ଭୁବନେଶ୍ବର : ରାଜ୍ୟରେ କରୋନା ସ୍ଥିତି ସଙ୍ଗୀନ ହେବାରେ ଲାଗିଛି। ଦିନକୁ ଦିନ ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବୃଦ୍ଧି ପାଇବା ସହ ପୂର୍ବ ସବୁ ରେକର୍ଡକୁ କାଟି ଦେଉଛି। ଏହାରି ମଧ୍ୟରେ ରାଜଧାନୀ ଭୁବନେଶ୍ବରର ମଧ୍ୟ ସ୍ଥିତି ଖରାପ ହେବାରେ ଲାଗିଛି। ଆଜି ଭୁବନେଶ୍ବରରୁ ଚିହ୍ନଟ ହୋଇଛନ୍ତି ୫୮୧ କରୋନା ଆକ୍ରାନ୍ତ । କ୍ବାରେଣ୍ଟାଇନରୁ ୧୧୧ ଜଣ ଥିବା ବେଳେ, ଲୋକାଲ କେସ୍ ରହିଛି ୪୭୦ । ପ୍ରତିଦିନ ଭୁବନେଶ୍ବରରୁ ଯେତିକି ସଂକ୍ରମିତ ଚିହ୍ନଟ ହେଉଛନ୍ତି ତାହାର ପ୍ରାୟ ୭୦ ଭାଗ ଲୋକାଲ୍‌ କେସ୍‌। ଏତେ ପରିମାଣର ଲୋକାଲ୍‌ କେସ୍‌ ଚିହ୍ନଟ ହେବା ଚିନ୍ତା ସୃଷ୍ଟି କରିଛି।

Update on newly detected #COVID19 cases in the last
24 hrs under the BMC area on 20th Apr (till 9am). pic.twitter.com/ZivYL9FAUT

ଆହୁରି ପଢ଼ନ୍ତୁ: ଜୁନ ୨୯ରୁ ପର୍ଯ୍ୟଟକଙ୍କ ପାଇଁ ଶିମିଳିପାଳ ଜାତୀୟ ଉଦ୍ୟାନ ପ୍ରବେଶ ମନା

— BMC (@bmcbbsr) April 20, 2021

ଆହୁରି ପଢ଼ନ୍ତୁ: ତାମିଲନାଡୁ ଗ୍ୟାସ୍ ଲିକ୍ ଅଘଟଣ: ମୃତ ଓଡ଼ିଆ ଶ୍ରମିକଙ୍କ ପରିବାର ପାଇଁ ଅନୁକମ୍ପାମୂଳକ ସହାୟତା ୧୦ ଲକ୍ଷ ଟଙ୍କାକୁ ବୃଦ୍ଧି

ଆଜି ରାଜଧାନୀ ଭୁବନେଶ୍ବରରୁ ଚିହ୍ନଟ ହୋଇଥିବା ସ୍ଥାନୀୟ ସଂକ୍ରମଣ ମଧ୍ୟରୁ ପଟିଆରୁ ୩୮ ଜଣ ଥିବା ବେଳେ, ଓଲ୍ଡ ଟାଉନରୁ ୩୫, ଖଣ୍ଡଗିରିରୁ ୨୯, ଟଙ୍କପାଣି ରୋଡରୁ ୨୬, ନୟାପଲ୍ଲୀରୁ ୨୪, ଚନ୍ଦ୍ରଶେଖରପୁରରୁ ୨୨, ଆଇଗିଣିଆରୁ ୧୯ ଜଣ ଅଛନ୍ତି । ସେହିପରି ରସୁଲଗଡରୁ ୧୫ ଜଣ ଥିବା ବେଳେ, ମଞ୍ଚେଶ୍ବରରୁ ୧୧, ଆଚାର୍ଯ୍ୟବିହାର ୯, ୟୁନିଟ -୯, ବଡ଼ଗଡ଼, ନିଳାଦ୍ରୀବିହାରରୁ ୮ ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିପରି କ୍ବାରେଣ୍ଟାଇନରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖଣ୍ଡଗିରିରୁ ସର୍ବାଧିକ ୯ ଜଣ ଥିବା ବେଳେ, ବରମୁଣ୍ଡାରୁ ୮ ଜଣ, ବମିଖାଲ ଓ ଚନ୍ଦ୍ରଶେଖରପୁର, ଟଙ୍କପାଣି ରୋଡରୁ ୬ ଜଣ ଲେଖାଏଁ, ପଟିଆରୁ ୫ ଜଣ, ନୟାପଲ୍ଲୀରୁ ୪ ଜଣ, ଡମଣା ଓ ପୋଖରୀପୁଟରୁ ୩ ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି । ଏପର୍ୟ୍ୟନ୍ତ ଭୁବନେଶ୍ବରରେ ଆକ୍ରାନ୍ତ ସଂଖ୍ୟା ୩୬ ହଜାର ୭୨୮ରେ ପହଞ୍ଚିଥିବା ବେଳେ, ୨୫୦ ଜଣଙ୍କ ମୃତ୍ୟୁ ହେଲାଣି । ସେହିପରି ୩୩ ହଜାର ୨୦୮ ଜଣ ସୁସ୍ଥ ହୋଇ ଫେରିଥିବା ବେଳେ, ବାକି ୩୨୪୯ ଜଣଙ୍କ ଚିକିତ୍ସା ଚାଲିଛି ।