ବାତ୍ୟା 'ଅକୱାନ' ମୁକାବିଲା: ରିଲିଫ ଓ ପୁନରୁଦ୍ଧାର କାର୍ଯ୍ୟରେ ଜିଲ୍ଲା ପ୍ରଶାସନକୁ ସହାୟତା ପାଇଁ ୧୪ ଅଧିକାରୀ ନିୟୋଜିତ

Madhusudan Das Picture
Published On

ଭୁବନେଶ୍ୱର: ବାତ୍ୟା 'ଅକୱାନ'ର ଜରୁରୀ ପରିସ୍ଥିତିକୁ ଦୃଷ୍ଟିରେ ରଖି ଓଡ଼ିଶା ସରକାରଙ୍କ ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯାଇଛି। ବାତ୍ୟା ପ୍ରଭାବିତ ଜିଲ୍ଲାଗୁଡ଼ିକରେ ରିଲିଫ, ପୁନର୍ବାସ ଏବଂ ପୁନରୁଦ୍ଧାର କାର୍ଯ୍ୟରେ ଜିଲ୍ଲା ପ୍ରଶାସନକୁ ସହାୟତା କରିବା ପାଇଁ ବିଭାଗ ପକ୍ଷରୁ ୧୪ ଜଣ ଅଧିକାରୀଙ୍କୁ ବିଭିନ୍ନ ଜିଲ୍ଲାରେ ନିୟୋଜିତ କରାଯାଇଛି।

ଆହୁରି ପଢ଼ନ୍ତୁ: ଅବକାରୀ ବିଭାଗର ଚଢ଼ାଉବେଳେ ୨୪୦୦ ବୋତଲ କଫ୍ ସିରପ୍ ଜବତ, ଜଣେ ଗିରଫ

ବିଭାଗ ପକ୍ଷରୁ ଜାରି କରାଯାଇଥିବା ସରକାରୀ ନିର୍ଦ୍ଦେଶନାମା ଅନୁଯାୟୀ, ଏହି ଅଧିକାରୀମାନଙ୍କୁ ତୁରନ୍ତ ନିଜ ନିଜର ଦାୟିତ୍ୱ ଗ୍ରହଣ କରିବାକୁ କୁହାଯାଇଛି। ସେମାନେ ନିର୍ଦ୍ଧାରିତ ଜିଲ୍ଲାକୁ ଯାଇ ସମ୍ପୃକ୍ତ ଜିଲ୍ଲାପାଳଙ୍କ ନିକଟରେ ରିପୋର୍ଟ କରିବେ ଏବଂ ପ୍ରଶାସନ ପକ୍ଷରୁ ଦିଆଯାଇଥିବା କାର୍ଯ୍ୟର ତଦାରଖ କରିବେ।

ଆହୁରି ପଢ଼ନ୍ତୁ: ଦେବ୍ରୀଗଡ଼ରେ ଠାବ ହୋଇଥିବା ମହାବଳ ବାଘ ଛତିଶଗଡ଼ରୁ ଆସିଛି: NTCA

ନୂତନ ନିର୍ଦ୍ଦେଶ ଅନୁଯାୟୀ, ସମ୍ବଲପୁର ମ୍ୟୁନିସିପାଲିଟି କର୍ପୋରେସନ (SMC) ର ସହକାରୀ କମିଶନର ଅଶୋକ କୁମାର ମିଶ୍ରଙ୍କୁ କଟକ, ଡେପୁଟି କମିଶନର ଭିକ୍ଟର ସୋରେନଙ୍କୁ ଖୋର୍ଦ୍ଧା, ରେଢ଼ାଖୋଲ NAC ର ଅତିରିକ୍ତ EO ରଞ୍ଜନ କୁମାର ମାର୍ଥାଙ୍କୁ କେନ୍ଦୁଝର ଏବଂ ରାଉରକେଲା ମ୍ୟୁନିସିପାଲିଟି କର୍ପୋରେସନ (RMC) ର OSD ମନୋଜ କୁମାର ତାଣ୍ଡିଙ୍କୁ ଜଗତସିଂହପୁର ଜିଲ୍ଲା ପାଇଁ ଦାୟିତ୍ୱ ଦିଆଯାଇଛି।

ଆହୁରି ପଢ଼ନ୍ତୁ: ବଦଳିଲା ବାତ୍ୟା 'ଅକୱାନ'ର ଗତିପଥ ! ନରସାପୁର ଓ ପୁରୀ ମଧ୍ୟରେ ସ୍ଥଳଭାଗ ଛୁଇଁବା ସମ୍ଭାବନା

ସେହିପରି SMC ର ଏନଫୋର୍ସମେଣ୍ଟ ଅଫିସର ସୁଶାନ୍ତ କୁମାର ସାହୁଙ୍କୁ ମୟୂରଭଞ୍ଜ, ଭବାନୀପାଟଣା ପୌରପାଳିକାର ଅତିରିକ୍ତ EO ପ୍ରମୋଦ କୁମାର ପାଢ଼ୀଙ୍କୁ ଭଦ୍ରକ, SMC ର ସୁଗମ ମିଶ୍ରଙ୍କୁ ଢେଙ୍କାନାଳ ଏବଂ ଶ୍ରୀକାନ୍ତ ପାତ୍ରଙ୍କୁ ବାଲେଶ୍ୱର ଜିଲ୍ଲାକୁ ପଠାଯାଇଛି।

ଏହା ବ୍ୟତୀତ ବରଗଡ଼ SMC ର ସଞ୍ଜୟ ମାଥୁର ଗଡ଼ଲିଆଙ୍କୁ କେନ୍ଦ୍ରାପଡ଼ା, ବଲାଙ୍ଗୀର SMC ର ପ୍ରବୋଧ କୁମାର ଜେନାଙ୍କୁ ଯାଜପୁର, RMC ର ସୋନାଲୀ ବଢ଼େଇଙ୍କୁ ନୟାଗଡ଼, ରାଜଗାଙ୍ଗପୁର RMC ର ଆଦିତ୍ୟ ଲାକ୍ରାଙ୍କୁ ଗଜପତି, ସୋନିଆ ତିର୍କୀଙ୍କୁ କନ୍ଧମାଳ ଏବଂ ଝାରସୁଗୁଡ଼ାର ଅଗଷ୍ଟିନ ଟେଟେଙ୍କୁ ପୁରୀ ଜିଲ୍ଲାପାଳଙ୍କ କାର୍ଯ୍ୟାଳୟରେ ନିୟୋଜିତ କରାଯାଇଛି। 

ବାତ୍ୟା ପରବର୍ତ୍ତୀ ସ୍ଥିତି ପରିଚାଳନା ଏବଂ ପୁନରୁଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ସମ୍ପୃକ୍ତ ଜିଲ୍ଲାପାଳମାନେ ଏହି ଅଧିକାରୀମାନଙ୍କ ଦକ୍ଷତାକୁ ବ୍ୟବହାର କରିବା ପାଇଁ ବିଭାଗ ପକ୍ଷରୁ ଅନୁରୋଧ କରାଯାଇଛି।

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର