୫ ଦିନ ପରେ ନିଖୋଜ ବ୍ୟବସାୟୀଙ୍କ ମୃତଦେହ ଉଦ୍ଧାର: ଗଳାକାଟି ହତ୍ୟା କରିଥିବା ସନ୍ଦେହ

Madhusudan Das Picture
Published On

ବୌଦ୍ଧ: ନିଖୋଜ ବ୍ୟବସାୟୀଙ୍କ ମୃତଦେହ ତଣ୍ଟି କଟା ଅବସ୍ଥାରେ ଜଙ୍ଗଲରୁ ଉଦ୍ଧାର । ବ୍ୟବସାୟୀ ବିରୁପାକ୍ଷ ଅଗ୍ରୱାଲଙ୍କ ମୃତଦେହ ଉଦ୍ଧାର କଲା ବୌଦ୍ଧ ପୋଲିସ । ବୌଦ୍ଧ ସହର ଗାନ୍ଧୀ ଛକ ଅଞ୍ଚଳର ଜଣେ ଜଣାଶୁଣା ଯୁବ ବ୍ୟବସାୟୀ ବିରୂପାକ୍ଷ ଅଗ୍ରୱାଲଙ୍କୁ ହତ୍ୟା କରାଯାଇଛି। ୫ ଦିନ ଧରି ନିଖୋଜ ରହିବା ପରେ ଆଜି ତାଙ୍କର କ୍ଷତବିକ୍ଷତ ମୃତଦେହ ସମ୍ବଲପୁର ଜିଲ୍ଲା ରେଢ଼ାଖୋଲ ପୋଲିସ ସୀମା ଅନ୍ତର୍ଗତ ଏକ ଜଙ୍ଗଲରୁ ଉଦ୍ଧାର କରାଯାଇଛି। ତାଙ୍କ ବେକ କଟାଯାଇଥିବା ଅବସ୍ଥାରେ ମୃତଦେହ ମିଳିଥିବାରୁ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି।

ଆହୁରି ପଢ଼ନ୍ତୁ: ବଙ୍ଗୋପସାଗରରେ ସୃଷ୍ଟି ହେଲା ସ୍ପଷ୍ଟଚିହ୍ନିତ ଲଘୁଚାପ : ୧୬ରେ ବାତ୍ୟା ରୂପ, ଦକ୍ଷିଣ ଓଡ଼ିଶା ସହିତ ବୁଡେ଼ଇବ ଉପକୂଳ

ଗତ ୧୨ ତାରିଖରୁ ବିରୂପାକ୍ଷ ନିଖୋଜ ଥିଲେ। ଏ ନେଇ ୧୩ ତାରିଖରେ ବୌଦ୍ଧ ଥାନାରେ ପରିବାର ପକ୍ଷରୁ ଏକ ନିଖୋଜ ମାମଲା ଦାୟର କରାଯାଇଥିଲା। ପରବର୍ତ୍ତୀ ସମୟରେ ଏହା ଏକ ଅପହରଣ ବୋଲି ସନ୍ଦେହ କରି ତାଙ୍କ ଭାଇ ପୁଣି ଏକ ଅଭିଯୋଗ କରିଥିଲେ। ପୋଲିସ ପକ୍ଷରୁ ତଦନ୍ତରେ ବିଳମ୍ବ ହେଉଥିବା ଅଭିଯୋଗ କରି ବୌଦ୍ଧ ବ୍ୟବସାୟୀ ସଂଘ ଓ ସ୍ଥାନୀୟ ଲୋକେ ଗତ ଶୁକ୍ରବାର ଦିନ ବାଘଗୁଡ଼ା-ରାଜନପାଲି ରାସ୍ତା ଅବରୋଧ କରି ପ୍ରତିବାଦ କରିଥିଲେ। ଏଥିସହ ବୌଦ୍ଧ ଏସପି କୁଲଦୀପ ମୀନାଙ୍କୁ ଏକ ୬ ଦଫା ଦାବିପତ୍ର ମଧ୍ୟ ପ୍ରଦାନ କରାଯାଇଥିଲା।

