ମନୋରଞ୍ଜନ
ଓଡ଼ିଶା
ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡିଲେ ଆନନ୍ଦପୁର ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ
କେନ୍ଦୁଝର/ଆନନ୍ଦପୁର: ଦଶ ହଜାର ଟଙ୍କା ଲାଞ୍ଚ ନେବାବେଳେ ଜଣେ ଲାଞ୍ଚୁଆ ଅଧିକାରୀଙ୍କୁ ଭିଜିଲାନ୍ସ ବିଭାଗ ମାଡିବସିଥିବା ଜଣା ପଡ଼ିଛି। ପ୍ରାଥମିକ ବିଦ୍ୟାଳୟର ଜଣେ ପ୍ରଧାନ ଶିକ୍ଷକ ଙ୍କ ଠାରୁ କାମ କରିଦେବାକୁ ୧୦ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ତାଙ୍କୁ ଧରିଛି।
ସୂଚନା ଅନୁସାରେ, ଆନନ୍ଦପୁର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ(ଏବିଇଓ) ଅଭିମନ୍ୟୁ ସାହୁ ଆନନ୍ଦପୁର ବ୍ଲକ ପଣସଡ଼ିହା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକଙ୍କର ଏକ ବିଭାଗୀୟ ପ୍ରୋସିଡିଙ୍ଗ କାମ କରିଦେବାକୁ ୧୦ ହଜାର ଟଙ୍କା ଲାଞ୍ଚ ମାଗିଥିଲେ। ଏହାକୁନେଇ ସମ୍ପୃକ୍ତ ପ୍ରଧାନ ଶିକ୍ଷକ ବାଲେଶ୍ଵର ଭିଜିଲାନ୍ସ ର ଦ୍ୱାରସ୍ଥ ହୋଇଥିଲେ। ଯୋଜନା ମୁତାବକ ବୁଧବାର ଏବିଇଓ ଶ୍ରୀ ସାହୁ ପ୍ରଧାନ ଶିକ୍ଷକ ସୋମନାଥ ରାମଙ୍କ ଠାରୁ ଦଶ ହଜାର ଲାଞ୍ଚ ନେବାବେଳେ ପୂର୍ବରୁ ଛକି ରହିଥିବା ଭିଜିଲାନ୍ସ କର୍ମଚାରୀଙ୍କ ହାତରେ ଧରା ପଡିଥିଲେ। ଲାଞ୍ଚୁଆ ଅଧିକାରୀ ଜଣଙ୍କୁ ବାଲେଶ୍ଵର ନିଆଯାଇଥିବାବେଳେ ତାଙ୍କର କାର୍ଯ୍ୟାଳୟ ଓ ଆନନ୍ଦପୁର କଇନିପୁରା ସ୍ଥିତ ପୈତୃକ ବାସ ଭବନରେ ମଧ୍ୟ ଭିଜିଲାନ୍ସ ଖାନତଲାସ ଚଳାଇଛି। ବାଲେଶ୍ଵର ଭିଜିଲାନ୍ସ କେଶ ନଂ ୧୧ ତା-୨୯.୦୬.୨୦୨୧ ରେ ମାମଲା ରୁଜୁ କରାଯାଇ ଲାଞ୍ଚୁଆ ଏ ବି ଇ ଓ ଙ୍କୁ କୋର୍ଟ ଚାଲାଣ କରାଯିବ ବୋଲି ବାଲେଶ୍ଵର ଭିଜିଲାନ୍ସ ଏସପି ସନ୍ତୋଷ କୁମାର ମିଶ୍ର ପ୍ରକାଶ କରିଛନ୍ତି।
About The Author
