ମନୋରଞ୍ଜନ
ଓଡ଼ିଶା
କମିଶନରେଟ ପୋଲିସ କବଜାରେ ଲୁଟେରା ଗ୍ୟାଙ୍ଗ; ୫ ଜଣଙ୍କୁ ଗିରଫ କଲା ସ୍ପେଶାଲ ସ୍କ୍ୱାଡ୍, ୨୧ଟି ମାମଲାରେ ଥିଲେ ସମ୍ପୃକ୍ତ
ଭୁବନେଶ୍ୱର: ଭୁବନେଶ୍ୱରରୁ ଏକ ଲୁଟେରା ଗ୍ୟାଙ୍ଗକୁ କାବୁ କରିଛି ଡିସିପିଙ୍କ ସ୍ପେଶାଲ ସ୍କ୍ୱାଡ୍ । ରାଜଧାନୀର ବିଭିନ୍ନ ସ୍ଥାନରେ ଏମାନେ ଲୁଟପାଟ କରି ଲୋକଙ୍କ ଆଖିରୁ ନିଦ ହଜାଇ ଦେଇଥିଲେ । ୫ ଜଣ ଲୁଟେରାଙ୍କଠାରୁ ଟଙ୍କା, ସୁନା, ଗାଡି ଓ ଲୁଟ ପାଇଁ ବ୍ୟବହୃତ ସାମଗ୍ରୀ ଜବତ କରିଛି ପୋଲିସ । ବିଭିନ୍ନ ସ୍ଥାନରେ ଲୁଟପାଟ କରିଥିବାର ୨୧ ମାମଲା ଏମାନଙ୍କ ନାଁରେ ଥାଇ ବି ବେଫିକର ଥିଲେ ଲୁଟେରା । ଭୁବନେଶ୍ବର ଡିସିପିଙ୍କ ସ୍ପେଶାଲ ସ୍କ୍ବାର୍ଡ ଲୁଟେରା ଓ ଚୋରି ସାମଗ୍ରୀ କିଣୁଥିବା ଅଭିଯୁକ୍ତଙ୍କୁ କାବୁ କରିଛି ।
ଭରତପୁର, ଚନ୍ଦଶେଖରପୁରରେ ହୋଇଥିବା ଅଭିଯୋଗ ମୁତାବକ ସେମାନଙ୍କୁ ଗିରଫ କରାଯାଇଥିବା ବେଳେ ଅଭିଯୁକ୍ତଙ୍କ ନାଁରେ ପାହାଳ, ସହିଦନଗର,ଖାରବେଳନଗର, ନୟାପଲ୍ଲୀ, ବିଂଝାରପୁର, ରାଜକନିକା ଥାନାରେ ରହିଛି ୨୧ ଟି ମାମଲା । ଗତ ୬ ମାସ ଭିତରେ ରାଜଧାନୀବାସୀଙ୍କ ନିଦ ହଜାଇଦେଇଥିବା ଲୁଟେରାଙ୍କ ଠାରୁ ୪୫ ଗ୍ରାମର ୧୦ ଟି ସୁନା ଚେନ, ୪୦ ହଜାର ଟଙ୍କା, ୨ଟି ବାଇକ, ୮ ଟି ମୋବାଇଲ ଓ ଲୁଟରେ ବ୍ୟବହୃତ ସାମଗ୍ରୀ ଜବତ କରାଯାଇଛି । ତଥ୍ୟ,ପ୍ରମାଣ, ସାଇଣ୍ଟିଫିକ ଟିମରୁ ମିଳିଥିବା ସୁରାକ, ସିସିଟିଭି ଓ ସିଡ଼ିଆର ଆଧାରରେ ଅଭିଯୁକ୍ତକୁ ଗିରଫ କରାଯାଇଛି।
About The Author
