ଭୁବନେଶ୍ୱର: ରାଜ୍ଯରେ କରୋନା ଗ୍ରାଫ ଉପର ମୁହାଁ ହୋଇଛି। ଏଥିପାଇଁ ମଧ୍ଯ ରାଜ୍ଯସରକାର ମହାମାରୀର ମୁକାବିଲା ପାଇଁ ସମସ୍ତ ପ୍ରକାର ପ୍ରସ୍ତୁତି ଆରମ୍ଭ କରି ସାରିଛନ୍ତି। କୋଭିଡ ଗାଇଡ ଲାଇନକୁ ମାନିବାକୁ ରାଜ୍ଯବାସୀଙ୍କୁ କହିଛନ୍ତି। ଅମାନିଆଙ୍କ ବିରୋଦ୍ଧରେ ଦୃଢ କାର୍ଯ୍ଯାନୁଷ୍ଠାନ ନେବାପାଇଁ ନିର୍ଦେଶ ଦେଇଛନ୍ତି। କୋଭିଡ୍‌ କଟକଣା ଉଲ୍ଲଙ୍ଘନ ନେଇ ପୁଲିସର ସ୍ପେଶାଲ ଡ୍ରାଇଭ୍‌ କରୁଛି। ଗତ ୨୪ ଘଣ୍ଟାରେ ପୁଲିସ ୨୭ ଜଣଙ୍କୁ ଗିରଫ କରିଥିବା ବେଳେ ୮୭୦ଟି ଗାଡ଼ି ଜବତ କରିଛି। ଦିନକରେ ୨୪ ଲକ୍ଷ ୯୧ ହଜାର ୩୦୦ ଟଙ୍କା ଜରିମାନା ଆଦାୟ କରିଛି। ଏନେଇ ରାଜ୍ୟ ପୁଲିସ ପକ୍ଷରୁ ଟ୍ୱିଟ୍‌ କରି ସୂଚନା ଦିଆଯାଇଛି।

From morning of 06.04.2021 to morning of 07.04.2021, 1 case regd, 27 people arrested, 870 vehicles seized, Rs. 24,91,300/- fine collected by #OdishaPolice for violation of #COVID19 guidelines.
The effect of the #CoronaVirus still continues. We urge all to be careful and be safe.

— Odisha Police (@odisha_police) April 7, 2021

ଆହୁରି ପଢ଼ନ୍ତୁ: ପୁରୀ ରଥଯାତ୍ରା ପାଇଁ ବ୍ୟାପକ ସୁରକ୍ଷା: ମୁତୟନ ହେବେ ୨୨୦ ପ୍ଲାଟୁନ୍ ଫୋର୍ସ ଏବଂ ଗଡ଼ିବ ୩୭୦ ସ୍ୱତନ୍ତ୍ର ଟ୍ରେନ୍

ସୂଚନା ଅନୁଯାୟୀ, ୧୦ ଦିନିଆ ସ୍ପେଶାଲ ଡ୍ରାଇଭ୍‌ ପାଇଁ ଡିଜିପିଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ନିର୍ଦ୍ଦେଶ ଦେଇଥିଲେ। ଯାହାକୁ କାର୍ଯ୍ଯାକାରୀ କରିବାକୁ ଯାଇ ମଙ୍ଗଳବାର ସନ୍ଧ୍ୟା ୬ଟା ରାଜ୍ୟ ତମାମ ପୁଲିସ ସ୍ପେଶାଲ୍‌ ଡ୍ରାଇଭ୍‌ କରିଛି। ଅମାନିଆଙ୍କୁ ସାବାଡ଼ କରିବା ପାଇଁ ଫଇନ୍‌ କରିଛି। ମଙ୍ଗଳବାର ସକାଳରୁ ବୁଧବାର ସକାଳ ପର୍ଯ୍ଯନ୍ତ ପୁଲିସ ୨୪ ଲକ୍ଷ ୯୧ ହଜାର ୩୦୦ ଟଙ୍କା ଆଦାୟ କରିଛି।