ମନୋରଞ୍ଜନ
ଓଡ଼ିଶା
ଆଠଗଡ଼ରେ ଟଙ୍କା ଭର୍ତ୍ତି ଭ୍ୟାନ୍ ଲୁଟ୍ ଘଟଣାରେ ସିକ୍ୟୁରିଟି ଗାର୍ଡ ଅଟକ; ୫ଟି ସ୍ୱତନ୍ତ୍ର ଟିମ୍ ଗଠନ କରାଯାଇ ବିଭିନ୍ନ ସ୍ଥାନରେ ଚଢାଉ ଜାରି
ଆଠଗଡ଼: ଆଠଗଡ଼ରେ ବନ୍ଧୁକ ମୁନରେ ATM ଟଙ୍କା ଭର୍ତି ଭ୍ୟାନ ଲୁଟ୍ ଘଟଣା । ପାଞ୍ଚଟି ସ୍ଵତନ୍ତ୍ର ଟିମ୍ ଗଠନ କରାଯାଇ ବିଭିନ୍ନ ସ୍ଥାନରେ ଚଢାଉ ଜାରି । ଗତକାଲିଠାରୁ ବିଭିନ୍ନ ସନ୍ଦେହଜନକ ସ୍ଥାନରେ ଚଢାଉ ଜାରି ରଖିଛି ପୋଲିସ । ଏହି ସଂସ୍ଥାରେ ପୂର୍ବରୁ କାର୍ଯ୍ୟରତ ସିକ୍ୟୁରିଟି ଗାଡ଼କୁ ସନ୍ଦେହରେ ତିଗିରିଆ ଥାନାକୁ ଉଠାଇ ଆଣିଛି ପୋଲିସ୍ । ସିକ୍ୟୁରିଟି ଗାର୍ଡକୁ ଅଟକ ରଖି ପଚରାଉଚରା ଜାରି ରହିଛି । ଏପର୍ଯ୍ୟନ୍ତ ଲୁଟେରାଙ୍କ ଟେର ପାଇ ନାହିଁ ପୁଲିସ୍।
ସୂଚନାଯୋଗ୍ୟ, ଗତକାଲି ବନ୍ଧୁକ ଦେଖାଇ ଏଟିଏମରେ ଟଙ୍କା ଭର୍ତ୍ତି କରିବାକୁ ଯାଉଥିବା ଗାଡିକୁ ଅଟକାଇ ଦେଢ କୋଟିରୁ ଅଧିକ ଟଙ୍କା ଲୁଟ କରିନେଇଥିଲେ ମୁଖାପିନ୍ଧା କିଛି ଦୁର୍ବୃତ୍ତ । ସ୍କୁଟି ଓ ସ୍କର୍ପିଓରେ ଆସିଥିଲେ ୫ରୁ ୬ ମୁଖାପିନ୍ଧା ଲୁଟେରା । ପ୍ରଥମେ ବନ୍ଧୁକ ଓ ମାରଣାସ୍ତ୍ର ଦେଖାଇ ଭ୍ୟାନକୁ ଅଟକାଇବା ପରେ ଲୁଟ୍ ପାଟ କରିଥିଲେ ।
About The Author
