ମନୋରଞ୍ଜନ
ଓଡ଼ିଶା
ଚଢ଼ିଗଲା ‘ଆମ ବସ୍’ : ଜଗା ଦର୍ଶନ ପାଇଁ ଯାଉଥିବା ୩ ଯୁବତୀଙ୍କ ମୃତ୍ୟୁ
ଭୁବନେଶ୍ବର : ପୁଣି ଜୀବନ ନେଲା ଆମ ବସ୍। ଜଗା ଦର୍ଶନ ପାଇଁ ପୁରୀ ଯାଉଥିବା ୩ ଯୁବତୀଙ୍କ ଉପରେ ‘ଆମ ବସ୍’ ଚଢିଯିବାରୁ ୩ ଜଣଙ୍କ ମୃତ୍ୟୁ ହୋଇଛି। ଏପରି ଏକ ହୃଦୟ ବିଦାରକ ଓ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି ପିପିଲି ତରାକାଜ ନିକଟର ଜାତୀୟ ରାଜପଥ ଉପରେ।
ମିଳିଥିବା ସୂଚନା ମୁତାବକ ଗତକାଲି ପୁରୀ ରଥଯାତ୍ରରେ ଅଟକିଥିବା ୩ ରଥ ଆଜି ଶରଧାବାଲିରେ ଲାଗିଛି। ରଥ ଉପରେ ମହାପ୍ରଭୁଙ୍କ ଦର୍ଶନ ପାଇଁ ଆଜି ମଧ୍ୟ ବହୁ ଭକ୍ତ ପୁରୀ ଯାଉଛନ୍ତି। ଆଜି ଅପରାହ୍ନ ୫ଟା ସମୟରେ ୩ ଯୁବତୀ ସ୍କୁଟିରେ ଭୁବନେଶ୍ବରରୁ ପୁରୀ ଅଭିମୁଖେ ଯାଉଥିବା ବେଳେ ଦୁର୍ଘଟଣା ଘଟିଛି। ପିପିଲି ତରାକାଜ ନିକଟର ଜାତୀୟ ରାଜପଥ ଉପରେ ଆଉ ଏକ ସ୍କୁଟି ସ୍କୁଟି ସାଇଡ୍ ମାରିବାରୁ ତଳେ ପଡ଼ି ଯାଇଥିଲେ ୩ ଯୁବତୀ, ଆଉ ଏହି ସମୟରେ ସେହି ରାସ୍ତାରେ ପୁରୀ ଅଭିମୁଖେ ଯାଉଥିବା ‘ଆମ ବସ୍’ ୩ ଯୁବତୀଙ୍କ ଉପରେ ଚଢିଯାଇଥିଲା। ଘଟଣାସ୍ଥଳରେ ୩ ଯୁବତୀଙ୍କ ମୃତ୍ୟୁ ହୋଇଥିବା ଜଣାପଡିଛି ହେଲେ ଯୁବତୀଙ୍କ ପରିଚୟ ବର୍ତ୍ତମାନ ପର୍ଯ୍ୟନ୍ତ ମିଳିନାହିଁ।
About The Author
