ମନୋରଞ୍ଜନ
ଓଡ଼ିଶା
ଇନ୍ଫୋଭ୍ୟାଲି ନିକଟ କାଜୁ ବଣ ଭିତରେ ଯୁବକଙ୍କ ମୃତଦେହ ମିଳିବା ଘଟଣା: 'ମୁହଁରେ ଲାଗିଥିବା ବାଲି ଦେଲା ହତ୍ୟାର ସୁରାକ...'
ଭୁବନେଶ୍ୱର: ଦୁର୍ଘଟଣା ନୁହେଁ ହତ୍ୟା । ପୋଲିସ ଖୋଲିଲା କାଜୁ ବଣ ଭିତରେ ହତ୍ୟାର ଗୁମର କଥା । ମୁହଁରେ ଲାଗିଥିବା ବାଲି ଦେଲା ହତ୍ୟାର ସୁରାକ । ଗତକାଲି ରାଜଧାନୀ ଉପକଣ୍ଠ ଇନ୍ଫୋଭ୍ୟାଲିରେ ରାସ୍ତା କଡରୁ ଯୁବକଙ୍କ ସନ୍ଦେହଜନକ ମୃତଦେହ ମିଳିବା ଘଟଣା । ମୃତ ଯୁବକ ହେଲେ ଛତିଶଗଡ ବିଳାଶପୁର ଗୋବର୍ଧନ ଯାଦବ । ସେ ସୁନ୍ଦରପଦା ଅଂଚଳରେ ଥିବା ଏକ କନଷ୍ଟ୍ରକସନ କମ୍ପାନୀରେ କେୟାର ଟେକର କାମ କରନ୍ତି । ଗତକାଲି ଇନ୍ଫୋଭ୍ୟାଲି ଅଞ୍ଚଳରେ ଥିବା ପଥର ଖଣିରୁ ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର ହୋଇଥିଲା । ତଦନ୍ତ ବେଳେ ପୋଲିସ ଜାଣିବାକୁ ପାଇଛି ଏହା ଦୁର୍ଘଟଣା ନୁହେଁ ହତ୍ୟା । ଗୋବର୍ଧନ କାମ କରୁଥିବା କନଷ୍ଟ୍ରକସନ କମ୍ପାନୀରେ ଶୋଇଥିବା ବେଳେ ଏକ ବାଲି ବୁଝେଇ ଟ୍ରକ ତାଙ୍କୁ ଚାପି ଦେଇଥିଲା । ପ୍ରମାଣ ନଷ୍ଟ ପାଇଁ ମୃତଦେହକୁ ସୁନ୍ଦରପଡାରୁ ନେଇ ଇନ୍ଫୋଭ୍ୟାଲିରେ ଫିଙ୍ଗି ଦେଇଥିଲା ଡ୍ରାଇଭର । ଅଭିଯୁକ୍ତ ଡ୍ରାଇଭର ହେଉଛି ନୟାଗଡ ଫତେଗଡ଼ର ରାମଚନ୍ଦ୍ର ଲେଙ୍କା। ଏହି ଘଟଣାରେ ଆଉ କିଛି ଲୋକଙ୍କ ସମ୍ପୃକ୍ତି ରହିଛି । ସେମାନଙ୍କୁ ଧରିବାକୁ ଚେଷ୍ଟା ଚାଲିଛି ବୋଲି ସୂଚନା ଦେଇଛି କମିସନରେଟ ପୋଲିସ ।
About The Author
