ମନୋରଞ୍ଜନ
ଓଡ଼ିଶା
11 Dec 2024
By The Sakala
ସରିଲା ବିଜେଡି ବିଧାୟକମାନଙ୍କ ବୈଠକ: ସାଙ୍ଗଠନିକ ବୃଦ୍ଧି ଓ ଦଳର ସଦସ୍ୟତା ଉପରେ ନବୀନଙ୍କ ଗୁରୁତ୍ୱ
ଭୁବନେଶ୍ବର: ସରିଲା ବିଜେଡି ବିଧାୟକମାନଙ୍କ ବୈଠକ। ନବୀନ ନିବାସରେ ପାଖାପାଖି ୪୦ ମିନିଟ ଧରି ବିଧାୟକମାନଙ୍କ ସହିତ ଆଲୋଚନା କରିଥିଲେ ଦଳର ସୁପ୍ରିମୋ ନବୀନ ପଟ୍ଟନାୟକ। ବିଜେଡି ଉପସଭାପତି ଦେବୀ ମିଶ୍ର, ବିଜେଡ଼ି ନେତା ଅତନୁ ସବ୍ୟସାଚୀ ନାୟକ ମଧ୍ୟ ବୈଠକରେ ଉପସ୍ଥିତ ଥିଲେ। ବିଧାନସଭା ଶେଷ ହେବାପରେ ଦଳର ସାଙ୍ଗଠନିକ କାର୍ଯ୍ୟକ୍ରମ କିପରି ଆଗକୁ ଚାଲୁ ରହିବ ଏନେଇ ବୈଠକରେ ମନ୍ତ୍ର ଦେଇଛନ୍ତି ନବୀନ। ମୁଖ୍ୟତଃ ୨୧ ତାରିଖ ପର୍ଯ୍ୟନ୍ତ ଚାଲୁଥିବା ସଦସ୍ୟତା ଅଭିଯାନକୁ ଆଗକୁ ବଢାଇବା ସହିତ ଯେଉଁଠି କମ ସଦସ୍ୟତା ଏପର୍ଯ୍ୟନ୍ତ ହୋଇଛି ସେହି ଅଞ୍ଚଳରେ ଅଧିକ ସଦସ୍ୟ ଯୋଡିବା ପାଇଁ ସୁପ୍ରିମୋ କହିଛନ୍ତି। ସେହିପରି ତୃଣମୂଳ ସ୍ତରରେ ସଂଗଠନର କାର୍ଯ୍ୟ ଉପରେ ମଧ୍ୟ ଆଲୋଚନା କରାଯାଇଛି।ଏହି ବୈଠକ ସାଙ୍ଗଠନିକ ବୃଦ୍ଧି ଓ ଦଳର ସଦସ୍ୟତା ଉପରେ ଗୁରୁତ୍ୱ ଦେଇଥିବା କହିଛନ୍ତି ବିଜେଡ଼ି ଉପ ସଭାପତି ଦେବୀ ମିଶ୍ର।
https://www.thesakala.in/latest-odisha-news/naveens-emphasis-on-organizational-growth-and-party-membership/article-37181
About The Author
