ଭୁବନେଶ୍ୱର: ପୁଣି ୩ ଟି ନୂଆ ରୁଟ୍‍ରେ ମୋ ବସ୍‍ ସେବା ଆରମ୍ଭ ହେବ। ନୂତନଭାବେ ୭୧ ନମ୍ବର ରୁଟ୍‍ ଆରମ୍ଭ କରିବାକୁ ମୋ ବସ୍‍ ପରିଚାଳନା ସଂସ୍ଥା କ୍ରୁଟ୍‍ ନିଷ୍ପତ୍ତି ନେଇଛି। ଏହି ରୁଟ୍‍ରେ ରସୁଲଗଡ଼ରୁ ବରମୁଣ୍ଡା ଦେଇ କୋଣାର୍କ ପର୍ଯ୍ୟନ୍ତ ଯିବାକୁ ଯୋଜନା କରାଯାଇଛି। ସେହିପରି ଆଉ ଏକ ୩୫ ନମ୍ବର ରୁଟ୍‍ରେ ମାଷ୍ଟରକ୍ୟାଣ୍ଟିନରୁ ଜୟଦେବ ପୀଠ ଯାଏ ନୂଆ ବସ ସେବା ଆରମ୍ଭ ହେବ। ସେହିପରି ଭୁବନେଶ୍ୱରର ଆଚାର୍ଯ୍ୟ ବିହାରରୁ ନୀଳାଦ୍ରି ବିହାର ରୋଡ୍‍ ମଧ୍ୟ ଦେଇ ପଟିଆ ପର୍ଯ୍ୟନ୍ତ ପ୍ରମୁଖ ଡାକ୍ତରଖାନାଗୁଡ଼ିକ ରହୁଥିବାରୁ ଏହି ୯ ନମ୍ବର ରୁଟ୍‍ରେ ମଧ୍ୟ ବସ୍‍ ଚଳାଚଳ ଆରମ୍ଭ ହେବ। ଫଳରେ ସାଧାରଣ ଲୋକ ଅଧିକ ଉପକୃତ ହୋଇପାରିବେ ବୋଲି କ୍ରୁଟ୍‍ ପକ୍ଷରୁ କୁହାଯାଇଛି। ଏହି ୩ ଟି ନୂଆ ରୁଟ୍‍ରେ ସେପ୍ଟେମ୍ବର ୧ ତାରିଖରୁ ବସ ସେବା ଆରମ୍ଭ ହେବ।

We are happy to announce that Mo Bus will move in 3 new routes from 1/9/2021 to make the commute of Mo Bus BFFs easier.

ଆହୁରି ପଢ଼ନ୍ତୁ: 'ସୋମନାଥ ସ୍ୱାଭିମାନ ଯାତ୍ରା ୨୦୨୬'ର ଶୁଭାରମ୍ଭ, ଗୁଜରାଟ ଅଭିମୁଖେ ବାହାରିଲେ ୧୧୦୦ରୁ ଊର୍ଦ୍ଧ୍ୱ ଶ୍ରଦ୍ଧାଳୁ

Due to extremely low ridership Route No. 51 will be discontinued from 1st September.#NoMaskNoEntry #StandingNotAllowed #NewRoutes@MOBBY_MoBus pic.twitter.com/GZyn3eYUjX

ଆହୁରି ପଢ଼ନ୍ତୁ: ପରକୀୟା ପ୍ରୀତି ନେଲା ଜୀବନ; ଅପହରଣ ପରେ ସାଙ୍ଗକୁ ମାରି ମାଟିତଳେ ପୋତିଦେଲା ସାଙ୍ଗ...

— Capital Region Urban Transport (@CRUT_BBSR) August 29, 2021

ବିଭିନ୍ନ ସମୟରେ ଲୋକଙ୍କ ଆବଶ୍ୟକତାକୁ ଲକ୍ଷ୍ୟ କରି କ୍ରୁଟ୍‍ ପକ୍ଷରୁ ନୂତନ ରୁଟ୍‍ରେ ମୋ ବସ୍‍ ସେବା ଆରମ୍ଭ କରାଯାଇଥାଏ। ବସ୍‍ ସେବା ଦ୍ୱାରା ଲୋକଙ୍କ ଯାତାୟାତକୁ ସହଜ କରିବା ପାଇଁ ଆରମ୍ଭ ହୋଇଥିବା ଏହି ସେବା ମହାମାରୀ ସମୟରେ ମଧ୍ୟ ଯାତ୍ରୀଙ୍କ ପାଇଁ ବେଶ୍‍ ଉପଯୋଗୀ ହୋଇପାରିଥିଲା। ବର୍ତ୍ତର୍ମାନ ପରିସ୍ଥିତିକୁ ଅନୁଧ୍ୟାନ କରି ପୁଣି କ୍ରୁଟ୍‍ ପକ୍ଷରୁ ଆଉ ୩ଟି ନୂଆ ରୁଟ୍‍ରେ ମୋ ବସ୍‍ ସେବା ଆରମ୍ଭ ହେବ। ସହରାଞ୍ଚଳରେ ଲୋକଙ୍କ ଆବଶ୍ୟକତାକୁ ଲକ୍ଷ୍ୟ କରି ପ୍ରତି ୩୦ ମିନିଟ୍‍ ବ୍ୟବଧାନରେ ଉପଯୁକ୍ତ ଯାତ୍ରୀଙ୍କୁ ନେଇ ବସ୍‍ ଯାତାୟାତ ହେବ। ସେଭଳି ବରମୁଣ୍ଡାଠୁ ପୁରୀ ଯିବାପାଇଁ ରୁଟ୍‍ ନମ୍ବର ୫୧ରେ ଯାତ୍ରୀଙ୍କ ସଂଖ୍ୟା ଅପେକ୍ଷାକୃତ କମ୍‍ ରହୁଥିବାରୁ ଆସନ୍ତା ୧ ତାରିଖରୁ ଏହି ରୁଟ୍‍ରେ ମୋ ବସ୍‍ ସେବା ବନ୍ଦ ରହିବ ବୋଲି ସଂସ୍ଥା ପକ୍ଷରୁ ସୂଚନା ଦିଆଯାଇଛି। ତେବେ ମାଷ୍ଟର କ୍ୟାଣ୍ଟିନ୍‍ରୁ ପୁରୀ ଜାରି ରହିଥିବା ବସ ସେବା ପୂର୍ବ ପରି ଜାରିରହିବ ବୋଲି କ୍ରୁଟ୍‍ର ମହାପ୍ରବନ୍ଧକ ଦୀପ୍ତି ମହାପାତ୍ର କହିଛନ୍ତି ।