ଶୁଭଶ୍ରୀ ନିଖୋଜ ଘଟଣା: ଥାନାରେ ଏତଲା ଦେବାରେ ୭ ଦିନର ବିଳମ୍ବ, ଘନୀଭୂତ ହେଉଛି ରହସ୍ୟ

Madhusudan Das Picture
Published On

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ରାଜନଗର ଥାନା ଅନ୍ତର୍ଗତ ରାଜପୁର ଗାଁର ଯୁବତୀ ଶୁଭଶ୍ରୀଙ୍କ ନିଖୋଜ ଘଟଣା ଏବେ ଏକ ନୂଆ ରହସ୍ୟ ସୃଷ୍ଟି କରିଛି। ଝିଅ ନିଖୋଜ ହେବାର ଏକ ସପ୍ତାହ ପରେ ପରିବାର ଲୋକେ ଥାନାରେ ଏତଲା ଦେବା ଘଟଣାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି, ଯାହା ପୋଲିସ ଓ ସ୍ଥାନୀୟ ଲୋକଙ୍କୁ ଚିନ୍ତାରେ ପକାଇଛି।

ଆହୁରି ପଢ଼ନ୍ତୁ: ଆଜି ୫ ଲକ୍ଷରୁ ଉର୍ଦ୍ଧ୍ୱ ନୂଆ ହିତାଧିକାରୀଙ୍କୁ ମଧୁବାବୁ ପେନସନ ଭତ୍ତା ପ୍ରଦାନ କରିବେ ମୁଖ୍ୟମନ୍ତ୍ରୀ , UPMP ପୋର୍ଟାଲର ହେବ ଲୋକାର୍ପଣ

ରିପୋର୍ଟ ଅନୁଯାୟୀ, ଗତ ୨୫ ତାରିଖରୁ ଶୁଭଶ୍ରୀ ନିଖୋଜ ଅଛନ୍ତି। କିନ୍ତୁ ଆଶ୍ଚର୍ଯ୍ୟଜନକ ଭାବେ ସ୍ଥାନୀୟ ଥାନାରେ ଏକ ଲିଖିତ ଅଭିଯୋଗ ଦାଏର କରିବାକୁ ପରିବାରକୁ ୭ ଦିନ ସମୟ ଲାଗିଥିଲା। ଏହି ଘଟଣାକୁ ନେଇ ଶୁଭଶ୍ରୀଙ୍କ ଜେଜେବାପା ଶୁକଦେବ ଦାସ ପ୍ରକାଶ କରିଛନ୍ତି ଯେ, ଯେଉଁ ଦିନ ସେ ନିଖୋଜ ହୋଇଥିଲେ, ସେଦିନ ତାଙ୍କ ବାପା-ମାଆ ଘରେ ନଥିଲେ। ଅନ୍ୟପକ୍ଷରେ ଶୁଭଶ୍ରୀଙ୍କ ବାପା କହିଛନ୍ତି ଯେ ତାଙ୍କ ଝିଅ କିଛି ମାନସିକ ସ୍ୱାସ୍ଥ୍ୟ ସମସ୍ୟା ଦେଇ ଗତି କରୁଥିଲେ।

ଆହୁରି ପଢ଼ନ୍ତୁ: ବାତ୍ୟା ‘ଅର୍ଣ୍ଣବ’ ପ୍ରଭାବିତଙ୍କୁ ମିଳିବ ସହାୟତା: ଗଞ୍ଜାମ, ଗଜପତି ଓ କନ୍ଧମାଳର ସମସ୍ତ ବ୍ଲକକୁ ବଢ଼ିଲା ରିଲିଫ୍ ପ୍ୟାକେଜ୍

ଏହି ରହସ୍ୟମୟ ନିଖୋଜ ଘଟଣା ପରେ ସର୍ଚ୍ଚ ଅପରେସନ୍ ଜୋରଦାର କରାଯାଇଛି। ଶୁଭଶ୍ରୀ ନଦୀରେ ପଡ଼ିଯାଇଥିବା ସନ୍ଦେହ କରି ଅଗ୍ନିଶମ ବାହିନୀର କର୍ମଚାରୀମାନେ ଗତ ୪ ଦିନ ଧରି ହଂସୁଆ ନଦୀରେ ଖୋଜାଖୋଜି ଜାରି ରଖିଛନ୍ତି। ଏହାସହ ପୋଲିସ ନିଜର ତଦନ୍ତ ପ୍ରକ୍ରିୟା ଆରମ୍ଭ କରି ପ୍ରାଥମିକ ପର୍ଯ୍ୟାୟରେ ୮ ଜଣ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରିବା ପରେ ଛାଡି ଦେଇଛି। ତେବେ ଗୋଟିଏ ସପ୍ତାହ ପର୍ଯ୍ୟନ୍ତ ନିଖୋଜ ଖବରକୁ କାହିଁକି ଲୁଚାଇ ରଖାଯାଇଥିଲା, ତାହା ବର୍ତ୍ତମାନ ପ୍ରଶାସନ ଓ ସାଧାରଣ ଜନତାଙ୍କ ପାଇଁ ସବୁଠାରୁ ବଡ଼ ପ୍ରଶ୍ନ ପାଲଟିଛି।

ଆହୁରି ପଢ଼ନ୍ତୁ: ବଙ୍ଗୋପସାଗରରେ ବଳ ଗୋଟାଉଛି ବାତ୍ୟା 'ଅକୱାନ': ୨୦ ତାରିଖରେ ଆନ୍ଧ୍ର ଉପକୂଳରେ କରିବ ଲ୍ୟାଣ୍ଡଫଲ୍

Join Us @ WhatsApp

About The Author

todays-gold-rate-in-bhubaneswar
horoscope today
Google Source preferences
Google News
Join Us @ WhatsApp

ସମ୍ବନ୍ଧିତ ଖବର