ମନୋରଞ୍ଜନ
ଓଡ଼ିଶା
13 Jul 2021
By The Sakala
ପୁଣି ଥରେ ସଂକ୍ରମିତ ହେଲେ ଭାରତର ପ୍ରଥମ କରୋନା ରୋଗୀ
ଭାରତର ସର୍ବପ୍ରଥମେ ଆକ୍ରାନ୍ତ ହୋଇଥିବା କରୋନା ରୋଗୀ ପୁଣି ଥରେ ଏହି ମାରାତ୍ମକ ଭୁତାଣୁ ଦ୍ୱାରା ସଂକ୍ରମିତ ହୋଇଛନ୍ତି । ୨୦୨୦ ମସିହା ଜାନୁଆରୀ ମାସରେ ଚୀନରୁ ଫେରିଥିବା ଜଣେ ମେଡିକାଲ୍ ଷ୍ଟୁଡେଣ୍ଟ କରୋନା ପଜିଟିଭ ହୋଇଥିଲେ । ଭାରତର ପ୍ରଥମ ନାଗରିକ ଭାବେ ସେ କରୋନାରେ ଆକ୍ରାନ୍ତ ହୋଇଥିଲେ । ତେବେ ସେହି ଷ୍ଟୁଡେଣ୍ଟ ଜଣକ ଏବେ ପୁଣିଥରେ କୋଭିଡ୍ ଭାଇରସରେ ଆକ୍ରାନ୍ତ ହୋଇଥିବା ଜଣାପଡିଛି ।
କେରଳର ଥ୍ରୀସୁର ବାସିନ୍ଦା ଏହି ମହିଳାଙ୍କ ଟେଷ୍ଟ ରିପୋର୍ଟ ପଜିଟିଭ ଆସିଥିବା ସୂଚନା ମିଳିଛି । ଥ୍ରୀସୁର ଜିଲ୍ଲା ମେଡିକାଲ ଅଫିସର କହିଛନ୍ତି ଯେ, ମହିଳାଜଣକ ପୁଣି ଥରେ କରୋନା ପଜିଟିଭ ହୋଇଛନ୍ତି । ତାଙ୍କର ଆଂଟିଜେନ୍ ଟେଷ୍ଟ ନେଗେଟିଭ ଆସିଥିବାବେଳେ ଆରଟିପିସିଆର୍ ଟେଷ୍ଟ କିନ୍ତୁ ପଜିଟିଭ ଆସିଥିଲା । ତେବେ ତାଙ୍କଠାରେ କୌଣସି ଲକ୍ଷଣ ଦେଖାଯାଇନାହିଁ । ସେ ପଢିବା ପାଇଁ ଦିଲ୍ଲୀ ଯିବାକୁ ଚାହୁଁଥିବାରୁ ନିଜର ନମୁନା ପରୀକ୍ଷା କରିଥିଲେ । ତେବେ ତାଙ୍କ ସ୍ୱାସ୍ଥ୍ୟାବସ୍ଥା ସଂପୂର୍ଣ୍ଣ ଠିକ୍ ରହିଛି ।
https://www.thesakala.in/national-international/first-covid-patient-of-india-once-again-tested-positive/article-3731
About The Author
