ମନୋରଞ୍ଜନ
ଓଡ଼ିଶା
ଭବିଷ୍ୟତ ପାଇଁ ଗଛ ଜରୁରୀ, ରାଜ୍ୟସ୍ତରୀୟ ୭୪ତମ ବନମହୋତ୍ସବରେ ଗଛ ଲଗାଇବାକୁ ମୁଖ୍ୟମନ୍ତ୍ରୀଙ୍କ ଅପିଲ
ଭୁବନେଶ୍ବର: ରାଜ୍ୟସ୍ତରୀୟ ୭୪ତମ ବନ ମହୋତ୍ସବରେ ଗଛ ଲଗାଇବାକୁ ମୁଖ୍ୟମନ୍ତ୍ରୀ ଅପିଲ କରିଛନ୍ତି। ଭବିଷ୍ୟତ ପାଇଁ ଗଛ ଜରୁରୀ । ଦାରୁଦେବତା ପ୍ରଭୁ ଜଗନ୍ନାଥ ପରିବେଶ ସୁରକ୍ଷା ପାଇଁ ଆମକୁ ସଚେତନ କରୁଛନ୍ତି । ଗଛ ପରିବେଶ ପ୍ରଭାବ କମାଇପାରିବ। ନିଜେ ଗଛ ଲଗାଇବା, ଅନ୍ୟମାନଙ୍କୁ ବି ଉତ୍ସାହିତ କରିବା ବୋଲି ମୁଖ୍ୟମନ୍ତ୍ରୀ କହିଛନ୍ତି। ରାଜ୍ୟର ୩୬.୭୧ପ୍ରତିଶତ ଜଙ୍ଗଲ ଅଞ୍ଚଳ ରହିଛି । ପ୍ରତିଦିନ ରାଜ୍ୟରେ ଜଙ୍ଗଲ ସୃଷ୍ଟି କରାଯାଉଛି । ବନ ସୁରକ୍ଷା ସମିତି ଓ ଏସଏଚଜି ମାଆ ମାନଙ୍କୁ ଧନ୍ୟବାଦ ଜାଣାଇଥିଲେ ମୁଖ୍ୟମନ୍ତ୍ରୀ ।
ରାଜ୍ୟର ସମସ୍ତ ୮ହଜାର ୫ଟି ସ୍କୁଲରେ ବ୍ୟାପକ ବୃକ୍ଷ ରୋପଣ କରାଯିବ ।ସମସ୍ତ ଆଦର୍ଶ ବିଦ୍ୟାଳୟ ପରିସରରେ ବି ଗଛ ଲାଗିବ । ଏଥର ୪କୋଟି ଚାରା ଜଙ୍ଗଲ ବିଭାଗ ଲୋକଙ୍କୁ ବାଣ୍ଟିବ । ଏହାସହ ୧୮୫୯୪ ହେକ୍ଟର ଜମିରେ ବନୀକରଣ କରାଯାଇଛି ବୋଲି ଜଙ୍ଗଲ ମନ୍ତ୍ରୀ ପ୍ରଦୀପ ଅମାତ କହିଛନ୍ତି। ୨୦ ଲକ୍ଷ ପରିବାର ଏଥିରେ ସାମିଲ ହୋଇଛନ୍ତି ।
ଏହି ବନ ମହୋତ୍ସବରେ ଜଙ୍ଗଲ ମନ୍ତ୍ରୀ ପ୍ରଦୀପ ଅମାତ, ମନ୍ତ୍ରୀ ଅଶୋକ ପଣ୍ଡା, ବିଧାୟକ ଅନନ୍ତ ଜେନା, ସୁଶାନ୍ତ ରାଉତ, ମେୟର ସୁଲୋଚନା ଦାସ , ଅତିରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ ଉପସ୍ଥିତଥିଲେ।
About The Author
