ମନୋରଞ୍ଜନ
ଓଡ଼ିଶା
ବିଭାଗ ବିଭାଗ ମଧ୍ୟରେ ସମନ୍ବୟ ଅଭାବ; ଦ୍ୱନ୍ଦ୍ୱରେ ପରୀକ୍ଷାର୍ଥୀ, ଗୋଟିଏ ଦିନରେ OPSC ଓ OSSSC କରିବାକୁ ଯାଉଛନ୍ତି ପରୀକ୍ଷା....
ଆସନ୍ତାକାଲି OPSC କରିବାକୁ ଯାଉଛି ASO ପରୀକ୍ଷା, ସମାନ ସମୟରେ OSSSC କରିବାକୁ ଯାଉଛି RI, ଅମିନ ପରୀକ୍ଷା..
ଭୁବନେଶ୍ବର: ପୁଣି ସରକାରୀ ପରୀକ୍ଷା ପରିଚାଳନାକୁ ନେଇ ତ୍ରୁଟି ଦେଖିବାକୁ ମିଳିଛି। ସରକାରୀ ପରୀକ୍ଷାକୁ ନେଇ ଦ୍ୱନ୍ଦ୍ୱ ବଢିଛି। ବିଭାଗ ବିଭାଗ ମଧ୍ୟରେ ସମନ୍ବୟ ଅଭାବ ଦେଖା ଦେଇଛି। ଗୋଟିଏ ଦିନିରେ ଓଡ଼ିଶା ଲୋକସେବା ଆୟୋଗ (OPSC) ଆସିଷ୍ଟାଣ୍ଟ ସେକ୍ସନ୍ ଅଫିସର ( ASO ) ପରୀକ୍ଷା କରିବାକୁ ଯାଉଥିବା ବେଳେ ଓଡ଼ିଶାଅଧସ୍ତନ କର୍ମଚାରୀ ଚୟନ ଆୟୋଗ ( OSSSC ) କରିବାକୁ ଯାଉଛି RI, ଅମିନ ପରୀକ୍ଷା। ଯାହାକୁ ନେଇ ଚିନ୍ତାରେ ଆଶାୟୀ ।
ସୂଚନା ଅନୁଯାୟୀ, ଆସନ୍ତାକାଲି OPSC କରିବାକୁ ଯାଉଛି ASO ପରୀକ୍ଷା। ସକାଳ ୯ ଟାରୁ ୧୦ଟା ୩୦ ଯାଏଁ ହେବ ପେପର-୧ ପରୀକ୍ଷା। ସେହିପରି ପେପର-୨ ଦିନ ୧୧ଟା ୩୦ମିନିଟରୁ ଆରମ୍ଭ ହୋଇ ୧ଟା ଯାଏ ଚାଲିବ, ପେପର-୩ ଦିନ ୨ଟା ୩୦ରୁ ଆରମ୍ଭ ହୋଇ ୪ଟା ୩୦ ମିନିଟରେ ଶେଷ ହେବ। ଏଭଳି ସ୍ଥିତିରେ ସମାନ ଦିନରେ OSSSC କରିବାକୁ ଯାଉଛି RI, ଅମିନ ପରୀକ୍ଷା। ଯେଉଁ ଆଶାୟୀ ଉଭୟ ପରୀକ୍ଷା ପାଇଁ ଆବେଦନ କରିଥିବେସେମାନେ କେଭଳି ଦୁଇଟି ଯାକ ପରୀକ୍ଷା ଦେବେ। ଏହି ଚିନ୍ତାରେ ପଡିଛନ୍ତି ପରୀକ୍ଷାର୍ଥୀ। ଗତ ୧୬ ମାସରେ ୧୬ଟି ସରକାରୀ ପରୀକ୍ଷାରେ ବିଭ୍ରାଟ ଘଟିଲାଣି। ନୂଆ ସରକାରୀ ପଦବୀ ବାହାରୁନି। ସେଠି ଗୋଟେ ସମୟରେ ଦୁଇଟି ପରୀକ୍ଷାର ଭେଳିକି ନେଇ ପରୀକ୍ଷାର୍ଥୀ ଅକଳରେ ପଡିଛନ୍ତି।
About The Author
