ଆନ୍ଦୋଳନରୁ ଓହରିଲେ ସଫେଇ କର୍ମଚାରୀ, ୩ ଦିନରେ ବୃଦ୍ଧି ହେବ ଦରମା

By The Sakala

Published On Mar 12, 2024 04:32 PM IST

ଭୁବନେଶ୍ବର: ପ୍ରତିଶ୍ରୁତି ପରେ ଆନ୍ଦୋଳନରୁ ଓହରିଲେ ସଫେଇ କର୍ମଚାରୀ । ବିଭିନ୍ନ ଦାବି ନେଇ କାଲି ଠାରୁ ଆନ୍ଦୋଳନ କରିଆସୁଥିବା ହଜାର ହଜାର କର୍ମଚାରୀ ଆଜି ବିଏମସି ଅଫିସ ଘେରାଉ କରିଥିଲେ । ପରିସ୍ଥିତିକୁ ଦୃଷ୍ଟିରେ ରଖି ବିଏମସି କମିଶନର ଓ ମେୟରଙ୍କ ଉପସ୍ଥିତିରେ ଗୁରୁତ୍ବପୂର୍ଣ୍ଣ ବୈଠକ ବସିଥିଲା । ସଫେଇ କର୍ମଚାରୀମାନଙ୍କର ଦୁଇଟି ଦାବି ସମ୍ପର୍କରେ ଦୀର୍ଘ ସମୟ ଧରି ଆଲୋଚନା ହୋଇଥିଲା । ଶେଷରେ ସରକାର ସଫେଇ କର୍ମଚାରୀମାନଙ୍କ ଦାବି ମାନିନେଇଥିଲେ । ୩ […]

ଭୁବନେଶ୍ବର: ପ୍ରତିଶ୍ରୁତି ପରେ ଆନ୍ଦୋଳନରୁ ଓହରିଲେ ସଫେଇ କର୍ମଚାରୀ । ବିଭିନ୍ନ ଦାବି ନେଇ କାଲି ଠାରୁ ଆନ୍ଦୋଳନ କରିଆସୁଥିବା ହଜାର ହଜାର କର୍ମଚାରୀ ଆଜି ବିଏମସି ଅଫିସ ଘେରାଉ କରିଥିଲେ । ପରିସ୍ଥିତିକୁ ଦୃଷ୍ଟିରେ ରଖି ବିଏମସି କମିଶନର ଓ ମେୟରଙ୍କ ଉପସ୍ଥିତିରେ ଗୁରୁତ୍ବପୂର୍ଣ୍ଣ ବୈଠକ ବସିଥିଲା ।

ସଫେଇ କର୍ମଚାରୀମାନଙ୍କର ଦୁଇଟି ଦାବି ସମ୍ପର୍କରେ ଦୀର୍ଘ ସମୟ ଧରି ଆଲୋଚନା ହୋଇଥିଲା । ଶେଷରେ ସରକାର ସଫେଇ କର୍ମଚାରୀମାନଙ୍କ ଦାବି ମାନିନେଇଥିଲେ । ୩ ଦିନ ଭିତରେ ସବୁ ସଫେଇ କର୍ମଚାରୀମାନଙ୍କର ଦରମା ବୃଦ୍ଧି ହେବ ବୋଲି ପ୍ରତିଶ୍ରୁତି ଦେଇଛନ୍ତି ବିଏମସି କମିଶନର ରାଜେଶ ପ୍ରଭାକର ପାଟିଲ।

ଏହାପରେ ଆଜିଠାରୁ ସଫେଇ କର୍ମଚାରୀ ସଫେଇ କାମରେ ଯୋଗଦେବେ ବୋଲି କହିଛନ୍ତି । ୧୫ ଦିନ ପର୍ଯ୍ୟନ୍ତ ସଫେଇ କର୍ମଚାରୀମାନେ ଅଳିଆ ବାଛିବା ପାଇଁ ସହଯୋଗ କରିବା ନେଇ ବୈଠକରେ ସ୍ଥିର ହୋଇଛି। ବୈଠକ ଶେଷ ହେବା ପରେ ସଫେଇ କର୍ମଚାରୀମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଏମସି କମିଶନର ଓ ମେୟରଙ୍କୁ ଧନ୍ୟବାଦ ଜଣାଇଛନ୍ତି।