ନୂଆଦିଲ୍ଲୀ: କୋୱିନ ପୋର୍ଟାଲରେ ଏକ ନୂତନ ଅପଡେଟ ଆସିଛି। ଟିକା ନେବା ସାର୍ଟିଫିକେଟରେ ଯଦି କିଛି ଭୁଲ ଥାଏ ଆପଣ କୋୱିନ ପୋର୍ଟାଲରେ ଲଗ-ଇନ କରି ଘରି ବସି ପରିବର୍ତ୍ତନ କରିପାରିବେ। ଏହି ନୂତନ ଅପଡେଟ ବିଷୟରେ ଆରୋଗ୍ଯ ସେତୁ ଟ୍ବିଟ କରି ସୂଚନା ଦେଇଛି।

Now you can make corrections to your name, year of birth and gender on your Cowin vaccination certificates if inadvertent errors have come in. Go to https://t.co/S3pUoouB6p and Raise an Issue. @mygovindia @CovidIndiaSeva @MoHFW_INDIA @GoI_MeitY @_DigitalIndia #IndiaFightsCorona pic.twitter.com/W32yUGr8Jx

— Aarogya Setu (@SetuAarogya) June 8, 2021

ଜନ୍ମ ତାରିଖ, ନାମ ଓ ଲିଙ୍ଗ ଇତ୍ୟାଦି ସମ୍ବନ୍ଧରେ ଯଦି ତୁମର ଟିକା ପ୍ରମାଣପତ୍ରରେ କୌଣସି ତ୍ରୁଟି ଥାଏ, ତେବେ ସରକାର ଏଥିରେ ଅନଲାଇନ୍ ସଂଶୋଧନ ସୁବିଧା ଦେଇଛନ୍ତି। ଭ୍ୟାକ୍ସିନ୍ ସାର୍ଟିଫିକେଟରେ କୌଣସି ଭୁଲକୁ ସଂଶୋଧନ କରିବାକୁ  ହେଲେ, ଆପଣଙ୍କୁ ପ୍ରଥମେ ଆପଣଙ୍କର ପଞ୍ଜୀକୃତ ମୋବାଇଲ୍ ନମ୍ବର ସହିତ କୋୱିନ ପୋର୍ଟାଲରେ ଲଗ୍ଇନ୍ କରିବାକୁ ପଡିବ। ଯଦି ଗୋଟିଏ ନମ୍ବରରେ ଏକାଧିକ ପଞ୍ଜିକରଣ ଥିବ ତେବେ ତ୍ରୁଟିଥିବା  ଆଇଡିକୁ ଚୟନ କରିବାକୁ ପଡ଼ିବ।  ଏହା ପରେ ଆପଣଙ୍କୁ ସେହି ଆଇଡିରେ ଏକ ରେଜ୍ ଇସ୍ଯୁର ବକଳ୍ପ ଆସିବ। ଏହି ବିକଳ୍ପକୁ ବାଛି ଆପଣ ସମସ୍ତ ସଂଶୋଧନ କରିପାରିବେ। ଅନେକ ଦେଶ ଏବ ରାଜ୍ୟରେ ଭ୍ରମଣ ପାଇଁ ଟିକା ପ୍ରମାଣପତ୍ର ବାଧ୍ୟତାମୂଳକ ହୋଇଛି। ଏପରି ପରିସ୍ଥିତିରେ, ସାର୍ଟିଫିକେଟରେ କୌଣସି ଭୁଲ ଆପଣଙ୍କୁ ଅସୁବିଧାରେ ପକାଇପାରେ। ଏଥିପାଇଁ ତୁମର ପରିଚୟ ପତ୍ର ଏବଂ ଟିକା ପ୍ରମାଣପତ୍ରରେ ସମାନ ସୂଚନା ରହିବା  ଆବଶ୍ଯକ।

ସୂଚନାଯୋଗ୍ୟ ଯେ, ଯେଉଁମାନେ ଟିକାରା ଦୁଇଟି ଯାକ ଡୋଜ ନେଇଥିବେ ଆରେଗ୍ଯ ସେତୁ ଆପ ପକ୍ଷରୁ ତାଙ୍କ ଆକାଉଣ୍ଟକୁ ବ୍ଲୁଟିକ ଦିଆଯିବ। ସେମାନଙ୍କୁ ଟିକାର ସାର୍ଟିଫିକେଟ ଆବଶ୍ଯକତା ପଡ଼ିବ ନାହିଁ। ବ୍ଲୁଟିକଦେଖି ଚିହ୍ନଟ କରାଯିବ।