ନନ୍ଦନକାନନକୁ ଆସିଲା ନୂଆ ଅତିଥି, ମା’ ହେଲା ସିଂହୀ ‘ବିଜଲୀ’

By The Sakala

Published On Jul 21, 2021 03:44 PM IST

ଭୁବନେଶ୍ୱର: : ବହୁଦିନର ଅପେକ୍ଷା ପରେ ନନ୍ଦନକାନନ ପ୍ରାଣୀ ଉଦ୍ୟାନରେ ସିଂହର ବଂଶବୃଦ୍ଧି ହୋଇଛି। ମାତୃତ୍ୱ ଲାଭ କରିଛି ସିଂହୀ ‘ବିଜଲୀ’ । ଆଜି ସେ ତିନୋଟି ଛୁଆ ଜନ୍ମ ଦେଇଛି। ସେଥିରୁ ଗୋଟିଏ ନବଜାତ ସିଂହର ମୃତ୍ୟୁ ଘଟିଛି । ସିଂହ ସଫାରୀର ଏକ ସ୍ୱତନ୍ତ୍ର ସେଲରେ ଅଛି ବିଜଲୀ । ମେଡିକାଲ ଅଫିସର ଓ ନନ୍ଦନକାନନ କର୍ମଚାରୀ ତା ଉପରେ ୨୪ ଘଣ୍ଟିଆ ସିସିଟିଭିରୁ ନଜର ରଖିଛନ୍ତି । ଭୋର ୨.୪୩ ମିନିଟରେ ପ୍ରଥମ […]

ଭୁବନେଶ୍ୱର: : ବହୁଦିନର ଅପେକ୍ଷା ପରେ ନନ୍ଦନକାନନ ପ୍ରାଣୀ ଉଦ୍ୟାନରେ ସିଂହର ବଂଶବୃଦ୍ଧି ହୋଇଛି। ମାତୃତ୍ୱ ଲାଭ କରିଛି ସିଂହୀ ‘ବିଜଲୀ’ । ଆଜି ସେ ତିନୋଟି ଛୁଆ ଜନ୍ମ ଦେଇଛି। ସେଥିରୁ ଗୋଟିଏ ନବଜାତ ସିଂହର ମୃତ୍ୟୁ ଘଟିଛି । ସିଂହ ସଫାରୀର ଏକ ସ୍ୱତନ୍ତ୍ର ସେଲରେ ଅଛି ବିଜଲୀ । ମେଡିକାଲ ଅଫିସର ଓ ନନ୍ଦନକାନନ କର୍ମଚାରୀ ତା ଉପରେ ୨୪ ଘଣ୍ଟିଆ ସିସିଟିଭିରୁ ନଜର ରଖିଛନ୍ତି ।

ଭୋର ୨.୪୩ ମିନିଟରେ ପ୍ରଥମ ଛୁଆକୁ ଜନ୍ମ ଦେଇଥିଲା ବିଜଲୀ। ୩ଟା ୧୨ରେ ଦ୍ୱିତୀୟ ଓ ୩ଟା ୩୮ ମିନିଟରେ ତୃତୀୟ ଶାବକକୁ ଜନ୍ମ ଦେଇଥିଲା । ଗତ ଏପ୍ରିଲ ମାସରେ ବିଳସପୁର ଚିଡିଆଖାନାରୁ ଆସିଥିବା ପୁରୁଷ ସିଂହ ସମ୍ରାଟ ସହ ସିଂହୀ ବିଜଲିର ମିଳନ କରାଯାଇଥିଲା । ଗତବର୍ଷ ଡିସେମ୍ବରରେ କମଳା ନେହେରୁ ଚିଡିଆଖାନାରୁ ଆସିଥିଲା ସିଂହୀ ବିଜଲୀ।

ବର୍ତ୍ତମାନ ନନ୍ଦନକାନନରେ ସିଂହଙ୍କ ସଂଖ୍ୟା ୧୮କୁ ବୃଦ୍ଧି ପାଇଛି। ପ୍ରାଣୀ ଉଦ୍ୟାନରେ ୩ଟି ପ୍ରଜାତିର ୧୬ଟି ସିଂହ ଓ ସିଂହୀ ଅଛନ୍ତି। ୨୦୦୪ ମସିହା ପରଠାରୁ ନନ୍ଦନକାନନରେ ସିଂହ ବଂଶ ବୃଦ୍ଧି ପାଇ ନ ଥିଲା।