ମନୋରଞ୍ଜନ
26 Feb 2021
By The Sakala
ଖେଳୁଥିବା ବେଳେ ଅଘଟଣ, ଖାଲରେ ପଡ଼ି ୨ ଶିଶୁ ମୃତ
ସମ୍ବଲପୁର: ସମ୍ୱଲପୁର ଜିଲ୍ଲା ଗୋଶାଳା ଫାଣ୍ଡି କଲପଡ଼ା ଗାଁରେ ଶୁକ୍ରବାର ଏକ ଦୁଃଖଦ ଘଟଣା ଘଟିଛି। ନୂଆ ଘର ତିଆରି ବେଳେ ପାଣି ରଖିବା ପାଇଁ ଖୋଳା ଯାଇଥିବା ଖାଲରେ ପଡି ଦୁଇ ଶିଶୁଙ୍କ ମୃତ୍ଯୁ ଘଟିଛି।
ସୂଚନା ଅନୁଯାୟୀ, ଆଜି ମଧ୍ୟାହ୍ନରେ ଦୁଇ ଶିଶୁ ଘର ପଛ ପଟେ ଖେଳୁଥିଲେ। ପରେ ସେମାନେ ନିଖୋଜ ହୋଇଯାଇଥିଲେ। ପରିବାର ଲୋକେ ଚାରିଆଡ଼େ ଖୋଜିଥିଲେ ମଧ୍ଯ ଦୁଇ ଛୁଆଙ୍କୁ ପାଇ ନ ଥିଲେ। ଦୁର୍ଘଟଣା ଘଟିବାର ପ୍ରାୟ କିଛି ସମୟପରେ ଜଣେ ପିଲାର ମୃତଦେହ ଘର ପାର୍ଶ୍ୱ ଖାଲରେ ଭାସୁଥିବା ଦେଖିବାକୁ ମିଳିଥିଲା। ପରେ ପରିବାର ଲୋକ ଖାଲରେ ଖୋଜିବାରୁ ଭିତରୁ ଆଉ ଗୋଟିଏ ମୃତଦେହ ମିଳିଥିଲା। ସେମାନଙ୍କ ବୟସ ୩ ବର୍ଷ ଲେଖାଏଁ ହେବ ବୋଲି ଜଣାପଡ଼ିଛି। ମୃତଦେହ ଉଦ୍ଧାର କରି ଗୋଶାଳା ପୁଲିସ ତଦନ୍ତ ଆରମ୍ଭ କରିଛି।
https://www.thesakala.in/latest-odisha-news/two-children-died-after-falling-into-a-dig-while-playing/article-294
About The Author