ଆହୁରି ପଢ଼ନ୍ତୁ: ପାଟଣାଗଡ଼ରେ ଚାଞ୍ଚଲ୍ୟ: ସାମାନ୍ୟ କଳିରୁ ବଡ଼ ଭାଇକୁ ଖଟ କାଠରେ ପିଟିପିଟି ମାରିଦେଲା ସାନ ଭାଇ

ଲୋକଙ୍କ ଆକ୍ରୋଶ ଓ ବ୍ୟବସାୟୀ ସଂଘର ଚାପ ପରେ ପୋଲିସ ତଦନ୍ତ ପ୍ରକ୍ରିୟାକୁ ଜୋରଦାର କରିଥିଲା। ଏସପିଙ୍କ ନିର୍ଦ୍ଦେଶକ୍ରମେ ପୋଲିସ ଏକ ସନ୍ଦିଗ୍ଧଙ୍କୁ ଅଟକ ରଖି ପଚରାଉଚରା କରିବା ପରେ ଏହି ହତ୍ୟାକାଣ୍ଡ ସମ୍ପର୍କରେ ଗୁରୁତ୍ୱପୂର୍ଣ୍ଣ ସୁରାକ ପାଇଥିଲା। ବୌଦ୍ଧ ଓ ରେଢ଼ାଖୋଲ ପୋଲିସର ଏକ ଯୁଗ୍ମ ଟିମ୍ ମଙ୍ଗଳବାର ଦିନ କଦଳୀଗଡ଼ ପଞ୍ଚାୟତର ତନ୍ତଗଡ଼ା ଜଙ୍ଗଲରୁ ବିରୂପାକ୍ଷଙ୍କ ମୃତଦେହ ଉଦ୍ଧାର କରିଥିଲେ। ହତ୍ୟାକାଣ୍ଡ ସ୍ଥଳକୁ ପୋଲିସ ଅଟକ ଥିବା ସନ୍ଦିଗ୍ଧ ବ୍ୟକ୍ତିଙ୍କୁ ନେଇ ତଦନ୍ତ ଜାରି ରଖିଛି।

ଆହୁରି ପଢ଼ନ୍ତୁ: ବଙ୍ଗୋପସାଗରରେ ବାତ୍ୟା ଆଶଙ୍କା: ନଭେମ୍ବର ୨୧ ଯାଏଁ ମତ୍ସ୍ୟଜୀବୀଙ୍କୁ ସମୁଦ୍ର ମନା

ଘଟଣାସ୍ଥଳରେ ବୌଦ୍ଧ ଏସପି କୁଲଦୀପ ମୀନା, ଏସଡିପିଓ ଲରେନ ରୌତରାୟ, ରେଢ଼ାଖୋଲ ଏସଡିପିଓ ରଜନୀକାନ୍ତ ମିଶ୍ର ଏବଂ ଆଇଆଇସି ସନାୟା ନାୟକ ଓ ରଞ୍ଜିତ ମୁନି ଉପସ୍ଥିତ ଅଛନ୍ତି। ଏହାସହ ଏକ ସାଇଣ୍ଟିଫିକ ଟିମ୍ ଫୋରେନସିକ ପରୀକ୍ଷା ପାଇଁ ନମୁନା ସଂଗ୍ରହ କରୁଛି। ଜଣେ ସ୍କୁଲ ପ୍ରଧାନ ଶିକ୍ଷକଙ୍କ ସମ୍ପୃକ୍ତି ନେଇ ମଧ୍ୟ ପରିବାର ପକ୍ଷରୁ ଅଭିଯୋଗ କରାଯାଇଥିବା ବେଳେ ପୋଲିସ ସମସ୍ତ ଦିଗକୁ ନେଇ ତଦନ୍ତ କରୁଛି। ଏହି ଅଭାବନୀୟ ଘଟଣା ପରେ ବୌଦ୍ଧ ଓ ରେଢ଼ାଖୋଲ ଅଞ୍ଚଳରେ ତୀବ୍ର ଉତ୍ତେଜନା ପ୍ରକାଶ ପାଇଛି।

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର