ମନୋରଞ୍ଜନ
ଓଡ଼ିଶା
ବାବା ଚନ୍ଦନେଶ୍ୱରଙ୍କ ପ୍ରସିଦ୍ଧ ଚଡକ ଯାତ୍ରାର ଆଜି ମହା ନୀଳପର୍ବ
ବାଲେଶ୍ୱର: ଓଡିଶାର ଉତ୍ତର ସୀମାନ୍ତ ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ହୁଗୁଳି ଠାରେ ବିରାଜିତ ଆଜି ବାବା ଚନ୍ଦନେଶ୍ୱରଙ୍କ ପ୍ରସିଦ୍ଧ ଚଡକ ଯାତ୍ରାର ମହା ନୀଳପର୍ବ। ଭକ୍ତ ଓ ଭଗବାନଙ୍କ ମିଳନ ପର୍ବ ତଥା ଭାଇଚାରାର ପର୍ବ ଏହି ଚଡକ ଯାତ୍ରାକୁ ଦେଖିବା ପାଇଁ ୪ ଲକ୍ଷରୁ ଉର୍ଦ୍ଧ୍ବ ଶ୍ରଦ୍ଧାଳୁ ଓ ଭକ୍ତଙ୍କ ଭିଡ଼ ଲାଗିଛି। ଆଜି ଶ୍ରୀଜିଉଙ୍କ ନୀଳ ପର୍ବ ଅନୁଷ୍ଠିତ ହୋଇଛି। ଆସନ୍ତାକାଲି ମୁଖ୍ୟ ପାଟପର୍ବ। ଚଡକ ଯାତ୍ରା ପାଇଁ ଏହି ପୀଠ ଏବେ ଉତ୍ସବ ମୁଖରିତ ହୋଇଛି। ଆଜି ପ୍ରତ୍ୟୁଷରୁ ତାଳସାରୀ ଓ ଉଦୟପୁର ସମୁଦ୍ରରେ ଲକ୍ଷାଧିକ ଭକ୍ତ ସମୁଦ୍ରରେ ବୁଡ଼ ପକାଇ ମନ୍ଦିରରେ ପୂଜାର୍ଚ୍ଚାନ କରିଛନ୍ତି। ଆଜି ମହାଦେବ ଶିବଙ୍କ ନୀଳ ପର୍ବ।
ଓଡ଼ିଶାର ଦ୍ୱିତୀୟ ବୃହତମ ମେଳା କୁହାଯାଉଥିବା ଚନ୍ଦନେଶ୍ୱର ଚଡକ ମେଳାର ନୀଳପର୍ବର ସ୍ୱତନ୍ତ୍ର ଆକର୍ଷଣ ରହିଛି। ଆଜି ଦିନ ତମାମ ଶ୍ରଦ୍ଧାଳୁମାନେ ନୀଳ ପୋଖରୀରେ ସ୍ନାନକରି ଶ୍ରୀଜୀଉଙ୍କୁ ଜଳାଭିଷେକ କରିବା ସହ ଅର୍ଘ୍ୟ ପ୍ରଦାନ କରିବେ। ମେଳାପାଇଁ ବ୍ୟାପକ ପୁଲିସ ବ୍ୟବସ୍ଥା ହୋଇଛି। ଧର୍ମୀୟ, ଉତ୍ସାହ, ଉଦ୍ଦୀପନା ମଧ୍ୟରେ ଚନ୍ଦନେଶ୍ୱରରେ ପାଳିତ ହେଉଥିବା ଏହି ଚଡକ ଯାତ୍ରା ଓଡିଶା -ପଶ୍ଚିମବଙ୍ଗ ଅଧିବାସୀଙ୍କ ମଧ୍ୟରେ ଭାଇଚାରାର ପ୍ରତୀକ ବୋଲି ମଧ୍ୟ କୁହାଯାଏ। ଆସନ୍ତାକାଲି ପାଟ ପର୍ବ ଥିବାରୁ ଆହୁରି ଅଧିକ ଶ୍ରଦ୍ଧାଳୁଙ୍କ ସମାଗମ ହେବ ବୋଲି ଅନୁମାନ କରାଯାଉଛି।
About The Author
