ମନୋରଞ୍ଜନ
13 Dec 2025
By Deviprasad Mohanty
ଶିକ୍ଷାନୁଷ୍ଠାନରେ ଲଜ୍ଜା: ୭ମ ଶ୍ରେଣୀର ଛାତ୍ରୀଙ୍କୁ ଗଣିତ ଶିକ୍ଷକ ଅସଦାଚରଣ, ଛାତକୁ ଡାକି....
ବାଲେଶ୍ବର: ବାଲେଶ୍ଵରରୁ ଶିକ୍ଷାନୁଷ୍ଠାନରେ ପୁଣି ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି। ଜଣେ ଗଣିତ ଶିକ୍ଷକ ୭ମ ଶ୍ରେଣୀର ଜଣେ ନାବାଳିକା ଛାତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି। ଗୁରୁ-ଶିଷ୍ୟ ପରମ୍ପରାରେ କଳଙ୍କ ବୋଳିଥିବା ଏହି ଘଟଣା ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ସୃଷ୍ଟି କରିଛି।
ସୂଚନା ଅନୁଯାୟୀ, ବାଲେଶ୍ଵର ଜିଲ୍ଲା ଟାଉନ ଥାନା ଅର୍ନ୍ତଗତ ହାଜି ନାସିରୁଦ୍ଧିନ୍ ମ.ଇ ବିଦ୍ୟାଳୟର ୭ମ ଶ୍ରେଣୀର ଛାତ୍ରୀଙ୍କୁ ଗଣିତ ଶିକ୍ଷକ ଅସଦାଚରଣ ଅଭିଯୋଗ ହୋଇଛି। ଅଭିଯୁକ୍ତ ଗଣିତ ଶିକ୍ଷକ ହେଲେ ସେକ୍ ରିହାନ୍। ବିଦ୍ୟାଳୟର ଛାତକୁ ଏକୁଟିଆ ଡ଼ାକି ପ୍ରାଇଭେଟ୍ ଅଙ୍ଗକୁ ଟଚ୍ କରିବା ନେଇ ଘରେ ମାଆଙ୍କୁ ଜଣାଇଥିଲେ ଛାତ୍ରୀ। ଏନେଇ ଆଜି ଛାତ୍ରୀର ପରିବାର ଲୋକ ବିଦ୍ୟାଳୟକୁ ଆସି ପଚାରିବାରୁ ଉତ୍ତେଜନା ଦେଖାଦେଇଥିଲା। ବିଦ୍ୟାଳୟ ପରିସରରେ ଟାଉନ ଥାନା ପୁଲୁସ ପହଞ୍ଚି ବୁଝା ସୁଝା କରିଥିଲା। ଏନେଇ ପରିବାର ପକ୍ଷରୁ ଟାଉନ ଥାନାରେ ଏକ ଲିଖିତ ଅଭିଯୋଗ ଦିଆଯାଇଛି।
https://www.thesakala.in/latest-odisha-news/balasore/shameful-incident-in-school-math-teacher-accused-of-misbehaving-with-7th-class-student/article-43570
About The Author
