କଟକରେ ପାଳିତ ହେଲା ୯୦ତମ ଓଡ଼ିଶା ପୁଲିସ ପ୍ରତିଷ୍ଠା ଦିବସ

କଟକ: କଟକରେ ପାଳିତ ହୋଇଛି ୯୦ତମ ଓଡ଼ିଶା ପୁଲିସ ପ୍ରତିଷ୍ଠା ଦିବସ। ବକ୍ସିବଜାର ସ୍ଥିତ ପୁଲିସ ପଡିଆରେ ଅନୁଷ୍ଠିତ କାର୍ଯ୍ୟକ୍ରମରେ ଯୋଗ ଦେଇଛନ୍ତି ପୁଲିସ ଡିଜି ଯୋଗେଶ ବାହାଦୂର ଖୁରାନିଆ। ପୁଲିସ ଡିଜିଙ୍କ ସମେତ ବହୁ ବରିଷ୍ଟ ଆଇପିଏସ ଅଧିକାରୀ ମଧ୍ୟ ଉପସ୍ଥିତ ରହିଛନ୍ତି। ଏହି ଅବସରରେ ଅନୁଷ୍ଠିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ ପୋଲିସ ଡିଜି। ଏହି ପ୍ୟାରେଡରେ ୧୦ଟି ପୋଲିସ କଣ୍ଟିଜେଣ୍ଟ ଭାଗ ନେଇଥିଲେ। ଏହି ଅବସରରେ ସଫଳ ପୋଲିସ ଅଧିକାରୀଙ୍କୁ ଡିଜି ଯୋଗେଶ ବାହାଦୂର ଖୁରାନିଆ ପୁରସ୍କୃତ କରିଥିଲେ। ତଦନ୍ତ କ୍ଷେତ୍ରରେ ଅପରାଧ ନିୟନ୍ତ୍ରଣ ଓ ମାଓ ଦମନ କ୍ଷେତ୍ରରେ ସଫଳତା ଅର୍ଜନ କରିଥିବା ଅଧିକାରୀ ଓ ପୋଲିସ କର୍ମଚାରୀଙ୍କୁ ପୁରସ୍କୃତ କରିଥିଲେ।

କଟକ ସ୍ଥିତ ରାମକୃଷ୍ଣ ପାଢ଼ୀ ମେମୋରିଆଲ ହଲ ପରିସରରେ ୯୦ତମ ଓଡ଼ିଶା ପୁଲିସ ପ୍ରତିଷ୍ଠା ଦିବସ ପାଳନ ଅବସରରେ ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଶ୍ରୀ ଯୋଗେଶ ବାହାଦୁର ଖୁରାନିଆ ୫୮ ଜଣ ପୁଲିସ କର୍ମଚାରୀଙ୍କୁ କର୍ତ୍ତବ୍ୟନିଷ୍ଠା, ଉତ୍ସର୍ଗୀକୃତ ସେବା ନିମନ୍ତେ ଆରକ୍ଷୀ ମହାନିର୍ଦ୍ଦେଶକ ପଦକ ପ୍ରଦାନ କରିଛନ୍ତି। ଏହି ପଦକ ପ୍ରଦାନ ଉତ୍ସବରେ… pic.twitter.com/8edT2tZhkv

ଆହୁରି ପଢ଼ନ୍ତୁ: ବାରିପଦାରେ ଆନ୍ତଃରାଜ୍ୟ ବସଷ୍ଟାଣ୍ଡ ନିର୍ମାଣ ପାଇଁ ସମୂହ ଗଛକଟା ଘଟଣା: ଏନଜିଟିରେ ପୁଣି ଘୁଞ୍ଚିଲା ତାରିଖ, ନଭେମ୍ବର ୨୪ରେ ପରବର୍ତ୍ତୀ ଶୁଣାଣି

— Odisha Police (@odisha_police) April 1, 2025

ଆହୁରି ପଢ଼ନ୍ତୁ: ଆସନ୍ତା ୩୧ ଓ ସେପ୍ଟେମ୍ବର ୧ ତାରିଖରେ ହେବ ଶ୍ରୀମନ୍ଦିର ରତ୍ନଭଣ୍ଡାର ଗଣତି

ପୁଲିସ ପ୍ରତିଷ୍ଠା ଦିବସରେ ଡିଜିପି ନିଜର ଅଭିଭାଷଣ ରଖି କହିଥିଲେ। ଦିନକୁ ଦିନ ଓଡ଼ିଶା ପୋଲିସର ଦାୟିତ୍ଵ ବଢ଼ିଛି। ଆମେ ସମସ୍ତ ଚାଲେଞ୍ଜକୁ ମୁକାବିଲା କରିବା କ୍ଷେତ୍ରରେ କାର୍ଯ୍ୟ କରିବାର ଆବଶ୍ୟକତା ରହିଛି। ମାଓବାଦୀ ଦମନ କ୍ଷେତ୍ର ରେ ଓଡ଼ିଶା ପୁଲିସକୁ ସଫଳତା ମିଳିଛି। ଚଳିତ ବର୍ଷ ବହୁ ମାଓବାଦୀଙ୍କୁ ନିପାତ କରାଯାଇଛି। ନିଶା କାରବାର ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଗଞ୍ଜେଇ ଚୋରା ଚାଲାଣ ବିରୋଧରେ କଠୋର ହୋଇଛି ଓଡ଼ିଶା ପୁଲିସ। ଗଞ୍ଜେଇ ଚାଲାଣ ରୋକିବା ଓ ନଷ୍ଟ କରିବା ଦିଗରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ମହିଳା ଓ ଶିଶୁଙ୍କ ବିରୋଧରେ ହେଉଥିବା ଅତ୍ୟାଚାର ବିରୋଧରେ ଓଡ଼ିଶା ପୁଲିସ ଆହୁରି ଶକ୍ତ ହୋଇଛି। ମହିଳା ଓ ଶିଶୁ ମାନଙ୍କ ସୁରକ୍ଷା ଓଡ଼ିଶା ପୁଲିସର ମୁଖ୍ୟ ପ୍ରାଥମିକତା। ଓଡ଼ିଶା ପୁଲିସକୁ ଅଧିକ କ୍ରିୟାଶୀଳ କରିବା ପାଇଁ ରାଜ୍ୟର ବିଭିନ୍ନ ଥାନାକୁ ଅତ୍ୟାଧୁନିକ ଗାଡ଼ି ଯୋଗାଇ ଦିଆଯାଇଛି। ସାଇବର କ୍ରାଇମ୍ ରୋକିବା ଓ ଦୃଢ଼ତାର ସହ ମୁକାବିଲା କରିବା ସାଇବର ପୁଲିସର ପ୍ରାଥମିକତା।

ଓଡ଼ିଶା ପୁଲିସକୁ ସକ୍ରିୟ କରିବା ପାଇଁ ଖାଲି ଥିବା ପଦବୀ ପୂରଣ ଦିଗରେ ପଦକ୍ଷେପ ନିଆଯାଉଛି। ଅଧିକ ଆଇଅର୍ ବାଟାଲିୟନ ପ୍ରତିଷ୍ଠା ଦିଗରେ ସରକାର ଗୁରୁତ୍ବ ଦେଇଥିବା ପ୍ରତିଷ୍ଠା ଦିବସ ଅବସରରେ ଡିଜିପି କହିଛନ୍ତି। ନୂତନ ପ୍ରଚଳିତ ଆଇନକୁ ସଠିକ୍ ରୂପେ କାର୍ଯ୍ୟ କରିବା ଦିଗରେ ପୁଲିସ କାର୍ଯ୍ୟ କରୁଛି। ଆସନ୍ତା ଦୁଇବର୍ଷ ମଧ୍ୟରେ ଓଡ଼ିଶା ପୁଲିସ ସାଇବର କ୍ରାଇମ ରୋକିବା ଦିଗରେ ଉଲ୍ଲେଖନୀୟ କାର୍ଯ୍ୟ କରିବ। ଆସନ୍ତା ଏକ ମାସ ମଧ୍ୟରେ ପୁଲିସ ତଦନ୍ତ ଦିଗରେ ଉଲ୍ଲେଖନୀୟ କାର୍ଯ୍ୟ କରିବ ବୋଲି ସୂଚନା ଦେଇଛନ୍ତି ଡିଜି ଯୋଗେଶ ବାହାଦୂର ଖୁରନିଆ।