କାବୁଲ: ଆଫଗାନିସ୍ତାନରୁ ଭୟ ଓ ଆତଙ୍କରେ ଲୋକ ଦିନ କାଟୁଥିବା ବେଳେ ଦେଶ ଛାଡ଼ିବାକୁ ସମସ୍ତେ ବ୍ୟାକୁଳ। ଆଫଗାନିସ୍ତାନର ବର୍ତ୍ତମାନ ପରିସ୍ଥିତି ନେଇ ପାକିସ୍ତାନ ଉପରେ ବର୍ଷିଛନ୍ତି ଆଫଗାନିସ୍ତାନର ପପ୍ ଷ୍ଟାର ଆରୟାନା ସୟିଦ। ଆରୟାନା କହିଛନ୍ତି, ତାଲିବାନୀଙ୍କୁ ଶକ୍ତିଶାଳୀ କରିବା ପଛରେ ପାକିସ୍ତାନର ହାତ ଅଛି।

ଆରୟାନା ଏବେ କାବୁଲ ବାହାରେ ଅଛନ୍ତି। ସେ କହିଛନ୍ତି ଯେ, ତତ୍କାଳୀନ ଆଫଗାନ ସରକାର ଯେତେବେଳେ କୌଣସି ଆତଙ୍କବାଦୀଙ୍କୁ ଧରିଛନ୍ତି ସେମାନଙ୍କ ଲିଙ୍କ ପାକିସ୍ତାନ ସହ ଥିବା ସାମ୍ନାକୁ ଆସିଛି। ତାଲିବାନୀ ଆତଙ୍କୀଙ୍କୁ ପାକିସ୍ତାନ ଟ୍ରେନିଂ ଦେଉଥିବା ସେ ଅଭିଯୋଗ ଆଣିଛନ୍ତି । ଆଫଗାନିସ୍ତାନ ସ୍ଥିତିରେ ସୁଧାର ପାଇଁ ବିଶ୍ୱ ସମୁଦାୟ ସହଯୋଗ କରିବାକୁ ସେ ଅପିଲ୍ କରିଛନ୍ତି ।

#WATCH | "…I blame Pakistan. Over the yrs, we've seen videos & evidence that Pak is behind empowering Taliban. Every time our govt would catch a Talib, they'd see identification & it'd be a Pakistani, it's very obvious that it's them," says Afghan pop star Aryana Sayeed to ANI pic.twitter.com/eIBAGXvaCP

ଆହୁରି ପଢ଼ନ୍ତୁ: ପ୍ରକାଶ ପାଇଲା CBSE ଦଶମ ବୋର୍ଡ ରେଜଲ୍ଟ, results.cbse.nic.inରେ ରେଜଲ୍ଟ ଉପଲବ୍ଧ

— ANI (@ANI) August 24, 2021

ଆରୟାନା କହିଛନ୍ତି, ସେ ଏବେ ଦେଶ ବାହାରେ ଅଛନ୍ତି। କିନ୍ତୁ ଦେଶବାସୀଙ୍କ ପାଇଁ ସେ ସ୍ୱର ଉଠାଇବେ। ରାଷ୍ଟ୍ରପତି ଅଶ୍ରଫ ଘନି ଯେଭଳି ଦେଶ ଛାଡ଼ି ପଳାଇଲା ତାହା ଦୁର୍ଭାଗ୍ୟଜନକ। ସେ ସମସ୍ତଙ୍କୁ ଧୋକା ଦେଇଛନ୍ତି। ଜଣେ ନେତା ବିନା ଦେଶବାସୀ କେମିତି ଲଢ଼ିବେ ବୋଲି ଅଶ୍ରଫ ଘନିଙ୍କୁ ପ୍ରଶ୍ନ କରିଛନ୍ତି ଆରୟାନା। ତେବେ ଭାରତକୁ ସେ ପ୍ରଶଂସା କରିଛନ୍ତ । ଆରୟାନା ସୟିଦ କହିଛନ୍ତି, ଭାରତ ସବୁବେଳେ ଆଫଗାନିସ୍ତାନକୁ ସହଯୋଗ ଓ ସମର୍ଥନର ହାତ ବଢ଼ାଇ ଆସିଛି। ଭାରତ ସରକାରଙ୍କ କାର୍ଯ୍ଯକୁ ସେ ପ୍ରଶଂସା କରିବା ସହିତ ଭାରତକୁ ପ୍ରକୃତ ବନ୍ଧୁ ବୋଲି କହିଛନ୍ତି।