Viral Video: ଇନସ୍ୟୁରାନ୍ସ କ୍ଲେମ୍ ପାଇଁ ହନ୍ତସନ୍ତ ଗ୍ରାହକ! ଷ୍ଟାର ହେଲ୍ଥ ବିରୋଧରେ ବ୍ୟକ୍ତିଙ୍କ କ୍ଷୋଭ

ଲକ୍ଷ୍ନୌ: ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ' (ପୂର୍ବରୁ ଟ୍ୱିଟର) ରେ ଏକ ଭିଡିଓ ବର୍ତ୍ତମାନ ଖୁବ୍ ଜୋରରେ ଭାଇରାଲ ହେବାରେ ଲାଗିଛି। ଏଥିରେ ଜଣେ ବ୍ୟକ୍ତି ଷ୍ଟାର ହେଲ୍ଥ ଆଣ୍ଡ ଆଲାଏଡ୍ ଇନସ୍ୟୁରାନ୍ସ କମ୍ପାନୀର ସେବାକୁ ନେଇ ଅସନ୍ତୋଷ ପ୍ରକାଶ କରୁଥିବା ଦେଖିବାକୁ ମିଳିଛି। ବ୍ୟକ୍ତି ଜଣଙ୍କ ହସ୍ପିଟାଲ ପରିସରରେ ନିଜର ଦୁର୍ଦ୍ଦଶା ବର୍ଣ୍ଣନା କରି କହିଛନ୍ତି ଯେ, ଜରୁରୀକାଳୀନ ପରିସ୍ଥିତିରେ ବୀମା କମ୍ପାନୀ ତାଙ୍କୁ ସାହାଯ୍ୟ କରିବା ବଦଳରେ ହଇରାଣ କରିଥିଲା।

ସୂଚନା ଅନୁଯାୟୀ, ବ୍ୟକ୍ତି ଜଣକ ତାଙ୍କ ପରିବାରର ଚିକିତ୍ସା ପାଇଁ କ୍ଲେମ୍ ଆବେଦନ କରିଥିଲେ। କିନ୍ତୁ ସେ ଘଣ୍ଟା ଘଣ୍ଟା ଧରି ଅପେକ୍ଷା କରିବା ପରେ ମଧ୍ୟ କମ୍ପାନୀ ପକ୍ଷରୁ କୌଣସି ସହଯୋଗ ମିଳିନଥିଲା। ଶେଷରେ ତାଙ୍କୁ ନିଜ ପକେଟରୁ ଟଙ୍କା ଦେବାକୁ କୁହାଯାଇଥିଲା। ଏପରିକି କମ୍ପାନୀର ଜଣେ ଏଜେଣ୍ଟ ତାଙ୍କୁ ଦୁର୍ବ୍ୟବହାର କରି କହିଥିଲେ ଯେ, ପଲିସି କିଣିବା ପୂର୍ବରୁ ସେମାନଙ୍କ ସହ ପରାମର୍ଶ କରିବାର ଥିଲା। ଏହି ଘଟଣାର ଭିଡିଓ ସାମ୍ନାକୁ ଆସିବା ପରେ ହଜାର ହଜାର ଲୋକ ଏହାକୁ ସେୟାର କରିଛନ୍ତି ଏବଂ ଅନେକ ଲୋକ ନିଜର ସମାନ ତିକ୍ତ ଅଭିଜ୍ଞତା ବଖାଣିଛନ୍ତି।

ଇନସ୍ୟୁରାନ୍ସ କ୍ଲେମ୍ ପାଇଁ ହନ୍ତସନ୍ତ ଗ୍ରାହକ! ଷ୍ଟାର ହେଲ୍ଥ ବିରୋଧରେ ବ୍ୟକ୍ତିଙ୍କ କ୍ଷୋଭ#StarHealth #ViralVideo #InsuranceClaim #ConsumerRights #OdiaNews #Lucknow @StarHealthIns pic.twitter.com/6Dsf19zAFN

ଆହୁରି ପଢ଼ନ୍ତୁ: ବ୍ରିକ୍ସ ସମ୍ମିଳନୀ ପାଇଁ ନୂଆଦିଲ୍ଲୀରେ ପହଞ୍ଚିଲେ ଋଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ: ଆଜି ମୋଦୀଙ୍କ ସହ ଦ୍ୱିପାକ୍ଷିକ ଆଲୋଚନା

— Sakala News (@SakalaNews) February 16, 2026

କମ୍ପାନୀର ସ୍ପଷ୍ଟୀକରଣ

କମ୍ପାନୀର ବୟାନ ଅନୁଯାୟୀ, ଦାଖଲ କରାଯାଇଥିବା ଦାବିପତ୍ରରେ ଭୁଲ ଏବଂ ଅସମ୍ପୂର୍ଣ୍ଣ ତଥ୍ୟ ପ୍ରଦାନ କରାଯାଇଥିଲା। ଏଥିରେ କିଛି ଗୁରୁତ୍ୱପୂର୍ଣ୍ଣ ସୂଚନାକୁ ଗୋପନ ରଖାଯାଇଥିବା ଅଭିଯୋଗ ହୋଇଛି। ତଦନ୍ତ ସମୟରେ ମିଳିଥିବା ଚିକିତ୍ସା ସମ୍ବନ୍ଧୀୟ ସୂଚନା ମୁତାବକ, ରୋଗୀଙ୍କର ପୂର୍ବରୁ କୌଣସି ସ୍ୱାସ୍ଥ୍ୟଗତ ସମସ୍ୟା (Pre-existing medical history) ଥିବାର ସଙ୍କେତ ମିଳିଥିଲା, ଯାହା ବୀମା ନେବା ସମୟରେ ଜଣାଯାଇ ନଥିଲା।

ଏହି ବିଷୟରେ ସ୍ପଷ୍ଟତା ଆଣିବା ପାଇଁ କମ୍ପାନୀ ପକ୍ଷରୁ ଉପଯୁକ୍ତ ପ୍ରମାଣପତ୍ର ଦାଖଲ କରିବାକୁ ଗ୍ରାହକଙ୍କୁ ଆନୁଷ୍ଠାନିକ ଭାବେ ଅନୁରୋଧ କରାଯାଇଥିଲା। କମ୍ପାନୀ ଦାବି କରିଛି ଯେ, ବାରମ୍ବାର ମନେ ପକାଇବା ସତ୍ତ୍ୱେ (Repeated reminders), ଗ୍ରାହକଙ୍କ ପକ୍ଷରୁ ଆବଶ୍ୟକୀୟ କାଗଜପତ୍ର ଦାଖଲ କରାଯାଇ ନଥିଲା। ତେଣୁ ବୀମା ପଲିସିର ସର୍ତ୍ତାବଳୀକୁ କଡ଼ାକଡ଼ି ଭାବେ ପାଳନ କରି ଏବଂ ଉପଲବ୍ଧ ଦସ୍ତାବିଜକୁ ଭିତ୍ତି କରି ଏହି ଦାବିକୁ ଖାରଜ କରାଯାଇଛି ବୋଲି ଷ୍ଟାର ହେଲଥ ପକ୍ଷରୁ ସ୍ପଷ୍ଟ କରାଯାଇଛି।