ମମତାଙ୍କ ପୁତୁରା ଓ ବୋହୂଙ୍କୁ ଜେରା କରିବ ଇଡି

By The Sakala

Published On May 18, 2022 10:11 AM IST

କୋଲକାତା : ଦୁର୍ନୀତି ଏବଂ କୋଇଲା ଚୋରାଚାଲାଣ ମାମଲାରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପୁତୁରା ଅଭିଷେକ ବାନାର୍ଜୀ ଓ ତାଙ୍କ ବୋହୂ ରୁଜିରାଙ୍କୁ ଜେରା କରିବାକୁ ସୁପ୍ରିମକୋର୍ଟ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)କୁ ଅନୁମତି ଦେଇଛନ୍ତି। ୨୪ ଘଣ୍ଟା ପୂର୍ବରୁ ନୋଟିସ୍‌ ଦେଇ ଦିଲ୍ଲୀ ପରିବର୍ତ୍ତେ କୋଲକାତାରେ ଇଡି ତାଙ୍କୁ ପଚରାଉଚୁରା କରିପାରିବ। ଏ ସମ୍ପର୍କରେ ପୁଲିସ କମିଶନର ଏବଂ କୋଲକାତାର ମୁଖ୍ୟ ସଚିବଙ୍କୁ ମଧ୍ୟ ନୋଟିସ ଜାରି କରିବାକୁ ପଡିବ। କୋର୍ଟ କହିଛନ୍ତି ଯେ କୋଲକାତାରେ […]

କୋଲକାତା : ଦୁର୍ନୀତି ଏବଂ କୋଇଲା ଚୋରାଚାଲାଣ ମାମଲାରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପୁତୁରା ଅଭିଷେକ ବାନାର୍ଜୀ ଓ ତାଙ୍କ ବୋହୂ ରୁଜିରାଙ୍କୁ ଜେରା କରିବାକୁ ସୁପ୍ରିମକୋର୍ଟ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)କୁ ଅନୁମତି ଦେଇଛନ୍ତି। ୨୪ ଘଣ୍ଟା ପୂର୍ବରୁ ନୋଟିସ୍‌ ଦେଇ ଦିଲ୍ଲୀ ପରିବର୍ତ୍ତେ କୋଲକାତାରେ ଇଡି ତାଙ୍କୁ ପଚରାଉଚୁରା କରିପାରିବ। ଏ ସମ୍ପର୍କରେ ପୁଲିସ କମିଶନର ଏବଂ କୋଲକାତାର ମୁଖ୍ୟ ସଚିବଙ୍କୁ ମଧ୍ୟ ନୋଟିସ ଜାରି କରିବାକୁ ପଡିବ।

କୋର୍ଟ କହିଛନ୍ତି ଯେ କୋଲକାତାରେ ଇଡି ପଚରାଉଚରା ରାଜ୍ୟ ସରକାର ସହଯୋଗ କରିବେ ଏବଂ ସୁରକ୍ଷା ଯୋଗାଇ ଦେବେ। ରାଜ୍ୟର କୌଣସି ପ୍ରକାରର କଟକଣା ଏବଂ ହସ୍ତକ୍ଷେପକୁ କୋର୍ଟ ବରଦାସ୍ତ କରିବେ ନାହିଁ। ଇଡି ଅଧିକାରୀଙ୍କ ବିରୋଧରେ ଅଭିଯୋଗ ଆସିଲେ କୋର୍ଟଙ୍କ ଅନୁମତି ନ ନେଇ ପୁଲିସ କୌଣସି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ ନାହିଁ। ଏହାକୁ ପାଳନ କରାନଗଲେ ସୁରକ୍ଷା ପ୍ରତ୍ୟାହାର କରି ନିଆଯିବ। ଜୁଲାଇ ୧୯ରେ ଏହି ମାମଲାର ପରବର୍ତ୍ତୀ ଶୁଣାଣି ହେବ।