ମନୋରଞ୍ଜନ
24 Jan 2026
By Madhusudan Das
ମଣିଷ ସହ ଲଢ଼େଇରେ କଲରାପତରିଆ ବାଘର ମୃତ୍ୟୁ, ଯୁବକ ଗୁରୁତର
ନରସିଂହପୁର: ବାଘ-ମଣିଷ ଲଢ଼େଇରେ କଲରାପତରିଆ ବାଘର ମୃତ୍ୟୁ । କଟକ ଜିଲ୍ଲା ନରସିଂହପୁର ପଶ୍ଚିମ ବନାଞ୍ଚଳ ଅନନ୍ତପ୍ରସାଦ ଗାଁରେ କଲରା ପତାରିଆ ବାଘ ମଣିଷ ଲଢେଇରେ ବାଘ ମୃତ। ନିଜ ଜୀବନ ବଞ୍ଚାଇବାକୁ ଯାଇ କଲରାପତରିଆ ବାଘ ସହ ସଂଘର୍ଷ କରିଥିଲେ ଯୁବକ । ବାଘ ଓ ମଣିଷ ଲଢେଇରେ ବାଘର ମୃତ୍ୟୁ ହୋଇଥିବା ବେଳେ ଆକ୍ରମଣରେ ଜଣେ ଯୁବକ ଗୁରୁତର ଆହତ ହୋଇଛନ୍ତି । ଆହତ ଯୁବକ ଜଣକ ହେଲେ ଶୁଭ୍ରାଂଶୁ ଭୋଳ । ତାଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି ।
ସୂଚନା ଅନୁସାରେ, ଶୁଭ୍ରାଂଶୁଙ୍କ ଜୟପୁର ଫାର୍ମରେ ପଶିଥିଲା ବାଘ। ଫାର୍ମ ଭିତରେ ଶୁଭ୍ରାଂଶୁଙ୍କୁ ଝାମ୍ପି ଥିଲା ବାଘ। ଜୀବନ ବଞ୍ଚାଇବାକୁ ବାଘ ସହ ସଂଘର୍ଷ କରିଥିଲେ ଯୁବକ । କିଛି ସମୟର ସଂଘର୍ଷ ପରେ ଛୁରାମାଡ଼ରେ ବାଘର ମୃତ୍ୟୁ ହୋଇଥିଲା । ଖବର ପାଇ ବନବିଭାଗ ଟିମ୍ ଏବଂ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ମୃତ କଲରାପତରିଆ ବାଘକୁ ଜବତ କରିଛି ବନ ବିଭାଗ।
https://www.thesakala.in/latest-odisha-news/tiger-died-after-fight-with-man-in-narasingpur/article-44201
About The Author
