ନୂଆଦିଲ୍ଲୀ : ମଣିପୁରରେ ୪୬ ଆସାମ ରାଇଫଲ ଉପରେ ଆତଙ୍କବାଦୀ ଆକ୍ରମଣ ଘଟଣାରେ ୭ ଜଣଙ୍କ ମୃତ୍ୟୁ । ଆକ୍ରମଣରେ କମାଣ୍ଡିଂ ଅଫିସର କର୍ଣ୍ଣଲ ବିପ୍ଲବ ତ୍ରିପାଠୀ ଏବଂ ୪ ଜଣ ଯବାନ ସହିଦ ହୋଇଛନ୍ତି । ସେହିପରି କର୍ଣ୍ଣଲଙ୍କ ପତ୍ନୀ ଏବଂ ପୁଅର ମୃତ୍ୟୁ ଘଟିଛି । ଆତଙ୍କବଦୀଙ୍କ ଆକ୍ରମଣରେ ଘଟଣା ସ୍ଥଳରେ କର୍ଣ୍ଣଲ ଏବଂ ତାଙ୍କ ପରିବାରର ମୃତ୍ୟୁ ଘଟିଥିବା ବେଳେ ପରେ ୪ ଜଣ ଯବାନ ସହିଦ ହୋଇଛନ୍ତି । ମଣିପୁରରେ ଆସାମ ରାଇଫଲ ଉପରେ ଆତଙ୍କବାଦୀ ଆକ୍ରମଣକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ଏହି ଆକ୍ରମଣକୁ ନିନ୍ଦା କରି ରାହୁଲ ଗାନ୍ଧୀ ଟ୍ୱିଟରରେ କହିଛନ୍ତି ଯେ ଏହା ପୁଣି ଥରେ ପ୍ରମାଣିତ ହୋଇଛି ଯେ ମୋଦୀ ସରକାର ଦେଶକୁ ସୁରକ୍ଷା ଦେବାରେ ସକ୍ଷମ ନୁହଁନ୍ତି।

मणिपुर में सेना के क़ाफ़िले पर हुए आतंकी हमले से एक बार फिर साबित होता है कि मोदी सरकार राष्ट्र की सुरक्षा करने में असमर्थ है।

ଆହୁରି ପଢ଼ନ୍ତୁ: କେରଳ, ତାମିଲନାଡୁ ଏବଂ ଲାକ୍ଷାଦ୍ୱୀପ ପାଇଁ INCOIS ର ସତର୍କ ସୂଚନା: ମାଡ଼ି ଆସୁଛି ଭୟଙ୍କର ସମୁଦ୍ର ଢେଉ 'ସ୍ୱେଲ ସର୍ଜ'

शहीदों को मेरी श्रद्धांजलि व उनके परिवारजनों को शोक संवेदनाएँ। देश आपके बलिदान को याद रखेगा।

ଆହୁରି ପଢ଼ନ୍ତୁ: ନିଟ୍ ବିକ୍ଷୋଭରେ ପୋଲିସର ମାତ୍ରାଧିକ ବଳପ୍ରୟୋଗର ହେବ ତଦନ୍ତ: ୫ ଜଣିଆ କମିଟି ଗଠନ କଲେ ସୁପ୍ରିମକୋର୍ଟ

— Rahul Gandhi (@RahulGandhi) November 13, 2021

ରାହୁଲ ଗାନ୍ଧୀ ଏକ ଟୁଇଟ୍‌ରେ ଲେଖିଛନ୍ତି,ସେନା ଉପରେ ହୋଇଥିବା ଆତଙ୍କବାଦୀ ଆକ୍ରମଣ ପୁଣି ଥରେ ପ୍ରମାଣିତ କରିଛି ଯେ ମୋଦୀ ସରକାର ଦେଶକୁ ସୁରକ୍ଷା ଦେବାରେ ଅସମର୍ଥ। ଏହି ଆକ୍ରମଣରେ ସହିଦ ହୋଇଥିବା ଯବାନମାନଙ୍କୁ ଶ୍ରଦ୍ଧାଞ୍ଜଳି ଦେବା ସହ ସେମାନଙ୍କ ପରିବାର ପ୍ରତି ସମବେଦନା ଜଣାଉଛି। ଏ ଜାତି ତୁମର ବଳିଦାନକୁ ସ୍ମରଣ କରିବ।

Strongly condemn the attack on the Assam Rifles convoy in Manipur. I pay homage to those soldiers and family members who have been martyred today. Their sacrifice will never be forgotten. My thoughts are with the bereaved families in this hour of sadness.

— Narendra Modi (@narendramodi) November 13, 2021

ଅନ୍ୟପକ୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘଟଣାକୁ ନେଇ ଶୋକପ୍ରକାଶ କରିବା ସହ ଟ୍ବିଟ କରିଛନ୍ତି ଯେ, ମଣିପୁରରେ ଆସାମ ରାଇଫଲ୍ସ ଯବାନଙ୍କ ଉପରେ ହୋଇଥିବା ଆକ୍ରମଣକୁ ମୁଁ ନିନ୍ଦା କରୁଛି। ଆଜି ସହିଦ ହୋଇଥିବା ଯବାନ ଏବଂ ତାଙ୍କ ପରିବାର ସଦସ୍ୟଙ୍କୁ ମୁଁ ଶ୍ରଦ୍ଧାଞ୍ଜଳି ଅର୍ପଣ କରୁଛି। ସେମାନଙ୍କର ବଳିଦାନ କେବେ ବି ଭୁଲି ହେବ ନାହିଁ।

ସୂଚନାଯୋଗ୍ୟ ଆଜି ମିଆଁମାର ସୀମାନ୍ତ ଚୁରାଚାନ୍ଦପୁର ଅଞ୍ଚଳରେ ୪୬ ଆସାମ ରାଇଫଲର କନଭୟ ସହ କମାଣ୍ଡିଂ ଅଫିସର ବିପ୍ଳବ ତ୍ରିପାଠୀ ପରିବାର ଲୋକଙ୍କ ସହ ଯାଉଥିଲେ।ଏହି ସମୟରେ ଆତଙ୍କବାଦୀମାନେ ଆଇଇଡି ବିସ୍ଫୋରଣ କରିବା ସହ ଆଖିବୁଜା ଗୁଳି ମାଡ଼ କରିଥିଲେ। କମାଣ୍ଡିଂ ଅଫିସର ବିପ୍ଳବ ତ୍ରିପାଠୀ ଆଜି ସକାଳୁ ଗୋଟିଏ ଫରୱାର୍ଡ ଘାଟିକୁ ଯାଇଥିଲେ। ସେଠାରୁ ଫେରୁଥିବା ବେଳେ ହଠାତ୍‌ ଦିନ ୧୧ଟାରେ ତାଙ୍କ ଉପରେ ହମଲା ହୋଇଥିଲା। ହମଲା ଏତେ ଭୟଙ୍କର ଥିଲା ଯେ ଘଟଣା ସ୍ଥଳରେ ସମସ୍ତ ୭ ଜଣଙ୍କ ମୃତ୍ୟୁ ଘଟିଥିଲା।