ମନୋରଞ୍ଜନ
ଓଡ଼ିଶା
13 Dec 2021
By The Sakala
ଲାଞ୍ଜିଗଡ଼ରେ ହାତୀପଲଙ୍କ ଉତ୍ପାତ; ଭାଙ୍ଗିଲେ ଘର, ଖାଇଗଲେ ଫସଲ
କଳାହାଣ୍ଡି : କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକର ଦୁର୍ଗମ ଅଞ୍ଚଳରେ ୨୫ ଟିକିଏ ହାତୀପଲଙ୍କ ଉତ୍ପାତ । ପ୍ରାୟ ୧୦ ଦିନ ହେଲା ଜଙ୍ଗଲି ହାତୀଙ୍କ ଉପଦ୍ରବ ବୃଦ୍ଧି ପାଇଥିବା ବେଳେ ଉଜୁଡ଼ି ଯାଉଛି ଚାଷୀଙ୍କ ସୁନାର ଫସଲ । ହାତୀପଲ ଏକର ଏକର ଧାନ, ମାଣ୍ଡିଆ, କୁଶୁଳା ଓ କପା ଚାଷକୁ ନଷ୍ଟ କରି ଦେଇଛନ୍ତି । ରାତି ହେଲେ ଲାଞ୍ଜିଗଡ଼ ଫରେଷ୍ଟ ଅଧୀନରେ ଥିବା ଝାଲିଆ ଜଙ୍ଗଲରୁ ୨୫ରୁ ଅଧିକ ହାତୀ ଜନବସତି ମୁହାଁ ହେଉଛନ୍ତି । ଛତ୍ରପୁର ପଞ୍ଚାୟତର କୁଟିଙ୍ଗପଦର ଗାଁରେ ହାତୀପଲ ବ୍ୟାପକ ଭଙ୍ଗା ରୁଜା କରିଛନ୍ତି ।
ରାତିରେ ଗାଁ ମୁଣ୍ଡରେ ଭୀଷଣ ଗର୍ଜନ କରିଥିଲେ ହାତୀପଲ । ଭୟରେ ନିକଟସ୍ଥ କିଛି ପରିବାର ଘର ଛାଡି ପଳାଇ ଯାଇଥିଲେ । ଏହାପରେ ହାତୀପଲ ଉକ୍ତ ଘରକୁ ଭାଙ୍ଗି ଦେବା ସହ ଘରେ ଥିବା ଧାନ, ଚାଉଳ, ମାଣ୍ଡିଆ ଏବଂ ଘରେ ଥିବା ସମସ୍ତ ଆସବାବପତ୍ର ସମ୍ପୂର୍ଣ୍ଣ ନଷ୍ଟ କରିଦେଇଛନ୍ତି । ସେହି ଗ୍ରାମର ବାସ କରୁଥିବା ଫକୀର ମାଝୀଙ୍କ ୧ ଏକର ଧାନ ଫସଲ ମଧ୍ୟ ନଷ୍ଟ କରିଛନ୍ତି ।
https://www.thesakala.in/latest-odisha-news/tuskers-are-riots-in-lanjigarh/article-7556
About The Author
