ମନୋରଞ୍ଜନ
ମରୁଡି ପ୍ରବଣ ଅଞ୍ଚଳର ଚାଷୀଙ୍କ ପାଇଁ ୨୦୦ କୋଟିର ଇନପୁଟ ସବସିଡି ଘୋଷଣା କଲେ ରାଜ୍ୟ ସରକାର
ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କ ବଡ ଘୋଷଣା । ମରୁଡି କ୍ଷତିଗ୍ରସ୍ତ ଅଞ୍ଚଳର ଚାଷୀଙ୍କ ପାଇଁ ଇନପୁଟ୍ ସବସିଡି ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିପାଇଁ ରାଜ୍ୟ ରାଜକୋଷରୁ ଖର୍ଚ୍ଚ ହେବ ୨୦୦ କୋଟି ଟଙ୍କା । ଯାହାର ଲାଭ କ୍ଷତିଗ୍ରସ୍ତ ଚାଷୀଙ୍କୁ ସିଧାସଳଖ ଭାବେ ମିଳିବ ।
ଏହି ସହାୟତା ଯୋଗୁଁ ସମଗ୍ର ରାଜ୍ୟର ମରୁଡି କ୍ଷତିଗ୍ରସ୍ତ ଚାଷୀ ଉପକୃତ ହେବ । ବିହନ କ୍ରୟ ହେଉ କିମ୍ବା ସାର ଠାରୁ ଯନ୍ତ୍ରପାତି, ଯେଉଁମାନେ ଚାଷ କରି କ୍ଷତି ସହିଛନ୍ତି, ସେମାନଙ୍କ ପାଇଁ ରାଜ୍ୟ ରାଜକୋଷରୁ ଖର୍ଚ୍ଚ ହେବ ୨ଶହ କୋଟି ଟଙ୍କା ।
ସୂଚନା ଅନୁସାରେ, ରାଜ୍ୟର ୬୪ ବ୍ଲକର ୨, ୬୩, ୫୬୦ ହେକ୍ଟର ଜମିରେ ଚାଷ ନଷ୍ଟ ହୋଇଛି। ୧୨ ଜିଲ୍ଲାର ୧୫ ପୌରାଞ୍ଚଳରେ ୩୩ % ରୁ ଅଧିକ କ୍ଷତି ହୋଇଛି। ଏଯାଏ ଅଧିକାଂଶ ଚାଷୀ ସେମାନଙ୍କ ବୀମା ରାଶି ପାଇ ନାହାନ୍ତି। ଟେକ୍ନିକାଲ ଆଡଭାଇଜାରୀ କମିଟି ଏହା ଉପରେ ନଜର ରଖିଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି।
About The Author
