ନୂଆଦିଲ୍ଲୀ : ପରଲୋକରେ ଗ୍ରାମୀଣ ଅର୍ଥ ବ୍ୟବସ୍ଥାର ମୁଖ୍ୟ ବିଶେଷଜ୍ଞ ତଥା ଯୋଜନା ଆୟୋଗର ପୂର୍ବତନ ସଦସ୍ୟ ପ୍ରଫେସର ଅଭିଜିତ ସେନ। ଗତକାଲି ରାତିରେ ତାଙ୍କ ପରଲୋକ ହୋଇଛି। ବେଶ କିଛିଦିନ ହେବ ରୋଗଗ୍ରସ୍ତ ଥିବା ଅଭିଜିତ୍‌ ସେନ୍‌ ୭୨ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଅଭିଜିତ ସେନଙ୍କ ମୃତ୍ୟୁ ସର୍ମ୍ପକରେ ତାଙ୍କ ଭାଇ ସୂଚନା ଦେଇଛନ୍ତି ।

ଅଭିଜିତ ସେନଙ୍କଙ୍କ ଭାଇ ପ୍ରଣବ ସେନ୍‌ କହିଛନ୍ତି ଯେ ଗତକାଲି ରାତି ୧୧ଟା ସମୟରେ ହୃଦଘାତର ଶିକାର ହୋଇଥିଲେ। ଏହାପରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା,କିନ୍ତୁ ସେଠାରେ ତାଙ୍କର ପରଲୋକ ହୋଇଯାଇଥିଲା।

ଅଭିଜିତ ସେନ୍ ନୂଆଦିଲ୍ଲୀର ଏକ ବଙ୍ଗୀୟ ପରିବାରରେ ଜନ୍ମଗ୍ରହଣ କରିଥିଲେ। ସେ ସର୍ଦ୍ଦାର ପଟେଲ ବିଦ୍ୟାଳୟ ଏବଂ ପରେ ସେଣ୍ଟ ଷ୍ଟିଫେନ୍ସ କଲେଜକୁ ପଦାର୍ଥ ବିଜ୍ଞାନ ସମ୍ମାନରେ ପାସ୍‌ କରିିଥିଲେ। ଏହାପରେ ସେ ୧୯୮୧ ମସିହାରେ କେମ୍ବ୍ରିଜ ବିଶ୍ୱବିଦ୍ୟାଳୟରୁ ଅର୍ଥନୀତିରେ ପିଏଚଡି ସମାପ୍ତ କରିଥିଲେ ଯେଉଁଠାରେ ସେ ଟ୍ରିନିଟି ହଲ୍ର ସଦସ୍ୟ ଥିଲେ।

ସେନ ଚାରି ଦଶକରୁ ଅଧିକ ସମୟର ଏକାଡେମିକ କ୍ୟାରିୟରରେ କିଛି ବଡ ବଡ ସଂସ୍ଥାନରେ ଶିକ୍ଷାଦାନ କରିଛନ୍ତି । ୧୯୮୫ରେ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରେ ଶିକ୍ଷାଦାନ କରିଛନ୍ତି । ସେଠାରେ ସେ ଆର୍ଥିକ ଅଧ୍ୟୟନ ସମ୍ପର୍କରେ ପଢାଉଥିଲେ । ଏହାପରେ ସେ ଅକ୍ସଫୋର୍ଡ, କେମ୍ବ୍ରିଜ ଓ ଏସେକ୍ସରେ ଅର୍ଥଶାସ୍ତ୍ର ପଠାଇଛନ୍ତି । ଏହା ବ୍ୟତୀତ ସେ ୨୦୦୪-୨୦୧୪ ପର୍ଯ୍ୟନ୍ତ ଯୋଜନା ଆୟୋଗର ସଦସ୍ୟ ଥିଲେ ଓ ୧୯୯୭-୨୦୦୦ ପର୍ଯ୍ୟନ୍ତ କୃଷି ମୂଲ୍ୟ ଓ ମୂଲ୍ୟ ଆୟୋଗର ଚେୟାରମ୍ୟାନ ଥିଲେ ।