ମନୋରଞ୍ଜନ
23 Jan 2023
By The Sakala
ଟିଉସନ ଘରେ ପଶି ମହିଳାଙ୍କୁ ମରଣାନ୍ତକ ଆକ୍ରମଣ, ଅଭିଯୁକ୍ତ ଅଟକ
ବ୍ରହ୍ମପୁର: ଘରେ ପଶି ମହିଳାଙ୍କୁ ମରଣାନ୍ତକ ଆକ୍ରମଣ ଅଭିଯୋଗ । ବ୍ରହ୍ମପୁର ବଡବଜାର ଥାନା ରଘୁପତି ନଗର ଅଞ୍ଚଳରେ ଘଟିଛି ଏହି ଅଘଟଣ। ମହିଳାଙ୍କୁ ବଞ୍ଚାଇବାକୁ ଯାଇ ଟିଉସନ ଦିଦିଙ୍କ ବଡ଼ ଭଉଣୀ ବି ଆକ୍ରମଣର ଶିକାର ହୋଇଛନ୍ତି। ଆକ୍ରମଣରେ ଉଭୟ ଗୁରୁତର ହୋଇଥିବା ସୂଚନା ମିଳିଛି । ଆକ୍ରମଣ କରିଥିବା ଯୁବକ ଜଣକ ହେଲେ ଶୁଭମ୍ ସାହୁ। ଅନୈତିକ ସମ୍ପର୍କକୁ କେନ୍ଦ୍ର କରି ଆକ୍ରମଣ ହୋଇଥିବା ସନ୍ଦେହ କରାଯାଉଛି । ବଡବଜାର ପୋଲିସ ଅଭିଯୁକ୍ତ ଯୁବକ ଶୁଭମ୍ ସାହୁକୁ ଅଟକ ରଖି ପଚରା ଉଚୁରା କରୁଛି।
ସୂଚନା ମୁତାବକ ରଘୁପତି ନଗରରେ ରହୁଥିବା ଜନୈକ ମହିଳା ନିଜ ଝିଅକୁ ନେଇ ଟିଉସନରେ ଛାଡିବା ପାଇଁ ଯାଇଥିଲେ । ସେହି ସମୟରେ ଯୁବକ ଜଣକ ଏକ ଧାରୁଆ ଅସ୍ତ୍ର ଧରି ଘର ଭିତରକୁ ଧସେଇ ପଶି ମହିଳାଙ୍କୁ ଆକ୍ରମଣ କରିଥିଲେ । ତାଙ୍କୁ ବଞ୍ଚାଇବାକୁ ଯାଇ ଟିଉସନ ଦିଦିଙ୍କ ବଡ଼ ଭଉଣୀ ଝିଲି ସାହୁ ବି ଆକ୍ରମଣର ଶିକାର ହୋଇଛନ୍ତି। ଆକ୍ରମଣରେ ଉଭୟ ଆହତ ହୋଇଛନ୍ତି । ଆହତମାନଙ୍କୁ ବଡ ମେଡିକାଲ ଅଣାଯାଇ ଚିକିତ୍ସା କରାଯାଉଛି ।
https://www.thesakala.in/latest-odisha-news/woman-brutally-attacked-by-a-youth-in-side-home/article-18370
About The Author
