ମନୋରଞ୍ଜନ
୬ ମାସରେ ୩୬ କୋଟି ଟଙ୍କାର ଚୂନ ଲଗାଇଲେ ସାଇବର ଠକ, UPI ଜରିଆରେ ସର୍ବାଧିକ ଠକେଇ
ଭୁବନେଶ୍ବର: ସାମ୍ନାକୁ ଆସିଲା ଭୁବନେଶ୍ୱର ସାଇବର ଥାନାର ୬ ମାସର ରିପୋର୍ଟ । ଜାନୁଆରୀ ୧ ରୁ ଜୁନ ୩୦ ମଧ୍ୟରେ ୩୬ କୋଟି ଟଙ୍କାର ଠକେଇ ହୋଇଛି । ୬ ମାସ ମଧ୍ୟରେ ୨୩ ଶହ ୯୪ ଟି ରିପୋର୍ଟ ହୋଇଛି । ସେଥିମଧ୍ୟରୁ ୧୧୦ ଟି କେସ ରେଜିଷ୍ଟର ହୋଇଛି । ସାଢ଼େ ୯ କୋଟି ଟଙ୍କା ଫ୍ରିଜ କରାଯାଇଛି । ଫ୍ରିଜ ଟଙ୍କାରୁ ୪୬ ଲକ୍ଷ ଟଙ୍କା କ୍ଷତିଗସ୍ତଙ୍କୁ ଫେରସ୍ତ ଦିଆଯାଇଛି। ଭୁବନେଶ୍ୱର ଓ ଭୁବନେଶ୍ୱର ବାହାରୁ ଅନେକ ଅଭିଯୋଗ ଆସିଛି ।
ତେବେ UPI କାରବାର ବେଳେ ସର୍ବାଧିକ ଠକେଇ ହୋଇଥିବା ନେଇ ଅଭିଯୋଗ ଆସିଛି। ସୋସିଆଲ ମିଡିଆ, RTGS, NEFT ଜରିଆରେ ମଧ୍ୟ ଅଧିକ ଠକେଇ ନେଇ ଅଭିଯୋଗ ହୋଇଛି । ତେବେ ସାଇବର ପୋଲିସ ପାଇଁ ଏବେ ମୁଣ୍ଡବିନ୍ଧାର କାରଣ ପାଲଟିଛି କୋରିଅର ଫ୍ରଡ଼ । ପାର୍ଶଲ ରେ ନିଶା କାରବାର ହେଉଥିବା ନେଇ ବଡ଼ବଡ଼ିଆଙ୍କୁ ମୁମ୍ବାଇ ପୋଲିସ, କ୍ରାଇମବ୍ରାଞ୍ଚ, ନାର୍କୋଟିକ୍ସ ବ୍ୟୁରୋ ନାଁ ରେ ଅନେକ ଫୋନ ଆସୁଛି । ଡିଜିଟାଲ ଆରେଷ୍ଟ କରାଯାଇ କୋଟି କୋଟି ଲୁଟ ହେଉଛି । ୬ ମାସ ମଧ୍ୟରେ ୨୧ ଜଣ ଆନ୍ତଃରାଜ୍ୟ ଲୁଟେରାଙ୍କୁ ଗିରଫ କରିଥିବା କହିଛନ୍ତି ପୋଲିସ କମିଶନର।
About The Author
