ପ୍ରଧାନମନ୍ତ୍ରୀ ମୋଦୀଙ୍କ ୟୁରୋପ ଗସ୍ତ ବାତିଲ୍‌, ଅପରେସନ ସିନ୍ଦୂର ପରେ ଆସିଲା ମୋଦୀଙ୍କ ପ୍ରଥମ ଭାଷଣ….

The Sakala Picture
Published On

ନୂଆଦିଲ୍ଲୀ : ପାକିସ୍ତାନ ସହିତ ଉତ୍ତେଜନା ମଧ୍ୟରେ ପ୍ରଧାନମନ୍ତ୍ରୀ ମୋଦୀଙ୍କ ୟୁରୋପ ଗସ୍ତ ବାତିଲ୍‌ ହୋଇଛି। ମେ ୧୩ରୁ ୧୭ ତାରିଖ ପର୍ଯ୍ୟନ୍ତ କ୍ରୋଏସିଆ, ନରୱେ ଓ ନେଦରଲାଣ୍ଡ୍‌ସରେ ଯାଇଥାନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ହେଲେ ଗତକାଲି ରାତିରେ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀରରେ ନଅଟି ଆତଙ୍କବାଦୀ ଆଡ୍ଡା ଉପରେ ଭାରତର ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ବଢ଼ୁଥିବା ଉତ୍ତେଜନାକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗସ୍ତ ବାତିଲ କରାଯାଇଛି । […]

ନୂଆଦିଲ୍ଲୀ : ପାକିସ୍ତାନ ସହିତ ଉତ୍ତେଜନା ମଧ୍ୟରେ ପ୍ରଧାନମନ୍ତ୍ରୀ ମୋଦୀଙ୍କ ୟୁରୋପ ଗସ୍ତ ବାତିଲ୍‌ ହୋଇଛି। ମେ ୧୩ରୁ ୧୭ ତାରିଖ ପର୍ଯ୍ୟନ୍ତ କ୍ରୋଏସିଆ, ନରୱେ ଓ ନେଦରଲାଣ୍ଡ୍‌ସରେ ଯାଇଥାନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ହେଲେ ଗତକାଲି ରାତିରେ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀରରେ ନଅଟି ଆତଙ୍କବାଦୀ ଆଡ୍ଡା ଉପରେ ଭାରତର ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ବଢ଼ୁଥିବା ଉତ୍ତେଜନାକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗସ୍ତ ବାତିଲ କରାଯାଇଛି ।

ଆହୁରି ପଢ଼ନ୍ତୁ: ଉତକ୍ଷେପଣର ୧୦ ମିନିଟ ପରେ ଫେଲ ମାରିଲା ଆମେରିକୀୟ ରକେଟ୍; ନଷ୍ଟ ହେଲା ଆମାଜନର ୪୦ଟି ସାଟେଲାଇଟ୍

ସେପଟେ ଯେତେବେଳେ ସାରା ଦେଶ ଅପରେସନ ସିନ୍ଦୂର ପାଇଁ ଭାରତୀୟ ସେନାର ପ୍ରଶଂସା କରିବାରେ ବ୍ୟସ୍ତ, ପ୍ରଧାନମନ୍ତ୍ରୀ ମୋଦୀ ହଠାତ୍ ଲାଇଭ୍ ଆସିଥିଲେ। ପ୍ରକୃତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାକାଶ ଅନୁସନ୍ଧାନ ଉପରେ ବିଶ୍ୱ ସମ୍ମିଳନୀରେ ନିଜର ମତାମତ ଉପସ୍ଥାପନ କରିଥିଲେ। ପ୍ରଧାନମନ୍ତ୍ରୀ ମୋଦୀ ତାଙ୍କ ଭିଡିଓ ବାର୍ତ୍ତାରେ କହିଛନ୍ତି ଯେ ମହାକାଶ କେବଳ ଏକ ଗନ୍ତବ୍ୟସ୍ଥଳ ନୁହେଁ ବରଂ ଏହା କୌତୁହଳ, ସାହସ ଏବଂ ସାମୂହିକ ପ୍ରଗତିରେ ଏକ ଘୋଷଣା। ଭାରତର ମହାକାଶ ଯାତ୍ରା ଏହି ଭାବନାକୁ ପ୍ରତିଫଳିତ କରେ। ୧୯୬୩ ମସିହାରେ ଏକ ଛୋଟ ରକେଟ୍ ଉତକ୍ଷେପଣ କରିବାଠାରୁ ଚନ୍ଦ୍ରର ଦକ୍ଷିଣ ମେରୁ ନିକଟରେ ଅବତରଣ କରିଥିବା ପ୍ରଥମ ଦେଶ ହେବା ପର୍ଯ୍ୟନ୍ତ, ଆମର ଯାତ୍ରା ଅସାଧାରଣ ହୋଇଛି।

ଆହୁରି ପଢ଼ନ୍ତୁ: କୁଲଗାମରେ ସୁରକ୍ଷା ବାହିନୀଙ୍କ ଏନକାଉଣ୍ଟରରେ ଲସ୍କର ଆତଙ୍କବାଦୀ ଲତିଫ୍ ଭଟ୍ଟ ନିହତ

