ମନୋରଞ୍ଜନ
04 Jun 2025
By The Sakala
ସେଲିବ୍ରେସନ୍ ପଡ଼ିଲା ମହଙ୍ଗା; ବେଙ୍ଗାଲୁରୁ ଚିନ୍ନାସ୍ୱାମୀ ଷ୍ଟାଡିୟମ ବାହାରେ ଦଳାଚକଟା, ୩ ମୃତ
ନୂଆଦିଲ୍ଲୀ: ଲୁହରେ ଭିଜିଲା ଆରସିବିର ବିଜୟ ଉତ୍ସବ। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ବିଜୟ ପରେଡ ବେଳେ ଦଳାଚକଟା କାରଣରୁ ୨୦ରୁ ଅଧିକ ଲୋକ ଗୁରୁତର ହୋଇଥିବା ବେଳେ ପାଖାପାଖି ୩ଜଣଙ୍କର ପ୍ରାଣହାନୀ ହୋଇଥିବା ଜଣାପଡିଛି। ଗୁରୁତରଙ୍କ ମଧ୍ୟରେ ଜଣେ ନାବାଳକ ରହିଥିବା ମଧ୍ୟ ଜଣାପଡିଛି। ବେଙ୍ଗାଲୁରୁର ଚିନ୍ନାସ୍ୱାମୀ ଷ୍ଟାଡିୟମ ବାହାରେ ବିଜୟ ଉତ୍ସବ ପାଳନ ବେଳେ ଏଭଳି ଅଘଟଣ ଘଟିଥିବା କୁହାଯାଉଛି। ଆରସିବି ଟିମ୍ ଏୟାରପୋର୍ଟରେ ପହଂଚିବା ପରେ ତାଙ୍କ ସ୍ୱାଗତ ପାଇଁ ହଜାର ହଜାର ଲୋକ ସେଠାରେ ଏକତ୍ର ହୋଇଥିଲେ।
ସ୍ଥାନୀୟ ଗଣମାଧ୍ୟମର ସୂଚନା ଅନୁଯାୟୀ, ଷ୍ଟାଡିୟମ ବାହାରେ ୫୦ହଜାରରୁ ଅଧିକ ଲୋକ ଏକତ୍ର ହୋଇଥିଲେ। ଦଳାଚକଟା କାରଣରୁ ଏତେବଡ ଅଘଟଣ ଘଟିଥିବା ପ୍ରାଥମିକ ସୂଚନା ମିଳିଛି। ରପୋର୍ଟ ଲେଖା ହେଲା ବେଳକୁ ୩ଜଣଙ୍କ ମୃତ୍ୟୁ ଖବର ସାମ୍ନାକୁ ଆସିଛି ଏହି ସଂଖ୍ୟା ଆଗକୁ ବଢିପାରେ।
https://www.thesakala.in/national-international/3-feared-dead-in-stampede-at-rcb-victory-celebrations-in-bengaluru/article-40981
About The Author
