ଟାୟାର ଫାଟି ଓଲଟିଲା ଜିପ୍: ଚାକିରିର ପ୍ରଥମ ଦିନରେ ଚାଲିଗଲା ଆଇପିଏସ ଅଧିକାରୀଙ୍କ ଜୀବନ…

By The Sakala

Published On Dec 02, 2024 07:15 PM IST

ହସନ: ଅଧା ରହିଗଲା ଆଇପିଏସ ଚାକରିରି କରି ଚୌକିରେ ବସିବାର ସ୍ବପ୍ନ । ଚାକିରିରେ ଯୋଗ ଦେବାକୁ ଯାଉଥିବା ବେଳେ ଚାଲିଗଲା ଜଣେ ଆଇପିଏସଙ୍କ ଜୀବନ । ଘଟଣା ଘଟିଛି କର୍ଣ୍ଣାଟକର ହସନରେ । ମୃତକ ହେଲେ ୨୬ ବର୍ଷୀୟ ଆଇପିଏସ୍ ହର୍ଷବର୍ଦ୍ଧନ । ତାଙ୍କ ଘର ମଧ୍ୟପ୍ରଦେଶ ଜବଲପୁରରେ ବୋଲି ଜଣାପଡିଛି । ସୂଚନାଯୋଗ୍ୟ, ପିଲାଟେ ଦିନରୁ ଆଇପିଏସ୍ ହୋଇ ଲୋକଙ୍କ ସେବେ କରିବାକୁ ସ୍ବପ୍ନ ଦେଖିଥିଲେ ହର୍ଷବର୍ଦ୍ଧନ। ଆଉ ବାପାମାଆଙ୍କ ସ୍ବପ୍ନ ବି ପୂରଣ […]

ହସନ: ଅଧା ରହିଗଲା ଆଇପିଏସ ଚାକରିରି କରି ଚୌକିରେ ବସିବାର ସ୍ବପ୍ନ । ଚାକିରିରେ ଯୋଗ ଦେବାକୁ ଯାଉଥିବା ବେଳେ ଚାଲିଗଲା ଜଣେ ଆଇପିଏସଙ୍କ ଜୀବନ । ଘଟଣା ଘଟିଛି କର୍ଣ୍ଣାଟକର ହସନରେ । ମୃତକ ହେଲେ ୨୬ ବର୍ଷୀୟ ଆଇପିଏସ୍ ହର୍ଷବର୍ଦ୍ଧନ । ତାଙ୍କ ଘର ମଧ୍ୟପ୍ରଦେଶ ଜବଲପୁରରେ ବୋଲି ଜଣାପଡିଛି ।

ସୂଚନାଯୋଗ୍ୟ, ପିଲାଟେ ଦିନରୁ ଆଇପିଏସ୍ ହୋଇ ଲୋକଙ୍କ ସେବେ କରିବାକୁ ସ୍ବପ୍ନ ଦେଖିଥିଲେ ହର୍ଷବର୍ଦ୍ଧନ। ଆଉ ବାପାମାଆଙ୍କ ସ୍ବପ୍ନ ବି ପୂରଣ କରିବେ। ପରିଶ୍ରମ କରି ଆଇପିଏସ୍ ପାଇ ବି ଥିଲେ । ହେଲେ ବିଧିର ବିଧାନ ଥିଲା ଭିନ୍ନ । ଚାକିରିରେ ଯୋଗ ଦେବା ପୂର୍ବରୁ ଚାଲିଗଲା ହର୍ଷବର୍ଦ୍ଧନଙ୍କ ଜୀବନ।

ବିଡ଼ମ୍ଵନା ଯେ, ଚାକିରିରେ ଯୋଗ ଦେବାକୁ ଯାଉଥିବା ବେଳେ ଦୁର୍ଘଟଣାରେ ହର୍ଷବର୍ଦ୍ଧନଙ୍କ ମୃତ୍ୟୁ ଘଟିଛି । ତାଙ୍କର ପ୍ରଥମ ପୋଷ୍ଟିଂ ଥିଲା କର୍ଣ୍ଣାଟକର ହସନ ଜିଲ୍ଲାରେ । ଚାକିରିରେ ଯୋଗ ଦେବାକୁ ସେ ଯିବା ବେଳେ ତାଙ୍କ ଜିପର ଟାୟାର ଫାଟି ଯାଇଥିଲା । ଡ୍ରାଇଭର ଗାଡ଼ି ସମ୍ଭାଳି ନପାରିବାରୁ ତାହା ଓଲଟି ପଡ଼ିଥିଲା । ଏଥିରେ ଡ୍ରାଇଭର ଓ ହର୍ଷବର୍ଦ୍ଧନ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ଉଭୟଙ୍କୁ ଉଦ୍ଧାର କରି ଡାକ୍ତରଖାନାକୁ ନେଇଥିଲେ ମଧ୍ୟ ଯୁବ ଆଇପିଏସଙ୍କ ମୃତ୍ୟୁ ଘଟିଥିଲା । ୨୦୨୩ ବ୍ୟାଚର ଆଇପିଏସ୍ ହର୍ଷବର୍ଦ୍ଧନ କିଛି ଦିନ ତଳେ ମହୀଶୂରରେ ଟ୍ରେନିଂ ସାରିଥିଲେ । ଡ୍ରାଇଭର ଏବେ ଚିକିତ୍ସାଧୀନ ଥିବା ଜଣାପଡ଼ିଛି ।