ଅବ୍ୟବସ୍ଥା ମଧ୍ଯରେ ଚାଲିଛି ଆଦର୍ଶ ବିଦ୍ୟାଳୟ

The Sakala Picture
Published On

କୃଷ୍ଣପ୍ରସାଦ:  ମେଧାବୀ ଛାତ୍ରଛାତ୍ରୀ ମାନଙ୍କୁ ଗୁଣାତ୍ମକ ଶିକ୍ଷା ପ୍ରଦାନ ମହତ ଲକ୍ଷ୍ଯ ନେଇ ରାଜ୍ୟ ସରକାର ପ୍ରତ୍ୟେକ ବ୍ଲକରେ ଆଦର୍ଶ ବିଦ୍ୟାଳୟ ସ୍ଥାପନ କରିଛନ୍ତି। ଉକ୍ତ ବିଦ୍ୟାଳୟରେ ଅଧ୍ୟୟନରତ ଛାତ୍ରଛାତ୍ରୀଙ୍କ ନିମନ୍ତେ ରାଜ୍ଯ ସରକାରଙ୍କ ପକ୍ଷରୁ ସମସ୍ତ ଆନୁଷଙ୍ଗିକ ବ୍ୟବସ୍ଥା କରାଯାଇଥିଲେ ହେଁ କୃଷ୍ଣପ୍ରସାଦ ବ୍ଳକର ମାଲୁଦ ହାତୀଆଶୁଣୀ ସ୍ଥିତ ଆଦର୍ଶ ବିଦ୍ୟାଳୟଟି ବିଭିନ୍ନ ସମସ୍ୟା ମଧ୍ୟଦେଇ ଗତି କରୁଥିବା ଜଣାପଡିଛି। ଏଠି ଛାତ୍ରଛାତ୍ରୀଙ୍କ ରହିବା ନିମନ୍ତେ ଛାତ୍ରାବାସଟିଏ ନଥିବା ବେଳେ ଖେଳକୁଦ ନିମନ୍ତେ କ୍ରୀଡାଙ୍ଗନ ଓ […]

କୃଷ୍ଣପ୍ରସାଦ:  ମେଧାବୀ ଛାତ୍ରଛାତ୍ରୀ ମାନଙ୍କୁ ଗୁଣାତ୍ମକ ଶିକ୍ଷା ପ୍ରଦାନ ମହତ ଲକ୍ଷ୍ଯ ନେଇ ରାଜ୍ୟ ସରକାର ପ୍ରତ୍ୟେକ ବ୍ଲକରେ ଆଦର୍ଶ ବିଦ୍ୟାଳୟ ସ୍ଥାପନ କରିଛନ୍ତି। ଉକ୍ତ ବିଦ୍ୟାଳୟରେ ଅଧ୍ୟୟନରତ ଛାତ୍ରଛାତ୍ରୀଙ୍କ ନିମନ୍ତେ ରାଜ୍ଯ ସରକାରଙ୍କ ପକ୍ଷରୁ ସମସ୍ତ ଆନୁଷଙ୍ଗିକ ବ୍ୟବସ୍ଥା କରାଯାଇଥିଲେ ହେଁ କୃଷ୍ଣପ୍ରସାଦ ବ୍ଳକର ମାଲୁଦ ହାତୀଆଶୁଣୀ ସ୍ଥିତ ଆଦର୍ଶ ବିଦ୍ୟାଳୟଟି ବିଭିନ୍ନ ସମସ୍ୟା ମଧ୍ୟଦେଇ ଗତି କରୁଥିବା ଜଣାପଡିଛି। ଏଠି ଛାତ୍ରଛାତ୍ରୀଙ୍କ ରହିବା ନିମନ୍ତେ

ଆହୁରି ପଢ଼ନ୍ତୁ: ୨୪ ମାସରେ କିପରି ଭୁଶୁଡ଼ି ଗଲା ୨୪ ବର୍ଷର ସଫଳ ବିପର୍ଯ୍ୟୟ ପରିଚାଳନା ପ୍ରଣାଳୀ: ସୁଜାତା

ଛାତ୍ରାବାସଟିଏ ନଥିବା ବେଳେ ଖେଳକୁଦ ନିମନ୍ତେ କ୍ରୀଡାଙ୍ଗନ ଓ ମଧ୍ଯାହ୍ନ ଭୋଜନ ଖାଇବା ନିମନ୍ତେ ଆବଶ୍ୟକ କକ୍ଷ ନଥିବାରୁ ଛାତ୍ରଛାତ୍ରୀମାନେ ବିଶେଷ ଅସୁବିଧାର ସମ୍ମୁଖୀନ ହେଉଥିବା ଜଣାପଡିଛି। ଫଳରେ ଛାତ୍ରଛାତ୍ରୀଙ୍କ ଅଭିଭାବକମାନେ ଅସନ୍ତୋଷ ପ୍ରକାଶ କରି ଆସୁଛନ୍ତି। ଯେଉଁ ମହତ ଲକ୍ଷ୍ଯ ନେଇ ରାଜ୍ଯ ସରକାର କୃଷ୍ଣପ୍ରସାଦ ବ୍ଲକ ଅଞ୍ଚଳରେ ଏହି ଆଦର୍ଶ ବିଦ୍ୟାଳୟଟି ପ୍ରତିଷ୍ଠା କରିଥିଲେ ତାହା ମୁଳ ଲକ୍ଷ୍ଯ ଠାରୁ ଦୁରେଇ ଯାଇଥିବା ପରି ମନେ ହେଉଛି । ସରକାରଙ୍କ ଏହି ମହତ ଉଦ୍ଦେଶ୍ଯ ଫଳପ୍ରଦ ହୋଇପାରିନଥିବାରୁ ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏଠାରେ ଅଧ୍ୟୟନରତ ଛାତ୍ରଛାତ୍ରୀଙ୍କ ମଧ୍ଯରୁ ଅଧିକାଂଶ ଛାତ୍ରଛାତ୍ରୀ ଘରୋଇ ଛାତ୍ରାବାସରେ ରହୁଥିବା ବେଳେ ଦୈନିକ ମୁଖ୍ଯ ରାସ୍ତା ପାର ହୋଇ ବିପଦଶଙ୍କୁଳ ଅବସ୍ଥାରେ ଆଦର୍ଶ ବିଦ୍ୟାଳୟକୁ ପାଠ ପଢିବା ନିମନ୍ତେ ଯାଉଥିବା ଜଣାପଡିଛି।ଯାହାକି ଅଭିଭାବକମାନଙ୍କ ପାଇଁ ଚିନ୍ତାର କାରଣ ପାଲଟିଛି। କୃଷ୍ଣପ୍ରସାଦ ବ୍ଲକ ଅଞ୍ଚଳର ମେଧାବୀ ଛାତ୍ରଛାତ୍ରୀମାନେ ପ୍ରବେଶିକା ପରୀକ୍ଷା ଜରିଆରେ ଚୟନ ହୋଇ ଆଦର୍ଶ ବିଦ୍ୟାଳୟରେ ନାମ ଲେଖାଉଥିବା ବେଳେ ସେମାନଙ୍କର ଘର ବିଦ୍ୟାଳୟ ଠାରୁ ବହୁ ଦୁରରେ ବୋଲି ଜଣାପଡିଛି। ବିଦ୍ୟାଳୟର ଛାତ୍ରାବାସ ଥିଲେ ଛାତ୍ରଛାତ୍ରୀମାନେ ସେଠାରେ ରହିବାର ସୁଯୋଗ ପାଇ ପାରନ୍ତେ , ଫଳରେ ଯାନବାହାନ ଯୋଗେ ଯାତାୟତରେ ଆଉ ସମସ୍ୟା ସୃଷ୍ଟି ହୁଅନ୍ତା ନାହିଁ ବୋଲି ସାଧାରଣରେ ମତ ପ୍ରକାଶ ପାଉଛି। ଏବେ ଆଦର୍ଶ ବିଦ୍ୟାଳୟକୁ ପାଠ ପଢିବା ନିମନ୍ତେ ଆସୁଥିବା ଏକାଧିକ ଛାତ୍ରଛାତ୍ରୀ ଅଟୋ, ମ୍ୟାଜିକି, ବୋଲେରୋ ଓ ଟ୍ରାଭେଲର ପ୍ରଭୃତି ଗାଡିରେ ଭଡା ଗଣି ବିପଦପୂର୍ଣ୍ଣ ଅବସ୍ଥାରେ ଯାତାୟତ କରୁଥିବା ଜଣାପଡିଛି। ଆଦର୍ଶ ବିଦ୍ୟାଳୟର ବାହ୍ଯ ପ୍ରାଚୀର ଓ ଛାତ୍ରାବାସ ନିର୍ମାଣ କାର୍ଯ୍ୟ ଅଧାପନ୍ତରିଆ ଭାବେ ପଡ଼ିରହିଛି । ବିଦ୍ୟାଳୟରେ ୬ଷ୍ଠ ଶ୍ରେଣୀରୁ ନବମ ଶ୍ରେଣୀ ପର୍ଯ୍ୟନ୍ତ ଶିକ୍ଷାଦାନର ବ୍ୟବସ୍ଥା କରାଯାଇଛି। ଦୂର ଦୁରାନ୍ତରୁ ଆସୁଥିବା ଛାତ୍ରଛାତ୍ରୀମାନେ ଯାନବାହାନ ଯୋଗେ ମାସକୁ ୨ ରୁ ୩ ହଜାର ଟଙ୍କା ଗଣି ବିଦ୍ୟାଳୟକୁ ଯାତାୟତ କରୁଥିବାରୁ ଆର୍ଥିକ ଅନଗ୍ରସର ଶ୍ରେଣୀର ଅଭିଭାବକମାନେ ଅସୁବିଧା ସମ୍ମୁଖୀନ ହେଉଥିବା ଜଣାପଡ଼ିଛି। ଏବେ ଉକ୍ତ ବିଦ୍ୟାଳୟରେ ୩୦୦ ଶହରୁ ଉର୍ଦ୍ଧ୍ବ ଛାତ୍ରଛାତ୍ରୀ ପାଠ ପଢୁଥିବା ବେଳେ ବିଭିନ୍ନ ସମସ୍ୟା ମଧ୍ୟଦେଇ ଗତି କରୁଥିବା କୃଷ୍ଣପ୍ରସାଦ ବ୍ଳକ ଆଦର୍ଶ ବିଦ୍ୟାଳୟ ପ୍ରତି ଜିଲ୍ଲା ପ୍ରଶାସନ ଓ ରାଜ୍ଯ ସରକାର ଦୃଷ୍ଟି ଦେବାକୁ ଅଞ୍ଚଳବାସୀ ଦାବି କରିଛନ୍ତି।

ଆହୁରି ପଢ଼ନ୍ତୁ: ଦିପାବଳୀ ପରେ ଭୁବନେଶ୍ୱରର ବାୟୁ ଗୁଣବତ୍ତା ଅତି ଖରାପ: AQI ସ୍ତର ୧୨୦୦ ଅତିକ୍ରମ କଲା

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର