ମୋତିର ଦାମ୍‌ ୨ କୋଟି !

By The Sakala

Published On Feb 25, 2021 08:51 AM IST

ବ୍ୟାଙ୍କକ: ଥାଇଲ୍ୟାଣ୍ଡର ଜଣେ ମତ୍ସ୍ୟଜୀବୀ ହାଚାଇ ନିଓମଡଚା(୩୭)ଙ୍କ ଭାଗ୍ୟ ଖୋଲିଯାଇଛି। ସେ ମାଛ ମାରିବାକୁ ସମୁଦ୍ରକୁ ଯିବା ସମୟରେ କୂଳରୁ ଏକ ମୋତି ପାଇଛନ୍ତି। ଏହାର ମୂଲ୍ୟ କୋଟି କୋଟି ଟଙ୍କା ଜାଣିବା ପରେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହା ଏକ ଶାମୁକା ଭିତରେ ଥିଲା। ପରେ ସେ ନିଜ ଭାଇଙ୍କୁ ଡାକି ଏହା ଦେଖିବାକୁ କହିଥିଲେ। ପରେ ଦୁଇ ଭାଇ ମୋତିକୁ ନେଇ ଘରକୁ ଯାଇଥିଲେ। ତାଙ୍କ ପିତା ଏହି ଶାମୁକାକୁ ଖୋଲି ଦେଖିବା ପରେ ଆଶ୍ଚର୍ଯ୍ୟ […]

ବ୍ୟାଙ୍କକ: ଥାଇଲ୍ୟାଣ୍ଡର ଜଣେ ମତ୍ସ୍ୟଜୀବୀ ହାଚାଇ ନିଓମଡଚା(୩୭)ଙ୍କ ଭାଗ୍ୟ ଖୋଲିଯାଇଛି। ସେ ମାଛ ମାରିବାକୁ ସମୁଦ୍ରକୁ ଯିବା ସମୟରେ କୂଳରୁ ଏକ ମୋତି ପାଇଛନ୍ତି। ଏହାର ମୂଲ୍ୟ କୋଟି କୋଟି ଟଙ୍କା ଜାଣିବା ପରେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହା ଏକ ଶାମୁକା ଭିତରେ ଥିଲା। ପରେ ସେ ନିଜ ଭାଇଙ୍କୁ ଡାକି ଏହା ଦେଖିବାକୁ କହିଥିଲେ। ପରେ ଦୁଇ ଭାଇ ମୋତିକୁ ନେଇ ଘରକୁ ଯାଇଥିଲେ। ତାଙ୍କ ପିତା ଏହି ଶାମୁକାକୁ ଖୋଲି ଦେଖିବା ପରେ ଆଶ୍ଚର୍ଯ୍ୟ ହୋଇଯାଇଥିଲେ। ଏହା ଭିତରେ ଏକ କମଳା ରଙ୍ଗର ମୋତି ଥିଲା। ବଜାରରେ ଏହାର ମୂଲ୍ୟ କୋଟି କୋଟି ଟଙ୍କା ହେବ। ସାଧାରଣତଃ ଦାମୀ ଅଳଙ୍କାର ପ୍ରସ୍ତୁତିରେ ଏହି ମୋତି ବ୍ୟବହାର କରାଯାଇଥାଏ । ଶାମୁକା ମଧ୍ୟରେ ଉତ୍ତେଜନା ସମୟରେ ଏକ ସାମୁଦ୍ରିକ ପଦାର୍ଥ ଏହାର କୋଷିକା ଭିତରେ ପଶିବାରୁ କମଳା ରଙ୍ଗ ସୃଷ୍ଟି ହୋଇଥାଏ । ଏହା ସୃଷ୍ଟି ହେବା ପାଇଁ ଅନେକ ବର୍ଷ ଲାଗିଥାଏ ।

ହାଚାଇ କହିଛନ୍ତି ଯେ ଲମ୍ବା ନିଶ ରଖିଥିବା ଜଣେ ବୃଦ୍ଧ ମୋତେ ସମୁଦ୍ର କୂଳକୁ ଆସିବାକୁ କହିଥିଲେ। ବୃଦ୍ଧଙ୍କ ଲାଗି ଏହି ମୋତି ମୋତେ ମିଳିଛି। ସେ ମୋତିକୁ ଅଧିକରୁ ଅଧିକ ଦାମରେ ବିକ୍ରି କରିବାକୁ ଚାହୁଁଛନ୍ତି। ଏହା ଦ୍ବାରା ତାଙ୍କର ଏବଂ ପରିବାର ଜୀବନ ବଦଳିଯିବ। ଏଥିଲାଗି ସେ ଚୀନର ଏକ ବ୍ୟବସାୟୀଙ୍କ ସହ କଥା ହୋଇଛନ୍ତି। ଏହା ବଦଳରେ ତାଙ୍କୁ ୧୦ ମିଲିୟନ ଥାଇ (୨କୋଟି ଟଙ୍କାରୁ ଊର୍ଦ୍ଧ୍ବ) ମିଳିବ ବୋଲି ସେ ଆଶା କରୁଛନ୍ତି।