛି।

ଆହୁରି ପଢ଼ନ୍ତୁ: ଗଞ୍ଜାମରେ ଜଳପ୍ରଳୟ ପାଇଁ ସରକାର ଦାୟୀ: ବିଜେଡି

ସୂଚନାନୁଯାୟୀ, ଗତକାଲି ମହମ୍ମଦ ଗାଧୋଇବାକୁ ଗାଁ ପୋଖରୀକୁ ଯାଇଥିବା ବେଳେ ୩ଜଣ ଦୁର୍ବୃତ୍ତ ଏକ ବାଇକ୍‌ରେ ଆସି ତାଙ୍କ ସହ ଝଗଡ଼ା କରିବା ସହ ଦାଦାବଟି ମାଗିଥିଲେ। ଟଙ୍କା ଦେବାକୁ ମନା କରିବାରୁ ସେମାନଙ୍କ ମଧ୍ୟରେ ବଚସା ହୋଇଥିଲା। ଘଟଣାକୁ କେନ୍ଦ୍ର କରି ଦୁର୍ବୃତ୍ତମାନେ ତାଙ୍କ ମୁଣ୍ଡକୁ ପିଟି ଫଟାଇ ଦେଇ ପଳାଇଥିଲେ। ପରିବାର ଲୋକେ ଉଦ୍ଧାର କରି ଚିକିତ୍ସା ପାଇଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସନ୍ଧ୍ୟାରେ ଗାଁର କିଛି ଲୋକ ଘଟଣାର ସମାଧାନ କରିବାକୁ ପ୍ରତିଶ୍ରୁତି ଦେବାରୁ ସେ ଥାନାକୁ ଯାଇନଥିଲେ। ତେବେ ସନ୍ଧ୍ୟାରେ ମହମ୍ମଦ ବଡ଼ି ମସଜିଦ୍‌ ନିକଟରେ ବସିଥିବା ବେଳେ ପୁଣିଥରେ ଦୁର୍ବୁତ୍ତମାନେ ଗାଁ ଭିତରେ ପଶି ବୋମା ଫିଙ୍ଗିବା ସହ ତାଙ୍କୁ ଖଣ୍ଡାରେ ଗୋ‌ଡ଼େଇ ଗୋ‌ଡ଼େଇ ହାଣିଥିଲେ। ପରିବାରଲୋକ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଛନ୍ତି। ତାଙ୍କ ମୁଣ୍ଡ, ହାତ, ପିଠିରେ ଗଭୀର ଆଘାତ ଲାଗିଛି। ଖବର ପାଇ ପୁଲିସ୍‌ ପହଞ୍ଚି ଛାନଭିନ୍‌ ଆରମ୍ଭ କରିଥିବାବେଳେ ଦୁର୍ବୃତ୍ତଙ୍କୁ ଧରିବା ଲାଗି ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି।

ଆହୁରି ପଢ଼ନ୍ତୁ: କଳାହାଣ୍ଡିରେ ବିଭତ୍ସ ହତ୍ୟାକାଣ୍ଡ: ବିଲରୁ ଯୁବକଙ୍କ ମୁଣ୍ଡବିହୀନ ମୃତଦେହ ଉଦ୍ଧାର

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର