ସାବଧାନ! ଆଣ୍ଟିବାୟୋଟିକ୍‌ର ଅପବ୍ୟବହାର ସୃଷ୍ଟି କରୁଛି ମୃତ୍ୟୁ ଜାଲ, ସାରା ବିଶ୍ୱ ପାଇଁ ବଡ଼ ବିପଦ

Suryakanta Picture
Published On

ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ପକ୍ଷରୁ ଆଣ୍ଟିବାୟୋଟିକ୍‌ ଔଷଧର ଅତ୍ୟଧିକ ଏବଂ ଅନାବଶ୍ୟକ ବ୍ୟବହାରକୁ ନେଇ ଏକ ଜରୁରୀ ଚେତାବନୀ ଜାରି କରାଯାଇଛି। ସାମାନ୍ୟ ଶାରୀରିକ ସମସ୍ୟା ପାଇଁ ବିନା ଡାକ୍ତରୀ ପରାମର୍ଶରେ ଆଣ୍ଟିବାୟୋଟିକ୍ ଖାଇବା ଦ୍ୱାରା ଶରୀରରେ ଗୁରୁତର ପାର୍ଶ୍ୱ ପ୍ରତିକ୍ରିୟା ସହ 'ଆଣ୍ଟିବାୟୋଟିକ୍ ରେଜିଷ୍ଟାନ୍ସ' ଭଳି ଭୟଙ୍କର ସ୍ଥିତି ସୃଷ୍ଟି ହେଉଥିବା ରିପୋର୍ଟରେ କୁହାଯାଇଛି।

ଆହୁରି ପଢ଼ନ୍ତୁ: ପ୍ରିମାଚ୍ୟୁର ବର୍ଥ: ଜାଣନ୍ତୁ ସମୟ ପୂର୍ବରୁ ଶିଶୁ ଜନ୍ମ ହେବାର ମୁଖ୍ୟ କାରଣ ଓ ପ୍ରତିକାର

ବିଶ୍ୱ ସ୍ୱାସ୍ଥ୍ୟ ସଂଗଠନର ସର୍ବଶେଷ ରିପୋର୍ଟ ଅନୁଯାୟୀ, ଅଧିକାଂଶ ଲୋକ ଥଣ୍ଡା, ଜ୍ୱର କିମ୍ବା ସାମାନ୍ୟ ସଂକ୍ରମଣ ପାଇଁ ଡାକ୍ତରଙ୍କ ଅନୁମତି ବିନା ଆଣ୍ଟିବାୟୋଟିକ୍ ସେବନ କରୁଛନ୍ତି। ଏହା ଦ୍ୱାରା ଶରୀରରେ ଥିବା ବ୍ୟାକ୍ଟେରିଆ ଗୁଡ଼ିକ ଏହି ଔଷଧ ବିରୋଧରେ ପ୍ରତିରୋଧକ ଶକ୍ତି ହାସଲ କରି ଅଧିକ ଶକ୍ତିଶାଳୀ ହୋଇଯାଉଛନ୍ତି। ଏହି ପ୍ରକ୍ରିୟାକୁ 'ସୁପରବଗ୍'ର ସୃଷ୍ଟି ବୋଲି କୁହାଯାଉଛି, ଯାହା ଆଗାମୀ ଦିନରେ ଚିକିତ୍ସା ବିଜ୍ଞାନ ପାଇଁ ଏକ ବଡ଼ ଆହ୍ୱାନ ହେବାକୁ ଯାଉଛି।

ଆହୁରି ପଢ଼ନ୍ତୁ: ନାମ ଭୁଲିଯାଉଛନ୍ତି କି? କେଉଁଟି ସାଧାରଣ ଭୁଲ ଆଉ କେଉଁଟି ରୋଗର ଲକ୍ଷଣ; ଜାଣନ୍ତୁ କେବେ କରିବେ ଡାକ୍ତରଙ୍କ ସହ ପରାମର୍ଶ

ସ୍ୱାସ୍ଥ୍ୟ ବିଶେଷଜ୍ଞମାନେ ଚେତାଇ ଦେଇଛନ୍ତି ଯେ, ଆଣ୍ଟିବାୟୋଟିକ୍‌ର କୁପ୍ରଭାବ କେବଳ ରେଜିଷ୍ଟାନ୍ସ ମଧ୍ୟରେ ସୀମିତ ନାହିଁ। ଏହାର ଅତ୍ୟଧିକ ବ୍ୟବହାର କାରଣରୁ କିଡନୀ, ଲିଭର ଏବଂ ପେଟର ହଜମ ପ୍ରକ୍ରିୟା ଉପରେ ଗଭୀର ନକାରାତ୍ମକ ପ୍ରଭାବ ପଡ଼ୁଛି। ଅନେକ କ୍ଷେତ୍ରରେ ଏହା ଆଲର୍ଜି ଏବଂ ଶରୀରର ପ୍ରାକୃତିକ ରୋଗ ପ୍ରତିରୋଧକ ଶକ୍ତିକୁ ମଧ୍ୟ ନଷ୍ଟ କରିଦେଉଛି। ଯଦି ଏହି ସମସ୍ୟା ଜାରି ରୁହେ, ତେବେ ୨୦୫୦ ମସିହା ସୁଦ୍ଧା ବିଶ୍ୱରେ କୋଟି କୋଟି ଲୋକଙ୍କର ମୃତ୍ୟୁ କେବଳ ଆଣ୍ଟିବାୟୋଟିକ୍ ରେଜିଷ୍ଟାନ୍ସ କାରଣରୁ ହୋଇପାରେ।

ଆହୁରି ପଢ଼ନ୍ତୁ: ବାୟୁ ପ୍ରଦୂଷଣରୁ ବିପଦ: ରୋଗ ପ୍ରତିରୋଧକ ଶକ୍ତି ଉପରେ ପଡୁଛି ଗମ୍ଭୀର ପ୍ରଭାବ, ସାବଧାନ ରହିବାକୁ ଡାକ୍ତରଙ୍କ ପରାମର୍ଶ

WHO ପକ୍ଷରୁ ପରାମର୍ଶ ଦିଆଯାଇଛି ଯେ, କେବଳ ବ୍ୟାକ୍ଟେରିଆ ସଂକ୍ରମଣ ସମୟରେ ହିଁ ଆଣ୍ଟିବାୟୋଟିକ୍ ବ୍ୟବହାର କରିବା ଉଚିତ। ଭାଇରାଲ୍ ସଂକ୍ରମଣ ଯଥା ସାଧାରଣ ଥଣ୍ଡା ଓ କାଶ ପାଇଁ ଏହା କୌଣସି କାମ କରେ ନାହିଁ। ତେଣୁ ସଚେତନତା ସୃଷ୍ଟି କରିବା ପାଇଁ ଏବେ ବିଶ୍ୱବ୍ୟାପୀ 'ଆଣ୍ଟିମାଇକ୍ରୋବିଆଲ୍ ଆୱାରନେସ୍' ଅଭିଯାନକୁ ଜୋରଦାର କରାଯାଇଛି।

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp