ମନୋରଞ୍ଜନ
ଓଡ଼ିଶା
ଆଜି ଅସଲ ଛାଡଖାଇ: ସକାଳୁ ସକାଳୁ ଆମିଷ ଦୋକାନରେ ପ୍ରବଳ ଭିଡ
ଭୁବନେଶ୍ବର: ଶେଷ ହୋଇଛି ଧର୍ମମାସ କାର୍ତ୍ତିକ । ଆଉ ଆଜି ଛାଡ଼ଖାଇ । ଗତକାଲି ଛାଡ଼ଖାଇ ପଡ଼ିଥିଲେ ବି ସଂକ୍ରାନ୍ତି କାରଣରୁ ଫିକା ପଡ଼ିଥିଲା । ତେବେ ଆଜି ଅସଲ ଛାଡଖାଇ ପାଳୁଛନ୍ତି ଲୋକେ । ଛାଡଖାଇ ପାଇଁ ଆଜି ସକାଳୁ ସକାଳୁ ଆମିଷ ମାର୍କେଟରେ ଗ୍ରାହକଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି । ଦୀର୍ଘ ଏକମାସ ପରେ ଘରକୁ ଆମିଷ ଟିକେ ନେବାକୁ ଲୋକେ ଦୋକାନ ଆଗରେ ନାହିଁ ନଥିବା ଭିଡ଼ ଜମାଇଛନ୍ତି । ସେପଟେ ଗ୍ରାହକଙ୍କ ଚାହିଦା ଅନୁଯାୟୀ, ପର୍ଯ୍ୟାପ୍ତ ପରିମାଣର ଛେଳି, କୁକୁଡା, ମାଛ, କଙ୍କଡ଼ା ଇତ୍ୟାଦି ମହଜୁଦ ରହିଥିବା ବ୍ୟବସାୟୀ ମାନେ କହିଛନ୍ତି ।
ରାଜଧାନୀ ଭୁବନେଶ୍ବର ସମେତ ରାଜ୍ୟର ସବୁ ସ୍ଥାନରେ ସମାନ ଦୃଶ୍ୟ ଦେଖିବାକୁ ମିଳୁଛି । ଦୀର୍ଘ ଦିନର କାର୍ତ୍ତିକ ବ୍ରତ ପାଳନ ପରେ ଲୋକମାନେ ଛାଡଖାଇ ପାଳନ କରୁଛନ୍ତି । ସେପଟେ ଛାଡ଼ଖାଇକୁ ନେଇ ବିଭିନ୍ନ ଆମିଷର ଦର ମଧ୍ୟ ବଢ଼ିଯାଇଛି । ସାଧାରଣ ଦିନଠାରୁ ଅଧିକ ମୂଲ୍ୟରେ ମାଛ ଓ ମାଂସ ବିକ୍ରି ହେଉଛି । ତଥାପି ଲୋକେ ଆମିଷ କିଣିବାକୁ ଭିଡ଼ ଜମାଇଛନ୍ତି ।
About The Author