ପ୍ରକୃତରେ, ପ୍ରଧାନମନ୍ତ୍ରୀ ମୋଦୀ ତାଙ୍କ ଭିଡିଓ ବାର୍ତ୍ତାରେ ଆହୁରି କହିଛନ୍ତି ଯେ ଭାରତର ରକେଟ୍ କେବଳ ପେଲୋଡ୍ ବହନ କରେ ନାହିଁ ବରଂ ୧.୪ ବିଲିୟନ ଭାରତୀୟଙ୍କ ସ୍ୱପ୍ନ ମଧ୍ୟ ବହନ କରେ। ସେ ଏହା ମଧ୍ୟ ଗୁରୁତ୍ୱାରୋପ କରିଥିଲେ ଯେ ଦେଶର ଯୁବପିଢ଼ି ଏବଂ ବୈଜ୍ଞାନିକମାନେ ଭାରତର ବୈଜ୍ଞାନିକ ପ୍ରଗତିରେ ଗୁରୁତ୍ୱପୂର୍ଣ୍ଣ ଅବଦାନ ରଖିଛନ୍ତି। ସେ ଭବିଷ୍ୟତରେ ଭାରତୀୟ ମହାକାଶ ସଂସ୍ଥା ଏବଂ ବୈଜ୍ଞାନିକମାନଙ୍କୁ ନୂତନ ଶିଖର ଛୁଇଁବା ପାଇଁ ଶୁଭେଚ୍ଛା ମଧ୍ୟ ଜଣାଇଥିଲେ।

ଆହୁରି ପଢ଼ନ୍ତୁ: ମେଟା ଅଫିସ୍ ଭଙ୍ଗାରୁଜା କଲା ଯୁବ କଂଗ୍ରେସ, ସୋସିଆଲ ମିଡିଆ ଆକାଉଣ୍ଟ ଉପରେ କଟକଣାକୁ ନେଇ ହଙ୍ଗାମା

ରୁଷ ଗସ୍ତ ମଧ୍ୟ ସ୍ଥଗିତ ରଖାଯାଇଥିଲା

ପୂର୍ବରୁ ପ୍ରଧାନମନ୍ତ୍ରୀ ମୋଦୀ ମଧ୍ୟ ତାଙ୍କର ରୁଷ ଗସ୍ତକୁ ସ୍ଥଗିତ ରଖିଥିଲେ। ପ୍ରଧାନମନ୍ତ୍ରୀ ମେ ୯ ତାରିଖରେ ମସ୍କୋରେ ବିଜୟ ଦିବସ ପରେଡରେ ଯୋଗଦେବାର କାର୍ଯ୍ୟକ୍ରମ ଥିଲା। ପ୍ରଧାନମନ୍ତ୍ରୀ ମୋଦୀଙ୍କୁ ବିଜୟ ଦିବସ ପରେଡ ପାଇଁ ରୁଷ ନିମନ୍ତ୍ରଣ କରିଥିଲା। କିନ୍ତୁ, ଜମ୍ମୁ ଏବଂ କାଶ୍ମୀରର ପହଲଗାମରେ ଆତଙ୍କବାଦୀ ଆକ୍ରମଣକୁ ନେଇ ଭାରତ ଏବଂ ପାକିସ୍ତାନ ମଧ୍ୟରେ ବଢ଼ୁଥିବା ଉତ୍ତେଜନା ଯୋଗୁଁ ପ୍ରଧାନମନ୍ତ୍ରୀ ମୋଦୀ ତାଙ୍କ ଗସ୍ତକୁ ସ୍ଥଗିତ ରଖିଥିଲେ।

ପାକିସ୍ତାନ ଏବଂ ପିଓକେ ଭିତରେ ଥିବା ଆତଙ୍କବାଦୀ ଆଡ୍ଡାଗୁଡ଼ିକ ଧ୍ୱଂସ କରାଯାଇଛି

ଭାରତ ପାକିସ୍ତାନ ଏବଂ ପିଓକେରେ ଥିବା ଆତଙ୍କବାଦୀ ଆଡ୍ଡାଗୁଡ଼ିକୁ ଧ୍ୱଂସ କରି ପହଲଗାମର ପ୍ରତିଶୋଧ ନେଇଛି। ଏଥିରେ ଆତଙ୍କବାଦୀ ନେତା ହାଫିଜ୍ ସଇଦ ଏବଂ ମାସୁଦ ଆଝାରଙ୍କ ଆଡ୍ଡା ଅନ୍ତର୍ଭୁକ୍ତ। ମୁଜାଫରବାଦ, ବାହାୱାଲପୁର, ମୁରିଡକେ, ସିଆଲକୋଟ ଏବଂ କୋଟଲିରେ ଭାରତ ଆତଙ୍କବାଦୀ ଲୁଚି ରହିଥିବା ସ୍ଥାନକୁ ଟାର୍ଗେଟ କରିଛି। ଦେଶର ତିନି ସେନା ମିଳିତ ଭାବରେ ଏହି ମିଶନକୁ ସଫଳ କରିଥିଲେ।

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର