‘ଅଗ୍ନିପଥ ସ୍କିମ୍’ରେ ୪ ବର୍ଷ କାମ କରିବା ପରେ ‘ଅଗ୍ନିବୀର’ମାନଙ୍କୁ ପାରାମିଲିଟାରୀ ଫୋର୍ସ ଓ ଆସାମ ରାଇଫଲ୍ସରେ ଚାକିରି ପାଇଁ ଦିଆଯିବ ପ୍ରାଥମିକତା

ନୂଆଦିଲ୍ଲୀ : ସେନାରେ ସାମିଲ ହେବାକୁ ଚାହୁଁଥିବା ଯୁବପିଢିଙ୍କ ପାଇଁ ଗତକାଲି କେନ୍ଦ୍ର ସରକାର ଏକ ବଡ ଘୋଷଣା କରିଥିଲେ। ସ୍ଥଳସେନା, ନୌସେନା ଏବଂ ବାୟୁସେନାରେ ସୈନିକ ନିଯୁକ୍ତି ପାଇଁ ଭାରତ ସରକାର ଏକ ନୂଆ ‘ଅଗ୍ନିପଥ ଯୋଜନା’ ଘୋଷଣା କରିବା ସହ ଏହା ଅଧିନରେ ଚାରି ବର୍ଷ ପାଇଁ ସୈନିକମାନଙ୍କୁ ନିଯୁକ୍ତି ଦିଆଯିବାର ବ୍ୟବସ୍ଥା କରିଥିଲେ। ‘ଅଗ୍ନିପଥ’ ସ୍କିମ ଅନୁଯାୟୀ ‘ଅଗ୍ନିବୀର’ ହୋଇ ଯୋଗଦେଉଥିବା ଯବାନମାନେ ଚାରି ବର୍ଷ ପାଇଁ ତିନୋଟି ସେନାରେ ସାମିଲ ହୋଇ ଦେଶର ସେବା କରିବାର ସୁଯୋଗ ପାଇବେ।

ଦେଶର ୧୭-୨୧ ବର୍ଷୀୟ ମହିଳା ଓ ପୁରୁଷ ଏହି ସ୍କିମର ଲାଭ ଉଠାଇପାରିବେ। ସେମାନଙ୍କୁ କେବଳ ୪ବର୍ଷ ପାଇଁ ନିଯୁକ୍ତି ମିଳିବ। ମାସିକ ଦରମା ୩୦,୦୦୦-୪୦,୦୦୦ ରହିବ। ସେମାନଙ୍କ ଚାକିରି ଅବଧି ସମୁଦାୟ ୪ ବର୍ଷ ରହିବ। ଏହା ମଧ୍ୟରେ ୬ ମାସର ପ୍ରଶିକ୍ଷଣ ସମୟ ମଧ୍ୟ ରହିବ। ୪ ବର୍ଷ ପରେ ୨୫% ଅଗ୍ନିବୀରଙ୍କ ନିଯୁକ୍ତି ଅବଧି ବୃଦ୍ଧି କରାଯିବ। ଏଥିନିମନ୍ତେ ଆଉ ଥରେ ସେମାନଙ୍କର ସ୍କ୍ରିନିଂ କରାଯିବ। ବାକି ୭୫%ଙ୍କୁ ପ୍ୟାକେଜ ସହ ସେବା ନିବୃତ କରାଯିବ, ସେମାନଙ୍କୁ ଏକକାଳୀନ ୧୧ ଲକ୍ଷ ଟଙ୍କା ମିଳିବ ବୋଲି ଗତକାଲି ଘୋଷଣା କରାଯାଇଥିଲା।

ତେବେ କେନ୍ଦ୍ର ସରକାରଙ୍କ ଏହି ଯୋଜନାକୁ ରକ୍ଷା ବିଶେଷଜ୍ଞ ନାପସନ୍ଦ କରିଛନ୍ତି। ଗତକାଲି ରକ୍ଷା ବିଶେଷଜ୍ଞ ପି.କେ ସେହଗଲ କହିଥିଲେ  ଏହା ଏକ ଖରାପ ଯୋଜନା । ସେ କହିଛନ୍ତି କି ଦେଶରେ କୋଟି କୋଟ ଯୁବକ ଚାକିରି ସନ୍ଧାନରେ ଅଛନ୍ତି । ସରକାର ତେଣୁ ଏଭଳି ଯୋଜନା କରି ସେନାରେ ଏକାଥରକେ ୪୬ ହଜାର ନିଯୁକ୍ତି ଦେଇଦେବେ । ହେଲେ ୪ ବର୍ଷ ପରେ ସେମାନେ ନିରାଶ ହୋଇ ଫେରିବେସେ ଆହୁରି କହିଛନ୍ତି କି ଆଜି ଯେଉଁ ବେକାର ଯୁବକ ଯୁବତୀମାନେ ସରକାରଙ୍କର ଏହି ଯୋଜନାକୁ ନେଇ ପ୍ରଶଂସା କରୁଛନ୍ତି ୪ ବର୍ଷ ପରେ ସେମାନେ ପୁଣି ଏହି ଯୋଜନାକୁ ପଶ୍ଚାତାପ କରିବେ । ସେମାନଙ୍କୁ ଅତିବେଶିରେ କେଉଁଠି ସିକ୍ୟୁରିଟି ଗାର୍ଡର ଜବ ମିଳିବ ଓ ତାହାକୁ ସେମାନେ ସହଜରେ ଗ୍ରହଣ କରିପାରିବେ ନାହିଁ । ପୁଣି ଦେଶରେ ବେରୋଜଗାରକୁ ନେଇ ସମାନ ପରିସ୍ଥିତି ଦେଖାଦେବ ।

‘अग्निपथ योजना’ युवाओं के उज्ज्वल भविष्य के लिए @narendramodi जी का एक दूरदर्शी व स्वागत योग्य निर्णय है।

इसी संदर्भ में आज गृह मंत्रालय ने इस योजना में 4 साल पूरा करने वाले अग्निवीरों को CAPFs और असम राइफल्स में भर्ती में प्राथमिकता देने का निर्णय लिया है।#BharatKeAgniveer

— गृहमंत्री कार्यालय, HMO India (@HMOIndia) June 15, 2022

ତେବେ ଆଜି ‘ଅଗ୍ନିପଥ’ ସ୍କିମରେ ୪ ବର୍ଷ ଚାକିରି ପରେ ସେବା ନିବୃତ ହେଉଥିବା ୭୫% ‘ଅଗ୍ନିବୀର’ମାନଙ୍କ ପାଇଁ ବଡ ଘୋଷଣା କରିଛି କେନ୍ଦ୍ର ଗୃହମନ୍ତ୍ରଣାଳୟ। ‘ଅଗ୍ନିପଥ’ ଯୋଜନାରେ ୪ ବର୍ଷ ପରେ ଚାକିରି ପୂରଣ କରିବା ପରେ ଅଗ୍ନିବୀର’ମାନଙ୍କୁ  ପାରାମିଲିଟାରୀ ଫୋର୍ସ ଓ ଆସାମ ରାଇଫଲ୍ସରେ ଚାକିରି ପାଇଁ  ପ୍ରାଥମିକତା ଦିଆଯିବ ବୋଲି କେନ୍ଦ୍ର ଗୃହମନ୍ତ୍ରଣାଳୟ ଘୋଷଣା କରିଛି। କେନ୍ଦ୍ର ଗୃହ ମନ୍ତ୍ରଣାଳୟ ଟୁଇଟ୍ କରି ଏହି ସୂଚନା ଦେଇଛି। କେନ୍ଦ୍ର ଗୃହ ମନ୍ତ୍ରଣାଳୟ ନିଜ ଟ୍ୱିଟରେ ଲେଖିଛି ଯେ ଯୁବକମାନଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ପ୍ରଧାନମନ୍ତ୍ରୀ ମୋଦୀଙ୍କର ଏହା ଏକ ଦୂରଦୃଷ୍ଟିସମ୍ପନ୍ନ ତଥା ସ୍ୱାଗତଯୋଗ୍ୟ ନିଷ୍ପତ୍ତି। ଏହି ପରିପ୍ରେକ୍ଷୀରେ, ଆଜି ଗୃହ ମନ୍ତ୍ରଣାଳୟ CAPF ଏବଂ ଆସାମ ରାଇଫଲ୍ସର ନିଯୁକ୍ତିରେ ଏହି ଯୋଜନା ଅଧୀନରେ ଚାରି ବର୍ଷ ପୂରଣ କରିଥିବା ଅଗ୍ନିବୀର’ମାନଙ୍କୁ ପ୍ରାଥମିକତା ଦେବାକୁ ନିଷ୍ପତ୍ତି ନେଇଛି । କେନ୍ଦ୍ର ଗୃହ ମନ୍ତ୍ରଣାଳୟ ଅନ୍ୟ ଏକ ଟୁଇଟରେ ଲେଖିଛନ୍ତି ଯେ ଗୃହମନ୍ତ୍ରୀଙ୍କ ଏହି ନିଷ୍ପତ୍ତି ସହିତ ପ୍ରଧାନମନ୍ତ୍ରୀ ମୋଦୀଙ୍କ ନିର୍ଦ୍ଦେଶରେ ‘ଅଗ୍ନିପଥ ଯୋଜନା’ ଦ୍ୱାରା ତାଲିମ ପ୍ରାପ୍ତ ଯୁବକମାନେ ଦେଶର ସେବା ତଥା ନିରାପତ୍ତାରେ ଆହୁରି ସହଯୋଗ କରିପାରିବେ। ଏହି ନିଷ୍ପତ୍ତି ଉପରେ ବିସ୍ତୃତ ଯୋଜନା କାର୍ଯ୍ୟ ଆରମ୍ଭ ହୋଇଛି ।

प्रधानमंत्री @narendramodi जी के मार्गदर्शन में गृह मंत्रालय के इस निर्णय से ‘अग्निपथ योजना’ से प्रशिक्षित युवा आगे भी देश की सेवा और सुरक्षा में अपना योगदान दे पायेंगे। इस निर्णय पर विस्तृत योजना बनाने का काम शुरू हो गया है।#BharatKeAgniveer

— गृहमंत्री कार्यालय, HMO India (@HMOIndia) June 15, 2022

ଅଗ୍ନିପଥ ଯୋଜନା କଣ?

‘ଅଗ୍ନିପଥ ନିଯୁକ୍ତି ଯୋଜନା’ ଅଧୀନରେ ଯୁବକମାନେ ଚାରି ବର୍ଷ ପର୍ଯ୍ୟନ୍ତ ସେନାରେ ଯୋଗଦେବାର ସୁଯୋଗ ପାଇବେ। ଦେଶର ୧୭-୨୧ ବର୍ଷ ବୟସର ଯୁବକ ଏବଂ ଯୁବତୀମାନେ ଏଥିପାଇଁ ଯୋଗ୍ୟ ହେବେ। ଏଥିପାଇଁ ଦଶମରୁ ଦ୍ୱାଦଶ ଶ୍ରେଣୀ ପାସ୍‌ କରିଥିବା ଛାତ୍ରମାନେ ଆବେଦନ କରିପାରିବେ ।ପ୍ରଥମ ପର୍ଯ୍ୟାୟରେ ୩ ବାହିନୀରେ ପ୍ରାୟ ୪୫ ହଜାର ଅଗ୍ନିବୀରଙ୍କୁ ନିଯୁକ୍ତି ଦିଆଯିବ। ସେମାନଙ୍କୁ କେବଳ ୪ବର୍ଷ ପାଇଁ ନିଯୁକ୍ତି ମିଳିବ। ମାସିକ ଦରମା ୩୦,୦୦୦-୪୦,୦୦୦ ରହିବ। ଅଗ୍ନିବୀର ହୋଇ ଦେଶର ସେବା କରିବା ସମୟରେ ଅର୍ଜନ କରାଯାଇଥିବା କୌଶଳ ଏବଂ ଅଭିଜ୍ଞତା ସେମାନଙ୍କ ପାଇଁ ବିଭିନ୍ନ କ୍ଷେତ୍ରରେ ନିଯୁକ୍ତି ସୁଯୋଗ ସୃଷ୍ଟି କରିବ। ଚାକିରି ସମୟ ମଧ୍ୟରେ ସେମାନଙ୍କୁ ଭଲ ଦରମା ଓ ବିଭିନ୍ନ ସୁବିଧା ସୁଯୋଗ ମିଳିବା ସହ ୪ବର୍ଷ ପରେ ମଧ୍ୟ ସେମାନଙ୍କୁ ଭଲ ପ୍ୟାକେଜ ସହ ସେବାରୁ ମୁକ୍ତ କରାଯିବ। ତିରକ୍ଷା ମନ୍ତ୍ରଣାଳୟର ଅଗ୍ନିପଥ ଯୋଜନା ଅନୁସାରେ ଯୁବପୀଢିଙ୍କୁ ପ୍ରଥମ ବର୍ଷ ୪.୭୬ଲକ୍ଷ ଦରମାର ବାର୍ଷିକ ପ୍ୟାକେଜ୍ ମିଳିବ। ଚତୁର୍ଥ ବର୍ଷ ପର୍ଯ୍ୟନ୍ତ ବଢି ଏହା ୬.୯୨ ଲକ୍ଷରେ ପହଁଞ୍ଚିଯିବ। ୪ ବର୍ଷରେ ଚାକିରୀ ପରେ ୧୧.୭ ଲକ୍ଷ ଟଙ୍କା ସେବାନିଧି ପ୍ରଦାନ କରାଯିବ। ଏହା ଉପରେ କୌଣସି ଟାକ୍ସ ଲାଗିବ ନାହିଁ।

‘ଅଗ୍ନିବୀର’ଙ୍କ ୟୁନିଫର୍ମରେ ଲାଗିବାକୁ ଥିବା ଚିହ୍ନ ତିନି ବାହିନୀଠାରୁ ପୃଥକ ହେବ। ସେମାନଙ୍କ ଚାକିରି ଅବଧି ସମୁଦାୟ ୪ ବର୍ଷ ରହିବ। ଏହା ମଧ୍ୟରେ ୬ ମାସର ପ୍ରଶିକ୍ଷଣ ସମୟ ମଧ୍ୟ ରହିବ। ୪ ବର୍ଷ ପରେ ୨୫% ଅଗ୍ନିବୀରଙ୍କ ନିଯୁକ୍ତି ଅବଧି ବୃଦ୍ଧି କରାଯିବ। ଏଥିନିମନ୍ତେ ଆଉ ଥରେ ସେମାନଙ୍କର ସ୍କ୍ରିନିଂ କରାଯିବ। ବାକି ୭୫%ଙ୍କୁ ପ୍ୟାକେଜ ସହ ସେବା ନିବୃତ କରାଯିବ, ସେମାନଙ୍କୁ ଏକକାଳୀନ ୧୧ ଲକ୍ଷ ଟଙ୍କା ମିଳିବ। ମାତ୍ର ସେମାନଙ୍କ ଲାଗି କୌଣସି ପେନସନ୍ ବ୍ୟବସ୍ଥା ରହିବ ନାହିଁ। ଯେଉଁମାନଙ୍କ ନିଯୁକ୍ତି ଅବଧି ବଢିବ, ସେମାନେ ଆଉ ୧୫ ବର୍ଷ ଲାଗି କାର୍ଯ୍ୟ କରିବାର ସୁଯୋଗ ପାଇବେ। ଅବସର ପରେ ସେମାନଙ୍କୁ ପେନସନ୍ ମିଳିବ। ଅଗ୍ନିବୀରମାନେ ମାସକୁ ୩୦ରୁ ୪୦ ହଜାର ଟଙ୍କା ଯାଏଁ ଦରମା ପାଇବେ। ସେମାନଙ୍କୁ ବିନା ଦେୟରେ ୪୮ ଲକ୍ଷ ଟଙ୍କାର ବୀମା ମିଳିବ।