ଏଣିକି ଘରୋଇ ବ୍ୟାଙ୍କଗୁଡିକ କରିପାରିବେ ସମସ୍ତ ସରକାରୀ କାମ, ପ୍ରତିବନ୍ଧକ ହଟାଇଲେ ସରକାର

ନୂଆଦିଲ୍ଲୀ : ଭାରତ ସରକାର ସରକାରୀ ବ୍ୟାଙ୍କ କାରବାର (ଟିକସ ଏବଂ ଅନ୍ୟାନ୍ୟ ରାଜସ୍ୱ ଦେୟ ସୁବିଧା, ପେନ୍‌ସନ୍‌ ଦେୟ ଏବଂ ଛୋଟ ସଞ୍ଚୟ) ଲାଗୁ କରି ଘରୋଇ କ୍ଷେତ୍ର ବ୍ୟାଙ୍କଗୁଡିକ ଉପରେ ସରକାରୀ ପ୍ରତିବନ୍ଧକକୁ ହଟାଇ ଦେଇଛନ୍ତି। ବୁଧବାର ଅର୍ଥ ସେବା ବିଭାଗ ପକ୍ଷରୁ ଏହି ସୂଚନା ଦିଆଯାଇଛି। ଏହାପୂର୍ବରୁ, ଏହି ସେବାଗୁଡିକ ପାଇଁ କେବଳ କିଛି ଘରୋଇ କ୍ଷେତ୍ର ବ୍ୟାଙ୍କକୁ ଅନୁମତି ଦିଆଯାଇଥିଲା।

ଏହି ପରିପ୍ରେକ୍ଷୀରେ ଅର୍ଥ ସେବା ବିଭାଗ ପକ୍ଷରୁ ଜାରି ବିବୃତ୍ତିରେ କୁହାଯାଇଛି ଯେ, ଗ୍ରାହକଙ୍କ ସୁବିଧାକୁ ଆହୁରି ଉନ୍ନତ କରିବା ଏବଂ ପ୍ରତିଯୋଗିତା ବୃଦ୍ଧି ପାଇଁ ଏହି ପଦକ୍ଷେପ ନିଆଯାଇଛି। ଏହି ବିବୃତ୍ତିରେ କୁହାଯାଇଛି ଯେ ଭାରତୀୟ ଅର୍ଥନୀତିର ବିକାଶ ତଥା ସରକାରଙ୍କ ସାମାଜିକ କ୍ଷେତ୍ରର ପଦକ୍ଷେପଗୁଡ଼ିକରେ ଘରୋଇ କ୍ଷେତ୍ର ବ୍ୟାଙ୍କଗୁଡ଼ିକ ବର୍ତ୍ତମାନ ସମାନ ଅଂଶୀଦାର ହେବେ।

Govt of India has lifted embargo on private sector banks (only a few were permitted earlier) for conduct of govt-related banking transactions such taxes & other revenue payment facilities, pension payments & small savings: Department of Financial Services pic.twitter.com/nqnlvC03KU

ଆହୁରି ପଢ଼ନ୍ତୁ: ଇରାନ ବିରୋଧରେ ଯୁଦ୍ଧ ପ୍ରସ୍ତୁତି: ମଧ୍ୟପ୍ରାଚ୍ୟକୁ ତୃତୀୟ ଏୟାରକ୍ରାଫ୍ଟ କ୍ୟାରିୟର ସହ ୯,୦୦୦ ସୈନ୍ୟ ପଠାଉଛନ୍ତି ଟ୍ରମ୍ପ

— ANI (@ANI) February 24, 2021

ଏହି ନିଷେଧାଦେଶ ରଦ୍ଦ ହୋଇଥିବାରୁ ସରକାରୀ କାର୍ୟ୍ୟ ପାଇଁ ଘରୋଇ କ୍ଷେତ୍ର ବ୍ୟାଙ୍କଗୁଡିକର ପ୍ରମାଣପତ୍ର ପାଇଁ ଆରବିଆଇ ଉପରେ କୌଣସି ପ୍ରତିବନ୍ଧକ ରହିବ ନାହିଁ ବୋଲି ବିବୃତ୍ତିରେ କୁହାଯାଇଛି। ଏଥିରେ ସରକାରଙ୍କ ଏଜେନ୍ସି ବ୍ୟବସାୟ ମଧ୍ୟ ଅନ୍ତର୍ଭୁକ୍ତ। ବିବୃତ୍ତିରେ କୁହାଯାଇଛି ଯେ, କେନ୍ଦ୍ର ସରକାର ଏହି ନିଷ୍ପତ୍ତି ଆରବିଆଇକୁ ଜଣାଇଛନ୍ତି।