ଜଳେଶ୍ବର: ସଂଯୁକ୍ତ କୃଷକ ମୋର୍ଚ୍ଚା ଆହ୍ୱାନରେ ଦେଶ ବ୍ୟାପୀ ରେଳ ରୋକ ଓ ପ୍ରତିବାଦ ଆନ୍ଦୋଳନ ଚାଲୁଥିଲା ବେଳେ ଆଜି ବାଲେଶ୍ୱର ଜିଲ୍ଲା ଜଳେଶ୍ଵର ଷ୍ଟେସନରେ ସକାଳ ୦୯.୩୦ ମିନିଟରୁ ରେଳ ରୋକ ଓ ପ୍ରତିବାଦ ହୋଇଛି। ଉତ୍ତର ପ୍ରଦେଶ ଲକ୍ଷ୍ମୀପୁର ଖେରୀ ଠାରେ କୃଷକ ମାନଙ୍କର ଶାନ୍ତି ପୂର୍ଣ୍ଣ ଐତିହାସିକ ଆନ୍ଦୋଳନ ୧୧ ମାସ ଧରି ଚାଲୁଥିଲା ବେଳେ ଗତ ଅକ୍ଟୋବର ୩ ତାରିଖରେ କେନ୍ଦ୍ର ରାଷ୍ଟ୍ରମନ୍ତ୍ରୀଙ୍କ ପୁତ୍ର ଗାଡ଼ି ମଡାଇ ୪ ଜଣ କୃଷକ ଓ ଜଣେ ସାମ୍ବାଦିକଙ୍କୁ ହତ୍ୟା କରିଥିବା ଅଭିଯୋଗ ହୋଇଛଇ। ଏହି ହତ୍ୟା ଷଡଯନ୍ତ୍ରର ମୁଖ୍ୟ ନାୟକ ରାଷ୍ଟ୍ରମନ୍ତ୍ରୀ ଅଜୟ ମିଶ୍ର ମନ୍ତ୍ରୀ ପଦରେ ରହିଲେ ନିରପେକ୍ଷ ତଦନ୍ତ ହୋଇପାରିବ ନାହିଁ। ଏଣୁ ତୁରନ୍ତ ରାଷ୍ଟ୍ରମନ୍ତ୍ରୀଙ୍କ ବହିଷ୍କାର ଓ ଗିରଫ ସହ କଳା କୃଷି ଆଇନର ପ୍ରତ୍ୟାହାର ଏବଂ ଫସଲର ନ୍ୟାଯ୍ୟ ଦାମ ପାଇଁ ଆଇନ ପ୍ରଣୟନ କରିବାକୁ ପଡ଼ିବ। ଇତିମଧ୍ୟରେ ପେଟ୍ରୋଲ, ଡିଜେଲ ଓ ରନ୍ଧନ ଗ୍ୟାସର ଅହେତୁକ ଦରବୃଦ୍ଧି ଓ ତେଲ ଡାଲି ପ୍ରଭୃତି ନିତ୍ୟବ୍ୟବହାର୍ଯ୍ଯ  ଜିନିଷର ଦରବୃଦ୍ଧି ଲୋକଙ୍କ ଜୀବନ ଜୀବିକାକୁ ବିପର୍ଯ୍ଯସ୍ତ କରିଦେଇଛି। ଏହି ରେଳ ରୋକ ପ୍ରତିବାଦ ବିକ୍ଷୋଭରେ ନେତୃତ୍ୱ ନେଇଥିଲେ ଦିଲ୍ଲୀପ କୁମାର ଗିରି, ଶିତାଂସୁ ସେନାପତି, ପଲ୍ଟୁ ଦାସ, ଦିଲ୍ଲୀପ ପରିଡ଼ା, ରତନ ଦାସ, ରବିନ୍ଦ୍ର ବାରିକ, ଜତିନ୍ ଜେନା, ମଦନ ମାହାଲି, ଅଧୀର ହୁଇ, ରାଜକୁମାର ଆଚାର୍ଯ୍ଯ,ସନାତନ ନନ୍ଦୀ, ନୀଳକଣ୍ଠ ମହାନ୍ତି, ବିଶ୍ୱଜିତ ନାୟକ,ଗୋପାଳ ପାତ୍ର, ମହାମାୟା ରାଜ ପ୍ରମୁଖ।