ମନୋରଞ୍ଜନ
ଓଡ଼ିଶା
ମର୍ମନ୍ତୁଦ ସଡ଼କ ଦୁର୍ଘଟଣା: ଟ୍ରକ- ବାଇକ ଧକ୍କା, ମହିଳା କନଷ୍ଟେବଳଙ୍କ ସମେତ ୨ ମୃତ
ସାକ୍ଷୀଗୋପାଳ: ଭୁବନେଶ୍ୱର-ପୁରୀ ଜାତୀୟ ରାଜପଥ ଜାତୀୟ ରାଜପଥର ସତ୍ୟବାଦୀ ଥାନା ଅନ୍ତର୍ଗତ ବୀର ଗୋବିନ୍ଦପୁର ପେଟ୍ରୋଲ ପମ୍ପ ନିକଟରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଏଥିରେ ଜଣେ ମହିଳା କନଷ୍ଟେବଳଙ୍କ ସମେତ ଘଟଣାସ୍ଥଳରେ ୨ ଜଣଙ୍କର ମୃତ୍ୟୁ ଘଟିବା ସହ ଜଣେ ଗୁରୁତର ଆହତ ହୋଇଛନ୍ତି। ମୃତ କନଷ୍ଟେବଳଙ୍କ ନାଁ ସୁଷମା ମିଶ୍ର ହୋଇଥିବା ବେଳେ ଅନ୍ୟଜଣଙ୍କ ନାଁ ସୂର୍ଯ୍ଯକାନ୍ତ ସାହୁ। ସୁଷମା କୋଣାର୍କ କୋର୍ଟରେ କାର୍ଯ୍ଯରତ ଥିଲେ।
ସୂଚନା ଅନୁଯାୟୀ, ଏକ ବାଇକରେ କୋଣାର୍କ କୋର୍ଟର କନେଷ୍ଟବଳ ସୁଷମା ମିଶ୍ର, ତାଙ୍କ ପୁଅ ଚିନ୍ମୟ ପ୍ରସାଦ ଆଚାର୍ଯ୍ଯ ଓ ସାକ୍ଷୀଗୋପାଳ ହୋତାସାହିର ସୂର୍ଯ୍ଯକାନ୍ତ ସାହୁ ପୁରୀରୁ ସାକ୍ଷୀଗୋପାଳ ଆଡକୁ ଯାଉଥିଲେ। ତେବେ ବୀରଗୋବିନ୍ଦପୁର ପାଖ ଏକ ପେଟ୍ରୋଲ ଟାଙ୍କି ପାଖରେ ଥିବା ଏକ ଟ୍ରକ ସହ ଧକ୍କା ହୋଇଥିଲା। ଏହି ଦୁର୍ଘଟଣାରେ ସୁଷମା ଓ ସୂର୍ଯ୍ଯକାନ୍ତଙ୍କର ଘଟଣାସ୍ଥଳରେ ମୃତ୍ଯୁ ଘଟିଥିଲା। ଚିନ୍ମୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କଟକକୁ ସ୍ଥାନାନ୍ତର କରାଯାଇଛି। ସତ୍ୟବାଦୀ ପୁଲିସ ଘଟଣା ସ୍ଥାନରେ ପହଞ୍ଚି ମୃତଦେହ ଦ୍ବୟ ଜବତ କରିବା ସହ ଦୁର୍ଘଟଣାଗ୍ରସ୍ତ ଯାନ ଦ୍ବୟ ମଧ୍ୟ ଜବତ କରିଛି।
About The Author
