ବର୍ତ୍ତମାନ ଭୁବନେଶ୍ୱର ବିମାନବନ୍ଦରରୁ ଉଡୁନାହିଁ କୌଣସି ଅନ୍ତର୍ଜାତୀୟ ବିମାନ, କମିଛି ଘରୋଇ ଉଡ଼ାଣ ସଂଖ୍ୟା

Madhusudan Das Picture
Published On

ଭୁବନେଶ୍ୱର: ରାଜ୍ୟର ପ୍ରମୁଖ ବିମାନବନ୍ଦର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର (BPIA) ରୁ ବର୍ତ୍ତମାନ କୌଣସି ଅନ୍ତର୍ଜାତୀୟ ବିମାନ ଉଡ଼ାଣ କରୁନାହିଁ। ଗୁରୁବାର ଦିନ ବିଧାନସଭାରେ ବାଣିଜ୍ୟ ଏବଂ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଏହି ସୂଚନା ଦେଇଛନ୍ତି। ବିଜେଡି ବିଧାୟକ କଳିକେଶ ନାରାୟଣ ସିଂହଦେଓଙ୍କ ଏକ ପ୍ରଶ୍ନର ଉତ୍ତରରେ ମନ୍ତ୍ରୀ ଏହା ସ୍ପଷ୍ଟ କରିଛନ୍ତି।

ଆହୁରି ପଢ଼ନ୍ତୁ: ସମ୍ଭାବ୍ୟ ବାତ୍ୟା ଆଶଙ୍କା: ଖୋର୍ଦ୍ଧା ଜିଲ୍ଲାରେ ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ

ମନ୍ତ୍ରୀଙ୍କ ସୂଚନା ଅନୁଯାୟୀ, ଭୁବନେଶ୍ୱର ବିମାନବନ୍ଦରରୁ ଘରୋଇ ଉଡ଼ାଣ ଗନ୍ତବ୍ୟ ସ୍ଥଳ ସଂଖ୍ୟା ମଧ୍ୟ ଯଥେଷ୍ଟ ହ୍ରାସ ପାଇଛି। ୨୦୨୫ ମସିହାରେ ୩୩ଟି ଘରୋଇ ସ୍ଥାନକୁ ବିମାନ ସଂଯୋଗ ଥିବା ବେଳେ ୨୦୨୬ ସୁଦ୍ଧା ଏହି ସଂଖ୍ୟା ୧୯କୁ ଖସି ଆସିଛି। ବିଭିନ୍ନ କାରଣରୁ ଇନ୍ଦୋର, ଡେରାଡୁନ୍, କୋଚି, ପୁନେ ଏବଂ ଗୋଆ ଭଳି ଘରୋଇ ମାର୍ଗରେ ବିମାନ ସେବା ବନ୍ଦ କରାଯାଇଛି।

ଆହୁରି ପଢ଼ନ୍ତୁ: ବାତ୍ୟା 'ଅକୱାନ' ବିପଦ: ପୁରୀ ଶ୍ରୀଗୁଣ୍ଡିଚା ମନ୍ଦିରରେ ଭକ୍ତ ଓ ଶ୍ରଦ୍ଧାଳୁଙ୍କ ପାଇଁ ୩ ଦିନ ଦର୍ଶନ ବନ୍ଦ

ପୂର୍ବରୁ ଭୁବନେଶ୍ୱରରୁ ଦୁବାଇ, ସିଙ୍ଗାପୁର, ଆବୁଧାବି ଏବଂ ବ୍ୟାଙ୍କକ୍ କୁ ସିଧାସଳଖ ବିମାନ ସେବା ଉପଲବ୍ଧ ଥିଲା। ତେବେ ଯାତ୍ରୀଙ୍କ ସଂଖ୍ୟା କମ୍ ରହିବା ଏବଂ ବାଣିଜ୍ୟିକ ଦୃଷ୍ଟିରୁ ଲାଭଦାୟକ ନହେବାରୁ ଦୁବାଇ ଏବଂ ସିଙ୍ଗାପୁର ସେବା ବନ୍ଦ କରାଯାଇଛି। ସେହିପରି ଆବୁଧାବି ସେବା ମଧ୍ୟ ପ୍ରତ୍ୟାହାର କରିନିଆଯାଇଛି ବୋଲି ମନ୍ତ୍ରୀ ପ୍ରକାଶ କରିଛନ୍ତି। ପୂର୍ବରୁ ଦୁବାଇ ଏବଂ ସିଙ୍ଗାପୁର ମାର୍ଗକୁ ଚାଲୁ ରଖିବା ପାଇଁ ରାଜ୍ୟ ସରକାର ଭାୟାବିଲିଟି ଗ୍ୟାପ୍ ଫଣ୍ଡିଂ (VGF) ସହାୟତା ପ୍ରଦାନ କରିଥିଲେ।

ଆହୁରି ପଢ଼ନ୍ତୁ: କେନ୍ଦୁଝରରେ ହଜାର ହଜାର ଆଦିବାସୀଙ୍କ ଗର୍ଜନ: ନିଜ ସମ୍ପ୍ରଦାୟର ସମ୍ମାନ ଓ ଅଧିକାରର ସୁରକ୍ଷା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ

ମନ୍ତ୍ରୀ ଆହୁରି ମଧ୍ୟ ସୂଚନା ଦେଇଛନ୍ତି ଯେ, କମ୍ ଯାତ୍ରୀ ଚାହିଦା ବ୍ୟତୀତ ବିମାନ କମ୍ପାନୀଗୁଡ଼ିକର ବ୍ୟବସାୟିକ ଲାଭ, ପରିଚାଳନାଗତ ସମସ୍ୟା ଏବଂ ଋତୁକାଳୀନ ଚାହିଦା ବିମାନ ସେବା ଉପରେ ପ୍ରଭାବ ପକାଇଛି। ତେବେ ଏକ ଆଶ୍ୱସ୍ତିକର ଖବର ହେଉଛି, ଆସନ୍ତା ଅକ୍ଟୋବର ୧, ୨୦୨୬ ରୁ ଇଣ୍ଡିଗୋ (IndiGo) ଏୟାରଲାଇନ୍ସ ଭୁବନେଶ୍ୱରରୁ ବ୍ୟାଙ୍କକ୍ ଅଭିମୁଖେ ସିଧାସଳଖ ବିମାନ ସେବା ଆରମ୍ଭ କରିବାକୁ ଯୋଜନା କରୁଛି।

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର