IPLରୁ ଅବସର ନେଲେ ମହେନ୍ଦ୍ର ସିଂ ଧୋନି: ଚେନ୍ନାଇ ସୁପର କିଙ୍ଗସର ମେଣ୍ଟର ଭାବେ କରିବେ ନୂଆ ଆରମ୍ଭ

Madhusudan Das Picture
Published On

ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ୍ (IPL)ରୁ ଅବସର ଘୋଷଣା କରିଛନ୍ତି ଚେନ୍ନାଇ ସୁପର କିଙ୍ଗସର କିମ୍ବଦନ୍ତୀ ଖେଳାଳି ମହେନ୍ଦ୍ର ସିଂ ଧୋନି। ତେବେ କ୍ରିକେଟ ପଡ଼ିଆରୁ ବିଦାୟ ନେଲେ ମଧ୍ୟ ସେ ନିଜ ପ୍ରିୟ ଫ୍ରାଞ୍ଚାଇଜି ସହିତ ଜଡିତ ରହିବେ। ୨୦୨୭ ସଂସ୍କରଣରୁ ଧୋନି ଚେନ୍ନାଇ ସୁପର କିଙ୍ଗସ (ସିଏସକେ)ର ମେଣ୍ଟର ଭାବେ ନିଜର ଏକ ନୂଆ ଇନିଂସ ଆରମ୍ଭ କରିବାକୁ ଯାଉଛନ୍ତି।

ଆହୁରି ପଢ଼ନ୍ତୁ: ଆଇପିଏଲ୍ ଧମାକା: ହାର୍ଦ୍ଦିକ ପାଣ୍ଡ୍ୟା ଏବେ ପଞ୍ଜାବ କିଙ୍ଗସରେ, ମୁମ୍ବାଇ ଟିମକୁ ଗଲେ ଅର୍ଶଦୀପ ସିଂ

୪୫ ବର୍ଷୀୟ ଏହି ଅଭିଜ୍ଞ ୱିକେଟକିପର ବ୍ୟାଟରଙ୍କ ନେତୃତ୍ୱରେ ସିଏସକେ ରେକର୍ଡ ସମାନ ୫ଟି ଆଇପିଏଲ ଟାଇଟଲ୍ ହାସଲ କରିଛି। ଧୋନିଙ୍କ ରଣନୀତି ବଳରେ ଦଳ ୨୦୧୦, ୨୦୧୧, ୨୦୧୮, ୨୦୨୧ ଏବଂ ୨୦୨୩ରେ ଚାମ୍ପିଅନ୍ ହୋଇଥିଲା। ସେ ଆଇପିଏଲ ଇତିହାସରେ ପ୍ରଥମ ଖେଳାଳି ଭାବେ ୨୧୨ଟି ମ୍ୟାଚରେ ଅଧିନାୟକତ୍ୱ କରିଛନ୍ତି, ଯେଉଁଥିରୁ ଦଳ ୧୨୮ଟି ମ୍ୟାଚରେ ବିଜୟୀ ହୋଇଛି।

ଆହୁରି ପଢ଼ନ୍ତୁ: ଓଡ଼ିଶା ଏଏମ୍/ଏନ୍‌ଏସ୍ ଇଣ୍ଡିଆ ଜିମ୍ନାଷ୍ଟିକ୍ସ ଆଥଲେଟମାନଙ୍କ ସିବିଏସ୍‌ଇ ଜାତୀୟ ଜିମ୍ନାଷ୍ଟିକ୍ସ ଚାମ୍ପିୟନସିପ୍ ୨୦୨୬ରେ ଚମତ୍କାର ପ୍ରଦର୍ଶନ

ଆଇପିଏଲ ଇତିହାସର ଅନ୍ୟତମ ଶ୍ରେଷ୍ଠ ଫିନିସର ଭାବେ ପରିଚିତ ଧୋନି ମୋଟ ୨୭୮ଟି ମ୍ୟାଚ୍ ଖେଳି ୫୪୩୯ ରନ୍ ସଂଗ୍ରହ କରିଛନ୍ତି। ଏଥିରେ ୨୪ଟି ଅର୍ଦ୍ଧଶତକ ସାମିଲ ରହିଛି। ଚେନ୍ନାଇ ସୁପର କିଙ୍ଗସ ପାଇଁ ସେ ସର୍ବାଧିକ ୨୭୨ଟି ମ୍ୟାଚ୍ ଖେଳିଥିବା ବେଳେ ୫୩୧୪ ରନ୍ କରି ଦଳର ଦ୍ୱିତୀୟ ସର୍ବାଧିକ ରନ୍ ସଂଗ୍ରହକାରୀ ହୋଇ ରହିଛନ୍ତି। ତାଙ୍କର ହେଲିକପ୍ଟର ଶଟ୍ ଏବଂ ଶେଷ ବଲରେ ମ୍ୟାଚ୍ ଜିତାଇବାର ଶୈଳୀ ସର୍ବଦା କ୍ରିକେଟ ପ୍ରେମୀଙ୍କ ମନରେ ରହିବ।

ଆହୁରି ପଢ଼ନ୍ତୁ: ନ୍ୟୁଜିଲାଣ୍ଡ ବିପକ୍ଷ ଶେଷ ଦୁଇଟି ଦିନିକିଆରେ ଶ୍ରେୟସ ଆୟର ହେବେ ଅଧିନାୟକ: ଜାଣନ୍ତୁ କାହିଁକି ମିଳିଲା ଏହି ବଡ଼ ଦାୟିତ୍ୱ?

ସିଏସକେ ମାଲିକ ଏନ୍ ଶ୍ରୀନିବାସନ ଧୋନିଙ୍କ ଅବଦାନକୁ ପ୍ରଶଂସା କରି କହିଛନ୍ତି ଯେ, "ଏମଏସ ଧୋନିଙ୍କ ବିନା ସିଏସକେର କଳ୍ପନା କରାଯାଇପାରିବ ନାହିଁ। ଆମ ସମ୍ପର୍କ ବିଶ୍ୱାସ ଉପରେ ତିଷ୍ଠିଛି ଏବଂ ସେ ସର୍ବଦା ଦଳର ଏକ ଅଭିନ୍ନ ଅଙ୍ଗ ହୋଇ ରହିବେ।" ସୂଚନାଯୋଗ୍ୟ ଯେ, ୨୦୨୪ରେ ଧୋନି ଅଧିନାୟକ ପଦ ଋତୁରାଜ ଗାଏକ୍ୱାଡଙ୍କୁ ହସ୍ତାନ୍ତର କରିଥିଲେ। ଏବେ ମେଣ୍ଟର ଭାବେ ସେ ଦଳର ଯୁବ ଖେଳାଳିମାନଙ୍କୁ ମାର୍ଗଦର୍ଶନ କରିବେ।

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର