ତେଲକୋଇ ଆକୁଳରେ ଅଘଟଣ: ପୋଖରୀରେ ଗାଧୋଇବାବେଳେ ବୁଡିଯାଇ ଯୁବକଙ୍କ ମୃତ୍ଯୁ

By The Sakala

Published On Feb 01, 2023 04:24 PM IST

ତେଲକୋଇ: କେନ୍ଦୁଝର ଜିଲ୍ଲା ତେଲକୋଇ ଥାନା ଆକୁଳ ଠାରେ ଆଜି ମଧ୍ୟାହ୍ନରେ ଏକ ଅଘଟଣ ଘଟି ଯାଇଛି। ଜଣେ ଯୁବକ ପୋଖରୀରେ ଗାଧୋଇବାବେଳେ ଗୋଡ଼ ଖସିଯିବାରୁ ତାଙ୍କର ମୃତ୍ୟୁ ଘଟିଛି। ଘଟଣାଟି ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି। ସୂଚନା ଅନୁଯାଯୀ, ଆକୁଳ ଗ୍ରାମର ଚନ୍ଦ୍ରମଣୀ ନାଏକଙ୍କର ବଡ଼ ପୁଅ ଲକ୍ଷ୍ମୀଧର ନାଏକ (୨୫) ଗାଁର ହାଟସାହି ନିକଟସ୍ଥ ଗୋଳିଆବନ୍ଧ ପୋଖରୀକୁ ଗାଧୋଇବାକୁ ଯାଇଥିଲେ। ଗାଧୋଇବାବେଳେ ଅସାବଧାନତାରୁ ତାଙ୍କର ଗୋଡ଼ ଖସି ଯାଇଥିଲା। ଫଳରେ ସେ ଗଭୀର […]

ତେଲକୋଇ: କେନ୍ଦୁଝର ଜିଲ୍ଲା ତେଲକୋଇ ଥାନା ଆକୁଳ ଠାରେ ଆଜି ମଧ୍ୟାହ୍ନରେ ଏକ ଅଘଟଣ ଘଟି ଯାଇଛି। ଜଣେ ଯୁବକ ପୋଖରୀରେ ଗାଧୋଇବାବେଳେ ଗୋଡ଼ ଖସିଯିବାରୁ ତାଙ୍କର ମୃତ୍ୟୁ ଘଟିଛି। ଘଟଣାଟି ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି।

ସୂଚନା ଅନୁଯାଯୀ, ଆକୁଳ ଗ୍ରାମର ଚନ୍ଦ୍ରମଣୀ ନାଏକଙ୍କର ବଡ଼ ପୁଅ ଲକ୍ଷ୍ମୀଧର ନାଏକ (୨୫) ଗାଁର ହାଟସାହି ନିକଟସ୍ଥ ଗୋଳିଆବନ୍ଧ ପୋଖରୀକୁ ଗାଧୋଇବାକୁ ଯାଇଥିଲେ। ଗାଧୋଇବାବେଳେ ଅସାବଧାନତାରୁ ତାଙ୍କର ଗୋଡ଼ ଖସି ଯାଇଥିଲା। ଫଳରେ ସେ ଗଭୀର ପାଣିରେ ବୁଡି ଯାଇଥିଲେ। ପୋଖରୀରେ ସେତେବେଳେ ଅନ୍ୟଲୋକ ମାନେ ମଧ୍ୟ ଗାଧୋଉଥିଲେ ହେଁ ସେମାନେ ଜାଣିବା ବେଳକୁ ବିଳମ୍ବ ହୋଇଥିଲା। ଲୋକେ ସ୍ଥାନୀୟ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ସେଠାରେ ପହଞ୍ଚି ପୋଖରୀରେ ବୁଡି ଯାଇଥିବା ଲକ୍ଷ୍ମୀଧରକୁ ଉଧାର କରି ତେଲକୋଇ ଡାକ୍ତରଖାନାକୁ ନେଇଥିଲେ ମଧ୍ୟ ତାଙ୍କର ସେଠାରେ ମୃତ୍ୟୁ ହୋଇଥିଲା। ଖବର ପାଇ ତେଲକୋଇ ପୁଲିସ ଘଟଣାର ତଦନ୍ତ କରୁଥିବା ସୂଚନା ମିଳିଛି।