ମନୋରଞ୍ଜନ
ଓଡ଼ିଶା
ଅନଲାଇନ ସପିଂ କରୁଥିଲେ ହୋଇଯାଆନ୍ତୁ ସାବଧାନ ! ସୋସିଆଲ ମିଡିଆରେ ମାତିଛନ୍ତି ସାଇବର ଲୁଟେରା...
ଭୁବନେଶ୍ୱର: ଅନଲାଇନ ସପିଂ କରୁଛନ୍ତି କି ? ତେବେ ହୋଇଯାଆନ୍ତୁ ସାବଧାନ। ସୋସିଆଲ ମିଡିଆରେ ମାତିଛନ୍ତି ସାଇବର ଲୁଟେରା। ଫେସବୁକ ଓ ଇଂଷ୍ଟାଗ୍ରାମ ପରି ପ୍ଲାଟଫର୍ମରେ ନକଲି କମ୍ପାନୀର ବିଜ୍ଞାପନ ଦେଇ ଗ୍ରାହକଙ୍କୁ ଫାଶରେ ପକାଉଛନ୍ତି ସାଇବର ଠକ। ଏଭଳି ଏକ ସାଇବର ଠକେଇର ଶିକାର ହୋଇଛନ୍ତି ଭୁବନେଶ୍ୱରର କେଦାରନାଥ ମାନସିଂ।
ଫେସବୁକରେ ଜମ୍ମୁର "ସୋନିଆ Dry fruits" ନାମକ ଏକ କମ୍ପାନୀର ବିଜ୍ଞାପନ ଦେଖି ସେ ୱାଲନଟ ଓ ଆଲମଣ୍ଡ ଅର୍ଡର କରିଥିଲେ। କିନ୍ତୁ ନିର୍ଦ୍ଧାରିତ ସମୟରେ ସାମଗ୍ରୀ ନ ପହଞ୍ଚିବାରୁ ସେ କମ୍ପାନୀ ସହ ଯୋଗାଯୋଗ କରିଥିଲେ। ଏହାର ସୁଯୋଗ ନେଇ ସାଇବର ଠକମାନେ ରିଫଣ୍ଡ ଓ ଅର୍ଡର ଭେରିଫିକେସନ ନାଁରେ ଏକ OTP ପଠାଇଥିଲେ। ଠକଙ୍କ କଥାରେ ବିଶ୍ୱାସ କରି OTP ସେୟାର କରିବା ପରେ କିଛି ମିନିଟ ମଧ୍ୟରେ ତାଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ଗାଏବ ହୋଇଯାଇଥିଲା। ଠକେଇର ଶିକାର ହେବା ପରେ କେଦାରନାଥ ସାଇବର ଥାନାର ଦ୍ୱାରସ୍ଥ ହେଇଛନ୍ତି।
About The Author
